Виктор Орбан – Kurir.mk

Мицкоски на средба со Орбан: Поддршката од Унгарија на Македонија е доказ за вистинско пријателство

Катерина Бојаџиева — Tue, 24 Oct 2023 11:04:01 +0000

Претседателот на ВМРО-ДПМНЕ Христијан Мицкоски, денес заедно со потпретседателот на ВМРО-ДПМНЕ Александар Николоски во Будимпешта оствари средба со Претседателот на пријателската партија, ФИДЕШ и премиер на Унгарија Виктор Орбан. На средбата беа констатирани одличните и пријателски односи меѓу двете партии, и стана збор за реализација на стратешките цели на Македонија. Лидерот на ВМРО-ДПМНЕ, Мицкоски, се заблагодари на поддршката од Унгарија на Македонија посочувајќи дека тоа е доказ за вистинско пријателство, изразувајќи надеж дека таа поддршка ќе продолжи имајќи го во предвид фактот дека Унгарија наредната година го презема претседателствувањето со Европската Унија. Воедно на средбата беше направен пресек на соработката и работата на двете партии во насока на размена на искуствата кои се користат при изработка на програмата на ВМРО-ДПМНЕ за наредните избори. Воедно беше разговарано за идни проекти и планови за развој кои би се реализирале веднаш по промената на власта во Македонија, информираат од партијата.

Орбан забрани протести за поддршка на терористи

Ивана Ефремовски — Fri, 13 Oct 2023 07:28:52 +0000

„Унгарија нема да дозволи никакви собири за поддршка на терористичките организации“, изјави утрово унгарскиот премиер Виктор Орбан на јавното радио, додавајќи дека сите унгарски граѓани треба да се чувствуваат безбедно, без разлика на нивната вера или потекло. -Шокантно е тоа што симпатизери на терористите одржуваат протести низ цела Европа, рече Орбан. -Имаше обиди дури и во Унгарија. Но, нема да дозволиме собири на сочувство кои поддржуваат терористички организации бидејќи тоа би значело терористичка закана за унгарските граѓани“, додаде тој, алудирајќи на пропалестинските пртести што се одржуваат во светот. (МИА)

Орбан: Западот сака да ја глобализира војната во Украина

Ивона Петрова — Fri, 29 Sep 2023 07:03:16 +0000

Унгарскиот премиер Виктор Орбан денеска изјави дека Западот сака да ја глобализира војната во Украина. -Конфликтот мора да биде изолиран, но западните земји сакаат да ја глобализираат војната, изјави Орбан за јавниот сервис, пренесува МТИ. Премиерот Орбан додаде дека ќе се докаже дека Унгарија била во право за војната во Украина и дека Западот не успеал мирно да ја процени ситуацијата на теренот. -Можете да војувате само ако имате јасна цел и знаете кои алатки ќе ги користите. Во спротивно, политиката не може да ги објасни изгубените животи, рече унгарскиот премиер.

Орбан: Унгарија не се согласува за дополнително финансирање на Украина

Ивона Петрова — Fri, 30 Jun 2023 08:55:07 +0000

Премиерот на Унгарија, Виктор Орбан денеска изјави дека Будимпешта не се согласува со плановите на Европска комисија за доделување на дополнителни средства на Украина. Тој истакна дека Унгарија не е подготвена да обезбеди дополнителни пари за финансирање на зголемените трошоци за сервисирање на долгот на ЕУ, посочи Орбан. - Едно е јасно, ние Унгарците повеќе нема да и даваме пари на Украина додека таа не објасни каде отидоа претходните 70 милијарди евра. И оценуваме дека е крајно смешно и апсурдно што треба дополнително да ги финансираме трошоците за о

