Камиловски: ФЗОМ ги остави граѓаните без основните лекови

Ивона Петрова — Fri, 16 Mar 2018 14:36:49 +0000

Фондот за здравствено осигурување ги остави граѓаните без основните лекови. Досега не се случило осигурениците да не можат да ја подигнат својата месечна терапија која е на товар на Фондот. Во период на настинки, вируси и респираторни заболувања нема антибиотици и лекови за хронично болни во аптеките, истакна Виктор Камиловски на денешната прес-конференција. -Ситуацијата е алармантна. Спрејовите Фостер и Спирива потребни на лицата болни од белодробни заболувања (Aстма и ХОББ) односно хроничен бронхит, не можат да се најдат во аптеките во услови на енормна загаденост. Доколку ги има, пациентите треба да ги купат приватно, односно да одвојат околу 6 илјади денари од својот џеб. Од ова зависи животот на пациентите, а тие се малтретираат секојдневно одејќи во аптеките, надевајќи се дека надлежните ќе ja средат овaa медикаментозна криза, нагласува Камиловски. Тој посочува дека здравствените осигуреници, секој месец плаќаат здравствен придонес и за тоа треба да добијат соодветна услуга. -Во Република Македонија има околу 770 аптеки со кои Фондот за здравствено осигурување има склучено договор, но за жал лековите што одат на рецепт ги нема, ама затоа ги има за пари. Фондот фиктивно ги намалува цените за лековите, а од друга страна доплатата за лекот е поголема, односно граѓаните си ја плаќаат од свој џеб. Секоја година на почетокот вообичаено се зголемуваше квотата за лекови во аптеките. Зошто не е направено тоа годинава? Зошто не е зголемен буџетот за квоти во аптеките? Дали е тоа поради тоа што на здравството му се заканува финансиски колапс?, прашува Камиловски. Тој нагласува дека приоритет на ВМРО-ДПМНЕ е пред се вашето здравје. Болеста и лекот не препознаваат партиска, верска или етничка припадност. Вистинскиот лек му е потребен на болниот, во точно време и на право место, а тоа се аптеките. Пациентите не бараат ништо друго освен она што го заслужуваат. -Затоа му предлагаме на Фондот за здравствено осигурување, итно и неодложно да ги зголеми месечните квоти на аптеките за лекови за пациентите навреме и благовремено да си ги добијат своите медикаменти, додава Камиловски.

Камиловски: Паралелниот увоз претставува увоз на лек за кој постои одобрение за ставање на промет

Ивана Ефремовски — Thu, 08 Mar 2018 12:33:27 +0000

Паралелниот увоз на лекови претставува увоз на лек за кој постои одобрение за ставање на промет на територијата на Република Македонија, вели Виктор Камиловски во интервју за „Алфаскоп“, а воедно тој лек може да биде веќе регистриран на територијата на Република Македонија. Со ваквиот увоз се потикнува здравата конкуренција, но имаме достапност на пациентите до скапи лекови кои не можат да си ги купат приватно. - Кај лековите од паралелен увоз се работи за исти лек, се работи за иста активна супстанца, се работи дури и за исто пакување. Не се работи за тоа дека овој е поевтин па не е квалитетен. Постои регистар на лекови, виртуелен магацин и агрегатор за одредување на најмалите цените. Точно се знае дека тој лек е од паралелен увоз. Разликата е само во увозот од некоја трета земја, вели Камиловски. Камиловски вели дека ова пракса не ја измислил некој туку дека е земена од европската легислатива за паралелниот увоз. Тој вели дека има акредитирани лабаратории кои се за одредување на фалсификати како и лабаратории кои се задолжени за да испитаат дали одреден лек има несакани дејства. Според него кога ќе се соберат сите фактори многу е мала шансата да се внесе фалсификуван лек во Република Македонија и затоа тој ги охрабрува граѓаните да истиот лек што го има по повисока цена да го земат со помала цена, а кој ги има истите терапевски својства како поскапиот лек.

виктор камиловски – Kurir.mk

Камиловски: ФЗОМ ги остави граѓаните без основните лекови

Камиловски: Паралелниот увоз претставува увоз на лек за кој постои одобрение за ставање на промет