видео технологија – Kurir.mk

ВАР технологијата ќе се користи на СП 2018

Ивона Петрова — Sat, 17 Mar 2018 08:56:02 +0000

Видео технологијата ќе биде вклучена на фудбалскиот Мундијал во Русија, одлучи Советот на ФИФА на седница одржана вчера во Богота, Колумбија. - Мораме да држиме чекор со времето. Сакаме на судиите да им овозможиме помош при донесување одлуки во случај на спорни ситуации. Не е во ред, гледачите пред ТВ екраните само неколку секунди по спорните моменти да знаат дали судиите погрешиле, а тие доле на теренот да не знаат, изјави претседателот на ФИФА, Џани Инфантино. Со ова се стави крај на дилемите дали видео технологијата наречана ВАР ќе се користи на планетарниот фудбалски собир во Русија. Првенството ќе се игра од 14 јуни до 15 јули оваа година.

ВАР технологијата ќе се користи на Мундијалот во Русија

Ивона Петрова — Thu, 01 Mar 2018 10:21:20 +0000

Одлуката за воведување на видео технологијата на Светското првенство што годинава ќе се одржи во Русија се очекува да биде донесена од раководството на ФИФА во сабота. Претседателот на Светската фудбалска федерација Џани Инфантино е поддржувач на ВАР технологијата, па затоа се очекува системот да биде достапен на Мундијалот. Прашањето за воведување на видео технологијата за време на Светското првенство беше дискутирано на состанок во Сочи. Таму е договорено во иднина тренерот на клупата да може да добие податоци и водство во текот на натпреварите директно од неговите аналитичари на трибините.