Орбан во Тирана: Срамно е колку бавно оди евроинтеграцискиот процес на Албанија

Ивана Ефремовски — Fri, 16 Jun 2023 11:52:31 +0000

Унгарскиот премиер Виктор Орбан кој денеска е во посета на Албанија на заедничката прес-конференција со неговиот домаќин, премиерот Еди Рама, изјавил дека Албанија издржала 13 години за да дојде до преговори, опишувајќи го како нешто срамно, јави Ора њуз. -Капацитетот на Европа е во опаѓање. Како можеме денес да ја сметаме ЕУ, дали е тоа проблем или можност. Ние централноевропските земји донесовме промени во Европа. Сметам дека тоа ќе го донесе Албанија. Одговорот е едноставен; резервите за раст се на Балканот, ги нема во другите држави во Европа. Има резерви, економски и политички. Бараме Албанија да влезе во ЕУ, рекол тој. Оценил дека се постигнува напредок само со обединување на сите заедно. -Срамно е како напредува овој процес кон ЕУ. Видов дека Албанија издржа 13 години за да дојде до преговорите, после 10 години само Германија ќе остане како голема сила ако проширувањето одвива со толку бавно темпо, тоа е самоубиство. Ќе ја поддржуваме интеграцијата и во иднина, нагласил Орбан. Двајцата премиери билатералните односи ги оцениле како добри и се заложил за унапредување на економската соработка и зголемување на инвестициите на албански компании во Унгарија и обратно. -Посетата на еден стар и непоколеблив пријател на Албанија е добредојдена во секое време. Благодарение на премиерот Орбан и посветеноста на министерот за надворешни работи и неговата влада, влеговме во нова фаза на традиционални, пријателски, сега економски односи меѓу Албанија и Унгарија. Оваа посета, освен онаа на драгоцен пријател, е посета за продолжување на нов пат на соработка. Имаме исто убедување во однос на високиот геостратешки интерес, за што поскоро интегрирање на Западен Балкан, посочил Рама. Додал дека на ЕУ и треба Западен Балкан, како што на Западен Балкан и е потребна ЕУ, нагласувајќи дека е " важно овој аргумент да биде слушнат без двоумење од сите земји-членки“. Во оваа прилика Рама потсети дека кралицата на Албанија Џералдина била унгарска принцеза. -Сакам да кажам дека Унгарија има нешто свое во Албанија. Унгарската принцеза Џералдина стана албанска кралица. Кралицата Џералдина ве гледа и ви е благодарна во името на Албанците што сте тука, му рекол Рама на Орбан. (МИА)

Мицкоски оствари средба со Орбан: Поддршка од Унгарија во насока на остварување на стратешките интереси на Македонија

Катерина Бојаџиева — Thu, 18 May 2023 17:17:05 +0000

Денес во Словенија на маргините на централниот настан на ЦДИ остварив средба со премиерот на Унгарија, Виктор Орбан и претседател на сестринската ФИДЕШ, информира лидерот на ВМРО-ДПМНЕ, Христијан Мицкоски. -Разговаравме за регионот и прашања поврзани во интеграциите на Македонија во ЕУ. Ја потенциравме потребата од економска соработка и борбата против корупцијата и криминалот како регионален предизвик. Покрај со хрватскиот премиер и претседател на ХДЗ Пленковиќ и со премиерот на Унгарија Орбан договоривме заедничка соработка на тимови на ВМРО-ДПМНЕ и ФИДЕШ за размена на искуства и поддршка во процесот на изработка на изборната програма за престојните избори. Се заблагодарив на поддршката на Унгарија која ја добиваме во насока на остварување на стратешките интереси на Македонија, додава Мицкоски.

Папата допатува во тридневна посета на Унгарија

Ивона Петрова — Fri, 28 Apr 2023 10:06:53 +0000

Папата Франциск утринава ја почна тридневната посета на Унгарија, каде во текот на денот во Будимпешта треба да се сретне со претседателката Каталин Новак и со премиерот Виктор Орбан. Папата (86) денеска ќе зборува пред унгарски официјални претставници и дипломати, а на дневен ред на средбите, како што се најавува, треба да биде прашањето на миграцијата и војната во Украина. За време на престојот во Унгарија, Папата ќе се сретне со сиромашните, младите, претставниците на културата и универзитетите, а на третиот ден од престојот во земјата, в недела, предвидено е да предводи миса на отворено.

