видео снимки – Kurir.mk

Детали од увидот во „Глобал“: Вешти лица на терен, ќе се вештачат видео снимките од камерите во трговскиот

Ивона Петрова — Mon, 04 Jan 2021 11:46:39 +0000

Јавен обвинител од Основното јавно обвинителство Струмица од 10.00 часот утринава го започна увидот на самото место во ТЦ „Глобал“, каде ноќта на 2 јануари изби пожар. -Неопходни услови за вршење на увид се создадоа денеска поради предупредувања за можни повремени пожари дадени од Дирекцијата за заштита и спасување и противпожарните екипи во текот на вчерашниот ден. Надлежен јавен обвинител увидот го врши во координација со увидна екипа од крим техника МВР и СВР Струмица, а обвинителството повика и вешти лица за пожари и експлозиви и за електрика со цел утврдување на причините за настанатиот пожар. Воедно, повикани се и вешти лица од областа на градежништвото и архитектурата, како и од материјално финансиско работење со цел утврдување на видот и висината на настанатата штета, информираат од Обвинителството. Јавниот обвинител издаде наредби за подигање на траги од лице место и нивно натамошно вештачење, како и за одземање на видео записи – ресивери од видео камерите поставени во трговскиот центар. Издадени се и наредби за вршење на оперативни проверки и прибирање на информации од лица кои имаат сознанија во врска со настанување на пожарот

Фејсбук избриша 1,5 милиони снимки од нападите врз двете џамии на Нов Зеланд

Дарко Андоновски — Sun, 17 Mar 2019 09:24:46 +0000

Компанијата Фејсбук во првите 24 часа по нападот врз двете џамии на Нов Зеланд отстранила 1,5 милиони снимки од тој грозоморен чин. – Во првите 24 часа отстранивме 1,5 милиони снимки од нападот, од кои над 1,2 милиона се блокирани во текот на нивното поставување, соопшти Фејсбук. Компанијата нагласи и дека ги брише сите направени верзии од снимките кои не ја прикажуваат графичката содржина од почит кон луѓето погодени во нападот врз џамиите. Напаѓачот на џамиите 17 минути во живо ги емитувал снимките од нападите преку Фејсбук, користејќи апликација направена за ентузијасти на екстремни спортови, а копиите неколку часа подоцна биле споделувани преку социјалните мрежи. Во терористичкиот напад врз џамиите загинаа 50 лица.

Преку видео надзорот може да се провери дали автобусот кај Ласкарци поминал технички

Дарко Андоновски — Tue, 19 Feb 2019 11:51:26 +0000

Фирмата „Авто мото здружение Гостивар“, чиј сопственик е газдата на „Дурмо турс“, минатата година имала забрана да врши технички преглед на возила. Забраната е издадена по извршен надзор од Секторот за сообраќајни работи во Бирото за јавна безбедност, надзор кој утврдил недостатоци и пропусти во работењето, пренесува Либертас. Освен забраната фирмата добила и задолжение неправилноста да ја отстрани во рок од 30 дена. - Потоа стручни лица од МВР извршиле повторен надзор и констатирале дека недостатокот е отстранет, за што се изготвени записник и службена белешка. Откако е констатирано дека недостатокот е отстранет, на 15.8.2018 е донесено решение дека правното лице може да продолжи со работа, бидејќи ги исполнува законските услови, посочија од МВР. Ова значи дека дека од видео надзорот, кој што фирмата треба да го чува 12 месеци може да се утврди дали автобусот кој имаше сообраќајна несреќа навистина бил во станицата и на кој начин му е извршен техничкиот преглед.