викендица – Kurir.mk

Узурпирал државно земјиште, си изградил викенд куќа и ја легализирал

Ивана Ефремовски — Wed, 25 May 2022 15:02:40 +0000

СВР Тетово поднесе кривична пријава против С.Р.(57) од с.Боговиње, тетовско, поради постоење основи на сомнение за сторено кривично дело „узурпација на недвижности’’. На 2005 во с. Боговиње, пријавениот во својство на инвеститор, изградил викенд куќа и ја легализирал, додека во текот на 2017 година извршил узурпација на државно земјиште кое го користи како двор со површина од 173 м². Од страна на службата преземени се мерки и активности, односно од страна на увидна екипа при СВР Тетово, извршен бил увид на местото на настанот и било потврдено дека наведеното место е во државна сопственост.

Чувал рачна бомба во викендица во скопско, пронајдени и делови од огнени оружја

Ивона Петрова — Mon, 21 Mar 2022 11:59:38 +0000

Јавен обвинител од Основното јавно обвинителство Скопје поведе истражна постапка против 30-годишно лице од скопското село Љубин за кривично дело – Неовластено изработување, држење, посредување и тргување со оружје или распрскувачки материи според член 396 став 2 во врска со став 1 од Кривичниот законик. -Осомничениот, во неговата викенд куќа во селото Јаболце, држел експлозивна материја која на граѓаните им е забранета – една рачна бомба од непозната марка и модел. Освен ова, кај него биле пронајдени и делови од огнени оружја – рамки за автоматски и полуавтоматски пушки, како и седум испукани чаури низ дворот на оградената викендица, информираат од Обвинителството. Бидејќи постои опасност осомничениот да се даде во бегство за да го избегне кривичниот прогон, јавниот обвинител до судијата на претходна постапка од Основниот кривичен суд Скопје достави предлог за определување мерка притвор.

Си градел викендица без никакво одобрение, охриѓанец кривично ќе одговара

Ивана Ефремовски — Thu, 10 Mar 2022 15:06:17 +0000

Надворешната канцеларија за криминалистичка полиција Струга поднесе кривична пријава против С.Н.(48) од Охрид, поради постоење основано сомнение за сторенo кривично дело „бесправно градење“. По извршен инспекциски надзор пријавената, во својство на инвеститор, на место викано „Блато“ во атарот на с.Калишта во текот на 2021 година започнала со изградба на викенд куќа, без одобрение за градба, поради што е донесено решение со кое на инвеститорот му се наложува да ги отстрани неправилностите на изградениот објект.

Бил пријавен за исчезнат, но го пронашле починат во неговата викендица – еве ги деталите

Дарко Андоновски — Wed, 29 Dec 2021 16:31:33 +0000

На 28.12.2021 околу 18.00 часот во нас.Лавачи во неговата викенд куќа бил пронајден починат Љ.Д.(63) од Скопје, за кој во 13.50 часот било пријавено дека се оддалечил од домот. Од страна на лекар од Итната медицинска помош била констатирана смрт без траги на насилство. Извршен бил увид од увидна екипа од СВР Велес, а по наредба на Јавен обвинител телото на починатиот било дадено за обдукција.

Ранет млад скопјанец: Сакал да оди во викендица, завршил на Ургентен

Ивана Ефремовски — Fri, 22 Oct 2021 14:11:20 +0000

На 22.10.2021 во 00:06 часот во СВР Скопје, од Ургентен центар при Комплекс клиники „Мајка Тереза“ било пријавено дека кај нив со повреди во ногата од огнено оружје бил донесен Б.И.(27) од Скопје. Според пријавеното, Б.И. отиштол во својата викенд куќа во с.Кучково со Б.Л. и откако излегол од возилото бил погоден од огнено оружје од страна на непознато лице. За настанот бил известен Јавен обвинител и се преземаат мерки за расчистување на случајот.

