викторија азаренка – Kurir.mk

Украинска тенисерка одби да се ракува со Азаренка по дуелот на Ју-Ес Опен (ВИДЕО)

Ристе Здравков — Fri, 02 Sep 2022 13:15:40 +0000

Тенискиот меч меѓу Марта Костјук и Викторија Азаренка заврши со победа на тенисерката од Белорусија, но не и со вообичаеното ракување на ривалките. Украинката Костјук немаше шанси против фаворитката на мечот на Ју-Ес Опен, а по неговиот крај само го подаде рекетот како еден вид алтернатива за поздравување со Азаренка. – Тоа беше моја одлука, не сакав да се поздравам.

For the armed forces of Ukraine 🇺🇦 Kostyuk-Azarenka handshake aka cold racquet tap pic.twitter.com/EJHCp22i19
— JB (@Brar_JSB) September 1, 2022

– Никогаш не дојде да ми каже што мисли за актуелниот конфликт. Немам ништо лично против неа, но сметам дека можеше да направи многу повеќе во овој период, посебно што е член на советот на ВТА, – изјавила Костјук. Украинката открила дека и еден ден порано испратила смс порака до Азаренка, со која и најавила дека не планира да се ракува со неа.

Азаренка: Време е да се разговара за задолжителна вакцинација во тенисот

Дарко Андоновски — Thu, 02 Sep 2021 13:13:35 +0000

Белорусинката Викторија Азаренка стана првата тенисерка која јавно побара задолжителна вакцинација против коронавирус во тенискиот свет. Азаренка по победата во 2. коло на УС Опен над Италијанката Јасмин Паолини со 2:0 во сетови, рече дека е среќна што повторно може да игра пред публика, но оти тоа го отвора и прашањето за вакцинација меѓу играчите. – Сакам да се отвори дијалог за задолжителна вакцинација меѓу тенисерите, бидејќи ми е нелогично публиката да мора да биде вакцинирана, а играчите не. Моето мислење е дека вакцинацијата во еден момент мора стане задолжителна, изјави Азаренка. Според проценките на АТП и ВТА, само половина од тенисерите во двете конкуренции се вакцинирани против Ковид-19. – Не гледам никаква смисла да се одолговлекува тој процес, бидејќи сите сакаме да бидеме безбедни, да си ја вршиме работата и да патуваме. Мораме да го започнеме тој разговор, бидејќи е неизбежен, порача белоруската тенисерка.

Мареј и Азaренка добија специјални покани за Синсинати

Дарко Андоновски — Fri, 27 Jul 2018 14:24:48 +0000

Британскиот тенисер Енди Мареј и Белорусинката Викторија Азaренка добија специјални покани од организаторите на тенискиот турнир во Синсинати. Мареј по речиси една година отсуство поради повреда на колкот падна на 838-то место на АТП листата. Тој во меѓувреме се врати на натпреварувањата, но сепак одлучи да се откаже од Вимблдон поради физичка неподготвеност. Британскиот тенисер смета дека ќе биде во вистинската форма за турнирот во Синсинати. И Азаренка, која овој турнир го освои во 2013 година, беше принудена да ја запостави својата кариера, откако водеше судски процес за старателството на двегодишниот син. Турнирот во Синсинати почнува на 11 август, а се очекува покани да добијат уште тројца тенисери и четири тенисерки. Тие се издаваат на играчи, кои се враќаат на терен по повреда или отсуство од друга причина, но не и по допинг.