Орбан: Мора да се постигне прекин на огнот во Украина, не смее повеќе да се губат човечки животи

Дарко Андоновски — Fri, 31 Mar 2023 08:20:45 +0000

Унгарскиот премиер Виктор Орбан изјави денеска дека војната во Украина е „загрижувачка и опасна“ и дека не е претерување да се каже дека постои реална опасност од светска војна. Орбан додаде дека „се повеќе се носат одлуки за употреба на понови и посилни оружја“ и дека „Западот и испраќа на Украина сè помодерна опрема“, пренесува МТИ. „Додека, од една страна, може да звучи како претерување кога некои европски и американски лидери велат дека, ако сè продолжи вака, може да дојде до трета светска војна, тоа е навистина реална опасност“, посочи Орбан. Унгарскиот премиер додаде дека војната станува се покрвава и брутална, но дека бројот на европските земји и лидери кои го поддржуваат мирот не е зголемен. „Во исто време, народот во Европа почна повеќе да зборува за прекин на огнот, мировни преговори, но бројот на жртвите се зголемува“, додаде Орбан. Тој истакна дека предлогот на Будимпешта за решавање на кризата во Украина се однесува на прекин на огнот. „Унгарскиот парламент ќе усвои резолуција што ќе ја одразува нашата позиција, бараме мир и прекин на огнот“, рече Орбан. Тој додаде дека во унгарскиот предлог не станува збор за тоа каков тип мировен договор треба да се потпише, туку дека се работи исклучиво за прекин на огнот. „Мора да се постигне прекин на непријателствата. Не смее повеќе да се губат човечки животи. Откако ќе дојде до прекин на огнот, се создаваат шанси за мировни преговори“, порача Орбан.

Средба Вучиќ-Орбан за геополитичката ситуација и плановите

Ивона Петрова — Sat, 25 Mar 2023 14:41:19 +0000

Српскиот претседател Александар Вучиќ во Белград се сретна со унгарскиот премиер Виктор Орбан и министерот за надворешни работи Петер Сијарто со кои разговараше за развојот на геополитичката ситуација, проценките, плановите, новите проекти и соработката, јави дописникот на МИА од Белград. „Со Виктор Орбан и Петер Сијарто за развојот на геополитичката ситуација, проценките, плановите, новите проекти и соработката, за иднината“, напиша Вучиќ на Инстаграм будуќностсрбијеав, заедно со фотографии од средбата. „Пријателствата се градат долго и внимателно, се зацврстуваат и јакнеат во тешки времиња, а вистинските се драгоцени токму затоа што се исклучително ретки, особено во политиката и особено во денешно време. Секогаш одговорни, сериозни, искрени, со почит и доверба“, истакна Вучиќ. Унгарскиот премиер Виктор Орбан изјави дека унгарско-српските односи се на историски високо ниво. -По Брисел, малку свеж воздух во Белград. Унгарско-српските односи се на историски високо ниво. Ви благодариме за средбата и пријателството, претседателе Вучиќ, напиша Орбан на својот Твитер со фотографии од партијата билијард што ја одигра со српскиот претседател. Вучиќ изјави и дека со унгарскиот премиер три и пол часа разговарал за сите стратешки прашања на соработката. -По три и пол часа разговор за сите стратешки прашања на соработката меѓу Унгарија и Србија, одиграв билијард со премиерот Орбан. Горд сум на пријателството меѓу Србите и Унгарците и благодарен на Виктор Орбан што вложи многу труд и енергија тоа пријателство да биде суштинско и искрено, напиша Вучиќ на својот Инстаграм профил.

Макрон денеска организира работна вечера со Орбан пред состанокот на Европскиот совет

Тале Кристо — Mon, 13 Mar 2023 07:17:40 +0000

Францускиот претседател Емануел Макрон денеска ќе го прими унгарскиот премиер Виктор Орбан на работна вечера, пред состанокот на Европскиот совет закажан за 23 и 24 март, соопшти Елисејската палата. „Макрон и Орбан ќе разговараат за поддршката за Украина, зајакнувањето на европската конкурентност, енергетските прашања и поддршката за европската одбранбена индустрија“, се вели во соопштението. Орбан, кој ја критикува „индиректната војна“ што, според него, Европа ја води против Русија, повика на прекин на огнот во Украина на крајот на февруари. Од почетокот на руската инвазија на Украина, унгарската влада се воздржува од критики на рускиот претседател Владимир Путин. Орбан, кој разви блиски врски со Путин пред војната во Украина, одбива да испрати оружје во Киев и ги осудува европските санкции против Русија иако гласаше за нив. с