Изградил викендица на државно земјиште без дозвола – поднесена кривична пријава против 37. годишен тетовец

Магдалена Андонова — Wed, 29 Sep 2021 15:21:24 +0000

СВР Тетово поднесе кривична пријава против Х.А.(37) од Тетово, поради постоење основи на сомнение за сторени кривични дела „узурпација на недвижности’’ и „бесправно градење“ . Во текот на 2021 година, во својство на инвеститор, во атар на село Лисец, пријавениот узурпирал катастарска парцела во државна сопственост и изградил викенд куќа без да поседува соодветна дозвола издадена од надлежен орган. На 19.06.2021, полициски службеници извршиле контрола и констатирале дека на наведеното место се врши бесправно градење, а по извршени проверки било утврдено дека во 2018 година пријавениот има поднесено барање за добивање правен статус на бесправен изграден објект што не кореспондира со фактичката состојба бидејќи објектот е изграден 2021 година.

ВИДЕО: Експлозија на плинска боца во викендица во Матејче, повредени неколку лица

Ивона Петрова — Mon, 22 Mar 2021 06:43:47 +0000

Плинската боца вчера експлодираше во викендица во селото Матејче во општина Липково. Според информациите на ТВ21 во експлозијата повредени се шест лица, три лица се на интензивна нега, односно пластична хирургија и три во градската болница. Лицата се на возраст од 30-40 години, а заменик министерот за здравство, Илир Хасани за ТВ21 изјавил дека здравствената состојба на повредените е стабилна. Повеќе информации се очекуваат во текот на денот.

Шабан Шаулиќ зад себе остави куќи кои вредат милиони, а после две години еве како изгледаат тие- фановите во неверување од глетката (ФОТО)

Дарко Андоновски — Thu, 18 Feb 2021 15:14:13 +0000

Поминаа две години од смртта на Шабан Шаулиќ, а по тој повод српските медиуми објавија и фотографии од неговата викендица која изгледа напуштено. Имено кралот на фолк музиката кој почина во сообраќајна несреќа во Германија враќајќи се од настап освен вилата во Белград поседуваше и голема викендица која во последните години од својот живот ја посетуваше се почесто. Пејачот во викендицата ги собираше своите пријатели, а речиси сите знаат дека беше и љубител на рибарењето. Екипата на „Папарацо Лов“ со својата камера пред неколку дена забележа и како изгледа неговата викендица. Она што го забележаа е пустош околу викендицата во која Шаулиќ вложи многу пари, особено за тоа говореа и самите соседи.

Растурена забава во викендица во Волково – пронајдена дрога, приведени 29 лица

Магдалена Андонова — Sun, 27 Dec 2020 09:19:57 +0000

На 26.12.2020 во 23,20 часот во викендица во с.Волково,скопско, по претходно добиени оперативни сознанија дека се одржува приватна забава со повеќе лица, а по наредба од јавен обвинител, полициски службеници од СВР Скопје ги лишиле од слобода Б.К.(24),сопственик на викендицата и уште 28 лица, меѓу кои и ди џејот (35) од Скопје, поради постоење основано сомнение дека сториле кривично дело „Непостапување според здравствените прописи за време на епидемија„ казниво по чл.206 од Кривичниот законик . При претрес кај ди џејот била пронајдена и прашкаста материја. По документирање на случајот ќе бидат поднесени соодветни поднесоци.

СЕ ТРЕСЕ БУКВАЛНО ЦЕЛАТА ВИКЕНДИЦА: Оваа видео снимка од куќа во Маврово за време на земјотресот ќе ви ја заледи крвта (ВИДЕО)

Дарко Андоновски — Thu, 12 Nov 2020 08:13:23 +0000

Речиси несекојдневна видео снимка беше објавена на социјалните мрежи од една безбедносна камера поставена во викендица во Маврово. Камерата имено регистрира два посилни од многуте земјотреса кои ги имаше вчера и денеска во Мавровскиот регион. На видеото објавена на Инстаграм профилот „Роберто Навали“ се гледа како буквално целата куќа се тресе, а мебелот оди лево, десно. Видеото е направено во приватен дом во Маврово, а доказ за тоа колку бил јак земјотресот уверете се самите: