Виктор Исјановски – Kurir.mk

Исјановски: Се формира комисија за случајот во поликлиниката во Драчево

Ивона Петрова — Wed, 26 Apr 2023 11:56:44 +0000

Се формира комисија, здравствениот дом е значи сериозна организација гледате и во вакцинирањето и во пандемијата го преземаме најголемиот товар. Јас таа снимка ја видов во понеделникот на некој од порталите, меѓутоа на таа снимка не гледам вработени, не гледам пациенти, гледам само некое лице како снима музика во некои долни простории, информираше директорот на Здравствениот дом Скопје, професор доктор Виктор Исјановски, прашан за коментар за ситуацијата во поликлиниката во Драчево што се случи пред некој ден, дали ќе следат санкции и која е процедурата. - Затоа ќе формираме комисија, не можам никого да обвинам ни дали тоа било во утринските часови, дали било во попладневните часови. Затоа што таа поликлиника не работи во попладневните часови. Дали било во ноќните часови, затоа ќе си се формира комисија и соодветно ќе се реагира, подвлече Исјановски. Д-р Маја Манолева, заменик министер за здравство, рече дека со Исјановски разговарале на оваа тема. - Кон вработените кон коишто ќе се констатира несоодветно однесување на работното место, ќе биде покрената соодветна постапка. Сите ние како здравствени работници, еве и јас и директорот, имаме обврска соодветно да се однесуваме и на работното место, но и надвор од работното место, нагласи Манолева.

Сали на местото на Филипче, Исјановски- заменик министер за здравство?

Катерина Бојаџиева — Sun, 05 Dec 2021 13:45:02 +0000

Алтернатива и дефинитивно го добива Министерството за здравство, откако лидерот на партијата Африм Гаши постигна договор со премиерот Зоран Заев. Медиумите веќе шпекулираат за кадровските решенија откако премиерот соопшти дека новата партија во парламентарното мнозинство ќе добие министерски места во Здравство и во Информатичко општество, како и еден министер без ресор. Фактор објавува дека за заменик министер за здравство е предложен актуелниот директор на Здравствен дом – Скопје, д-р Виктор Исјановски. Претходно пак, се шпекулираше дека Беким Сали, кој беше и кандидат на Алтернатива за прв човек на општина Чаир, ќе ја презеде министерската фотелја на Венко Филипче. Премиерот Заев тврди дека сѐ уште не е разговарано за кадровските решенија. -Немаме одлучено. Немаме одлучено кај кој ќе припадне Здравство, а после тоа и да одлучиме кој кадровски ќе го покрива. Така што, сѐ што е излезено во јавноста е само шпекулација, зашто вистината е дека прво немаме одлучено. Логично е дека треба да помине во друга партија, а не во Алтернатива заменик за здравство. А во која друга партија ќе биде... Сега го држи ДУИ, тоа е др. Илир Хасани, исто така одличен човек, лекар, но и заменик министер. Допрва ќе одлучуваме каде тоа ќе биде распределено, рече Заев.

Дали протоколите важат и за членовите на Комисијата за заразни болести: Директорот на „Здравствен дом Скопје“ се журка на забава (ФОТО)

Дарко Андоновски — Thu, 08 Oct 2020 13:20:39 +0000

Директорот на „ЈЗУ Здравствен дом Скопје“ Виктор Исјановски кој е член на Комисијата за заразни болести која одлучи да се забвранат настапите на музичарите во угостителските објекти се пофали дека присуствува на концерт на познат пејач од регионот. По ова јавноста гневна започна да пишува и да прашува дали протоколите важат и за членовите на комисијата? -Господинот на фотографијата е членот на комисијата која одлучува да се забранат настапи на музичари низ угостителски објекти. Дали мерките се донесени откако омилениот пејач на дотичниов гостувал, а за домашните дека имаат потреба од настани: „според епидемиолошката слика не е време сега“? Дали протоколите важат и за членовите на комисијата?, стои во еден од статусите на социјалните мрежи.

ЈЗУ Здравствен Дом Скопје доби нов директор, досегашниот разрешен

Катерина Бојаџиева — Thu, 01 Aug 2019 14:00:41 +0000

Доктор Виктор Исјановски од денеска е нов директор на ЈЗУ Здравствен Дом Скопје. Досегашниот директор на ЈЗУ Здравствен дом Скопје, Злате Мехмедовиќ е разрешен вчера, информираа за МИА од Министерството за здравство. Владата, посочуваат од Министерството, во рамки на 145. седница, донесе одлука со која предлага да се разреши, отповика или да се препорача разрешување, односно отповикување на директори на јавни претпријатија и установи, на акционерски друштва во државна сопственост, на совети и на управи.