викендичка – Kurir.mk

Изгоре викендичка на тетовско Кале, пожарот го гаснеле 12 пожарникари

Ивона Петрова — Wed, 04 Jan 2023 14:56:53 +0000

Во пожар целосно изгоре објект на ридот Балтепе во викенд населбата во близина на тврдината. Објектот е сопственост на Жарко Ананчевски. -Ми јавија дека гори, па јавив на пожарна. Пожарната брзо дојде. Кога дојдов овде беше скоро изгорено. Се работи за викендичка, но јас повеќе живеам овде, преку летото чувам и добиток. На горниот дел имав 200 бали сено и повече и чекав пролет да дојде. Овде сум 90 посто од времето, се случи кога не бев. Објектот е направен во 1990-ти, јас сум од селото овде од Лавце, овде ме влече прв дом овде, втор дом во Тетово, се надевам дека ќе се обнови, ако општина поможе. Невозможно е да се влезе сега, не па да се живее, изјави Жарко Ананчевски. Од ТППЕ Тетово информираа дека пожарот е пријавен во 9:05, а изгаснат во 11:35 часот. Интервенирале четири екипи со камиони и со 12 пожарникари.

ГРОМ УДРИ ВО ВИКЕНДИЧКА- соседите сами го гаснеле пожарот додека дојде пожарната, ова се деталите по невремето во Македонија!

Дарко Андоновски — Sat, 25 Jul 2020 16:59:21 +0000

Гром удри во викендичка на браната „Водоча“, но нема жртви и повредени, откако околу 17:00 часот силно невреме го зафати струмичкиот регион, информираат од Територијалната против пожарна единица на Струмица. -Добивме повик за запалена викендичка на браната Водоча, но во меѓувреме граѓаните кои таму престојуваат го изгаснале пожарот. Според нашите сознанија се запалил кревет, а жртви и повредени нема, рече Вернер Стоилов, заменик командир на ТППЕ Струмица. Од силниот дожд поплавени се неколку улици во пониските делови од градот и дворови. Вода навлезе и во подземната гаража под плоштадот во Струмица од каде се извлекува со пумпи, а од постари куќи разлетани се керамиди од силниот ветар. Досега само еден граѓанин пријавил дека има потреба од интервенција на пожарникарите заради извлекување на вода од куќата. Екипи на ЈПКД „Комуналец“ се излезени на терен и работат на остранување на последиците од невремето.

Од стар автобус, направил удобна викендичка (ФОТО)

Тале Кристо — Tue, 02 Jun 2020 12:32:14 +0000

Англичанец успеа, од еден стар двокатен „Вајлд атлантик“ автобус што се користел во Лондон 1990-тите, да направи луксузно привремено живеалиште. Ричард Бартон го купил автобусот пред три години, за 2.000 фунти. Првично, сакал да го користи како превозно средство за потребите на неговото семејство и за работа. – Претходно имам поправено пет Фолксваген камп-возила и мислев дека можам да направам нешто слично со автобусов. Но, напредував бавно, иако мојата сопруга и ќерките ми помагаа со идеи. На крајот, ова стана недвижно место за престој, раскажува 61-годишниот мајстор. Бартон отстранил 74 седишта од автобусот, тркалата, ја проверил неговата издржливост и состојбата на материјалот, ги тргнал гнилите делови и пренамената почнала… Англичанецот вложил 31.000 фунти и сопствена работна рака, па автобусот добил дрвен под, три спални соби, кујна, дневна соба, шпорет на дрва, тоалет, внатрешен туш, туш на отворено, камин, градина и друго. – По осмислувањето, јас сè тоа го направив рачно. Сакав и луѓето тука да се чувствуваат удобно – како да не се во автобус. …Едно седиште, сепак, задржав – тоа се наоѓа на вториот кат, со поглед кон езерото, вели Бартон. Автобусот е „паркиран“, односно неподвижен и е достапен за изнајмување.

Кавадарчанец физички нападнат од пет лица во дворот на неговата викендичка

Тале Кристо — Fri, 24 Apr 2020 09:23:50 +0000

Кавадарчанец бил нападнат од пет лица во дворот на неговата викендичка на Тиквешко Езеро, синоќа околу 18 часот, информира Верољуб Додевски, портпарол на СВР Велес. Во Полициската станица Кавадарци, П.А.(50) изјавил дека бил физички нападнат од С.В.(40) со уште четири непознати лица. Се работи на расчистување на случајот.

Драма во викендичка во Росоман: Решавале долгови со физичка пресметка и пиштол

Дарко Андоновски — Mon, 07 Jan 2019 14:39:03 +0000

Вчера вечер во 23,00 часот во Полициската станица Кавадарци А.В. (38) од село Росоман пријавил дека истиот ден, околу 18,00 часот бил повикан од С.К. од Скопје да дојде во неговата викендичка во Росоман за да расчистат меѓусебни должничко- доверителски односи. Кога стигнал таму, заедно со С.К. било уште едно лице од Скопје, негов пријател. Пред да му ги даде парите С.К., според пријавителот, го повикал и Б.П. од Росоман, кој откако дошол веднаш почнал да се расправа со пријавителот и физички го нападнал. Во моментот кога пријавителот го напуштил објектот, според него, С.К. испукал два пати со пиштол, но никој не бил погоден. На А.В. му е укажана лекарска помош во Општата болница Кавадарци и е пуштен на домашно лекување. С.К. е приведен во полициска станица и се работи на целосно расчистување на случајот.

Викендичка во Нова Брезница изгоре по удар од гром

Ивона Петрова — Wed, 15 Aug 2018 07:59:38 +0000

Викендичка во скопското село Нова Брезница изгоре во пожар што се случи синоќа околу 21:40 часот. Во пожарот паднала кровната конструкција на куќата, но за среќа во моментот во домот немало никој. Причина за пожарот е удар од гром. Пожарот е изгаснат околу 01:10 часот, а во гаснењето интервенирале 11 пожарникари со пет пожарникарски возила од Територијалната противпожарна бригада на Град Скопје.