Виктор Осимен – Kurir.mk

Наполи еден месец без повредениот Осимен

Бошко Тасиќ — Tue, 17 Oct 2023 04:34:29 +0000

Напаѓачот на италијанскиот фудбалски првак Наполи, Виктор Осимен (24), го повреди буниот мускул на десната нога настапувајќи за Нигерија и би можел да паузира околу еден месец. „Осимен беше подложен на нови прегледи кои открија лезија на средниот тип на бицепсот на десниот бут. Напаѓачот почна со рехабилитација во клупскиот тренинг центар“, соопшти вечерва Наполи, непрецизирајќи други детали. Весникот „Кориере дело Спорт“ објави дека рехабилитација ќе продолжи околу еден месец и Осимен ќе пропушти четири натпревари во Серија А и два во Лигата на шампиони. Најдобриот стрелец изминатата сезона во италијанското првенство се повреди за време на пријателскиот натпревар меѓу Нигерија и Саудиска Арабија (2-2) што во петокот се одигра во португалскиот град Портимао.

Очаен обид: Наполи јавно му се извини на Осимен

Ристе Здравков — Sat, 30 Sep 2023 08:03:31 +0000

Вистинскиот инцидент се случи во Наполи пред неколку дена, а секако се се однесува на видеото кое беше објавено на ТикТок профилот на Наполи. Администраторот на ТикТок профилот на Наполи објави видео во кое го исмеваат својот напаѓач за промашениот пенал против Болоња. После тоа, Осимен реши да ги избрише сите фотографии кои ги имаше на својот Инстаграм профил, а кои го поврзуваа со Наполи. Неговиот менаџер најави тужба, а веќе другите клубови ја следат ситуацијата и се подготвени да издвојат голема сума на пари за него. Ова се однесува на Челзи. „За да избегнеме поголеми проблеми, нагласуваме дека никогаш не сме сакале да го навредуваме или исмејуваме Осимен, тој е богатството на овој клуб. За да се докаже сето ова, повторуваме дека клубот одлучно ја одбиваше секоја понуда што дојде за Осимен. Социјалните мрежи, особено TikTok, отсекогаш биле за шеги, но без никаква намера за навреда или исмејување. Во секој случај, ако Осимен се чувствув навреден, тоа не беше она што клубот сакаше да го постигне“, се вели во соопштението на Наполи.

Реал и Челзи го сакаат Осимен уште во јануари

Ристе Здравков — Wed, 27 Sep 2023 16:33:06 +0000

Виктор Осимен е во центарот на вниманието откако најави тужба за Наполи поради видеото кое го објави клубот. Односите помеѓу напаѓачот и клубот се комплетно нарушени, па Осимен сака што е можно побрзо да направи трансфер. Осимен ги избриша сите траги од Наполи на својот Инстаграм акаунт, а ситуацијата будно ја следат неколку европски гиганти. Имено, најсилен интерес за нигерискиот напаѓач покажуваат Реал Мадрид и Челзи, кои сакаат да го доведат уште во јануари. Богата понуда за него спремаат и клубовите од Саудиска Арабија, но Осимен сака да остане во Европа.

Осимен лут пристигна во тимскиот хотел, одби да се поздрави со соиграчите! (ВИДЕО)

Ристе Здравков — Wed, 27 Sep 2023 13:26:01 +0000

Излезе првата снимка од Виктор Осимен по вчерашниот скандал кој го направи Наполи на социјалните мрежи, се гледа дека напаѓачот е погоден од тоа што се случи. Фудбалерите на Наполи се собираат во тимскиот хотел пред вечерашниот меч против Удинезе. Пристигна и Осимен, видно лут, се поздрави со тимскиот менаџер Џузепе Санторо, но не и со соиграчите Деме и Зиелински. Осимен е во составот за вечерашниот меч и се очекува да биде стартер.

Victor Osimhen has arrived at Napoli's team hotel ahead of their match against Udinese tonight. He was seen greeting team manager Giuseppe Santoro, but walked past teammates Demme and Zielinski . Nigerian striker is included in squad for tonight's game.pic.twitter.com/eVcoaPAfd8
— Chris Wheatley (@ChrisWheatley) September 27, 2023

Наполи е многу близу до нов договор со првата ѕвезда на тимот

Бошко Тасиќ — Wed, 05 Jul 2023 05:49:59 +0000

Неколку италијански медиуми објавија дека претседателот на Наполи, Аурелио де Лаурентис му понудил нов и многу побогат договор на најдобриот играч минатата сезона, Виктор Осимен. Нигерискиот напаѓач беше прва ѕвезда на Наполитанците и го предводеше тимот до историската титула во Серија А, која навивачите ја чекаа повеќе од три децении. Се шпекулира дека Осимен се согласил да потпише нов договор кој ќе му гарантира основна плата од 6,5 милиони евра по сезона, плус дополнителни бонуси кои можат да ја зголемат оваа сума до осум милиони.

ЛШ: Осимен нема да настапи на мечот со Милан

Бошко Тасиќ — Tue, 11 Apr 2023 19:38:16 +0000

Наполи ќе биде ослабен во првиот натпревар од четврт-финалето на Лигата на шампионите во Милано со неиграњето на најдобриот стрелец Виктор Осимен. Нигериецот не успеа да се опорави од повредата на мускулот добиена за време на репрезентативната пауза. Тој се појави на последниот тренинг пред натпреварот, но брзо го напушти, што беше јасен знак дека нема да може да му помогне на тимот во овој важен меч.

Наполи сака 150 милиони евра за трансфер на Осимен

Тале Кристо — Wed, 22 Mar 2023 07:20:52 +0000

Наполи планира да го продаде напаѓачот Виктор Осимен за околу 150 милиони евра, објави „Фут Меркато“. ПСЖ активно работи на трансферот на 24-годишниот играч, а за него се заинтересирани и Манчестер јунајтед и Челзи. Дополнително, се известува дека италијанскиот клуб размислува за продолжување на договорот со напаѓачот доколку Наполи ја заврши сезоната со трофеи. Самиот Осимен не исклучува дека ќе остане и следната сезона, а исто така смета дека трансферот во ПСЖ ќе ја отежне преселбата во Премиер лигата каде играчот сака да игра. Претходно беше објавено дека советникот на ПСЖ, Луис Кампош ќе се сретне со агентот на Осимен за време на репрезентативната пауза. Оваа сезона нигерискиот фудбалер забележа 29 настапи за Наполи во сите натпреварувања, постигна 25 голови и пет асистенции. Порталот „Трансфермаркт“ го проценува на 100 милиони евра.

Уште еден европски гигант влегува во трката за потписот на Осимен

Ристе Здравков — Tue, 14 Mar 2023 09:09:01 +0000

Пари Сен Жермен веќе размислува за активностите во летниот преоден рок. Островските медиуми пренесуваат дека францускиот шампион сега е подготвен да се вклучи во трката за потписот на голгетерот на Наполи, Нигериецот Виктор Осимен. Манчестер Јунајтед, Челзи и Арсенал веќе се распрашуваат за одличниот напаѓач, но сите сега имаат силна конкуренција. Осимен игра во фантастична форма оваа сезона и има постигнато 19 гола на 22 натпревари во Серија А, а неговиот Наполи прави големи чекори кон освојување на скудетото. Интересно е што спортскиот директор на Пари Сен Жермен, Луис Кампос, работеше во Лил кога го доведоа Осимен од Шарлроа во 2019 година.

Манчестер јунајтед подготвува рекордна понуда до Наполи за Осимен

Катерина Бојаџиева — Tue, 07 Feb 2023 07:52:07 +0000

Манчестер јунајтед планира трансфер во летниот преоден род за напаѓачот на Наполи, Виктор Осимен. Како што објави „Газета дело спорт“ управата на премиерлигашот планира да понуди 110 милиони евра за Нигериецот. Доколку зделката се оствари, Осимен ќе биде најскапиот трансфер во историјата на Манчестер јунајтед. Во моментов најскапо купување на „црвените ѓаволи“ е Пол Погба за кого беа дадени 105 милиони евра. Нигерискиот напаѓач игра за наполитанците од септември 2020 година. Неговиот актуелен договор со италијанскиот тим е до летото 2025 година. Дваесет и четиригодишниот фудбалер оваа сезона забележа 20 настапи за Наполи во сите натпреварувања, постигнувајќи 15 гола и четири асистенции. Вредноста на играчот според порталот Трансфермаркт се проценува на 70 милиони евра.

Ќе се истражува трансферот на Осимен

Бошко Тасиќ — Sun, 22 Jan 2023 13:34:50 +0000

Најтрофејниот италијански клуб Јувентус доби 15 бода казна, па битката за титулата и за Европа доживеаа тежок удар, па следен кој може жестоко да настрада е актуелниот лидер Наполи, зашто според италијанските медиуми се истражува трансферот на Нигериецот Виктор Осимен. Осимен сезонава има 13 гола во 15 меча за Наполи, игра во невероајтна форма, но обвинителот на италијанската федерација сега истражува малверзации со неговото доаѓање во Наполи од Лил и лажни финансиски податоци, кои ако се покажат како точни, Наполи би можел да доживее сериозен удар во трката за шампионската титула. Наполитанците моментно се 12 бода со меч повеќе од Милан, а 13 пред Интер, но како што пишува „Ла Република“ многу веројатно е повторно отворање на истрага за трансферот на нигерискиот центарфор, иако спортскиот адвокат во Италија го ослободил првично Наполи за било какви малверзации, исто како и во случајот со Јувентус, но обвинителството потоа после добиени информации повторно ја отворила истрагата која сега заврши со сериозна казна за „старата дама“