видливост – Kurir.mk

Возете внимателно на овие патни правци, намалена видливост поради магла

Ивана Ефремовски — Mon, 13 Jan 2020 18:02:25 +0000

Намалена видливост поради појава на магла од 50 до 100 метри има на патните правци Велес – Катланово и Кочани – Берово, од 50 до 80 метри на патниот правец Куманово – Крива Паланка, од 20 до 30 метри на правецот Тетово-Попова Шапка и до 50 метри на правецот Св. Николе-Куманово, соопшти ЈП Македонија пат. Сообраќајот на државните патишта, како што се посочува, се одвива тековно по местимично влажни коловози. Од ЈП Македонија пат апелираат на внимателно возење и прилагодување на брзината кон условите на патот.

Поради магла намалена видливоста на повеќе места

Дарко Андоновски — Wed, 18 Dec 2019 11:56:12 +0000

Намалена видливост на патните правци поради магла до 150 метри има кај Страцин, Тетово, Гостивар, Битола, Прилеп, Охрид, Струга и Ресен, до 40 метри видливоста е кај Штип и до 50 метри на Плетвар. Сообраќајот на државните патишта се одвива по наместа влажни коловози. Автомотосојузот на Македонија препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има и можност од појава на одрони, како што се делниците Катланово – Велес, Маврово – Дебар – Струга, Виница – Берово и Кочани – Делчево.

Магла и снег на патот Тетово – Попова Шапка

Ивана Ефремовски — Sun, 04 Mar 2018 08:28:39 +0000

Сообраќајот на државните патишта се одвива по влажни коловози. Врнежи од снег се бележат на Попова Шапка, но не претставуваат пречка за одвивање на сообраќајот. Во останатите делови од државата врнежите се од дожд. Намалена видливост поради појава на магла од 20 – 30 метри има на патниот правец Попова Шапка – село Гајре, информира АМСМ. Интензитетот на сообраќајот на патните правци надвор од градските средини е умерен, а на граничните премини од македонска страна нема подолги задржувања за влез и за излез од државата. Од АМСМ препорачуваат внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково.