викторија јовановска – Kurir.mk

Директорката на ГАК откако родилка се обиде да се самоубие: На сите нас ни треба психијатар

Ивана Ефремовски — Mon, 03 Jul 2023 13:01:30 +0000

„Табу тема е да доаѓа психијатар тука и да разговара со мајките. Лично мислам дека на сите нас ни треба психијатар, во современото живеење, како совет, не како терапија“. Ова го истакна директорката на Клиниката за гинекологија и акушерство во Скопје, по обидот за самоубиство на родилката. -За жал пациентката е во многу критична состојба, сега зборував со директорката на КАРИЛ која е во моментов дежурна. Пациентката не сакала да го дои бебето, била лесно вознемирена, но тоа не е првпат да се случува. Зборувавме со директорот на психијатрија да доаѓа некој лекар оттаму еднаш неделно за почеток за да разговара со мајките, но не знам како ќе го прифатат пациентките. Многу пати пациентките се повредени кога им велиме да разговараат со психолог, изјави д-р Викторија Јовановска. Триесет и девет годишната родилка била донесена во 36-та недела од бременоста. Било констатирано дека се работи за предвремено одлепување на постелката што ги загрозувало и мајката и детето и затоа била однесена во породилна сала и за 14 минути била породена со царски рез. Бебето е во добра состојба. Пациентката во петокот и вчера се пожалила на вознемиреност и извршен бил разговор со клинички психолог. Ноќта околу 21:30 часот пациентката преку прозорецот во ходникот направила обид за суицид, фрлајќи се од првиот кат.

РОДИЛКАТА КОЈА СЕ ОБИДЕ ДА СЕ САМОУБИЕ Е ВО МНОГУ КРИТИЧНА СОСТОЈБА: Не сакала да го дои бебето, била лесно вознемирена

Катерина Бојаџиева — Mon, 03 Jul 2023 12:45:50 +0000

Триесет и деветгодишната родилка која синоќа се обиде да си го одзеде животот фрлајќи се од првиот кат на Клиниката за гинекологија е во многу критична состојба на интензивна нега, информира директорката на ГАК, д-р Викторија Јовановска. Таа на денешната прес–конференција пред Клиниката истакна дека пациентката во два наврати се пожалила на вознемиреност, но дека тоа не е прва појава кај родилките. -За жал пациентката е во многу критична состјба, сега зборував со директорката на КАРИЛ која е во моментов дежурна. Пациентката не сакала да го дои бебето, била лесно вознемирена, но тоа не е првпат да се случува. Зборувавме со директорот на психијатрија да доаѓа некој лекар оттаму еднаш неделно за почеток за да разговара со мајките, но не знам како ќе го прифатат пациентките. Многу пати пациентките се повредени кога им велиме да разговараат со психолог, изјави д-р Јовановска. Додаде дека по немилиот настан било разговарано за затворање на прозорците, но посочи дека тоа единствено би предизвикало контраефект. -Секаде во светот познат е податокот дека една од десет породени пациентки има мало психолошко пореметување, но никаде прозорите не се забарикадирани. Не можеме да ги чуваме пациентките како затвореници, тие треба да се чувствуваат подобро после породување, истакна таа. Триесет и девет годишната родилка била донесена во 36-та недела од бременоста. Било констатирано дека се работи за предвремено одлепување на постелката што ги загрозувало и мајката и детето и затоа била однесена во породилна сала и за 14 минути била породена со царски рез. Бебето е во добра состојба. Пациентката во петокот и вчера се пожалила на вознемиреност и извршен бил разговор со клинички психолог. Ноќта околу 21:30 часот пациентката преку прозорецот во ходникот направила обид за суицид, фрлајќи се од првиот кат.

Семејната пријателка на Заеви, директорката на ГАК, се соочува со обвинувања за нов смртен случај? (ФОТО)

Ивана Ефремовски — Mon, 10 May 2021 09:41:15 +0000

Викторија Јовановска, директорката на ГАК во Скопје пред нови обвинувања за нов смртен случај на жена која починала вчера, а чие погребување е денеска, порaди, како што се вели во коментарите на социјалните мрежи, за отсекување на цревата при операционен зафат. Директорката Јовановска стана позната во јавноста уште при нејзиното назначување од страна на тогашниот министер за здравство Арбен Таравари, кој според пишувaњата на медиумите тогаш подлегнал на притисокот за нејзино назначување, поради тоа што Јовановска била другарка на Зорица Заевa, сопругата на премиерот, како и нивна семејна пријателка. Во јули 2017-та година, преку ноќ, Владата на СДСМ разреши повеќе директори на скопските клиники и здавствени домови низ државата, по кои и беше назначена Јовановска веднаш потоа. Директорувањето на Јовановска беше пропратено уште на почетокот од мандатот со бројни смртни случаи на новороденчиња, вкупно четири новородени деца починаа на ГАК за краток период, за кои смртни случаи се пишуваше во јавноста дека за три од нив Јовановска сакала да ги сокрие, по што тогашните обвинувањата беа дека за истото Јовановска треба да си даде оставка. Бројни беа и смртните случаи на родилки, па опозицијата обвини дека здравствените институции се партизираат со непрофесионален кадар. Обвинувања во тоа време имаше и од страна на екс-министерката на МВР Гордана Јанкуловска чие вештачење за ризична бременост, која таа го приложила на барање на тогашното СЈО беше своевремено пратено од судијката Кацарска до директорката Јовановска на преиспитување. Вчерашниот случај за почината жена од Карпош, одекна на мрежите, со нови обвинувања за д-р Јовановска од јавноста и блиските од фамилијата на почината. „При операција во шиење на матката и ги фатиле цревата. 3 пати и правеле потоа операција, но не успеале да ја спасат“, стои во коментарot. Јовановска сега се соочува со нови обвинувања од јавноста за „лекарска грешка“.

ТВ 21: Валон Бела по втор пат ја пријави директорката на Клиниката за гинекологија и акушерство, Викторија Јовановска

Дарко Андоновски — Fri, 07 Jun 2019 13:30:11 +0000

Поранешниот економски директор на Клиниката за гинекологија, Валон Бела, по вторпат ја пријави директорката на Клиниката за гинекологија и акушерство, Викторија Јовановска, дека направила злоупотреби во клиниката, пренесува ТВ 21. Бела отишол во Основното јавно обвинителство при што доставил други пријави за злоупотреба на службена должност, како што вели тој. Бела вели дека долгот на клиниката е двојно зголемен и дека додека тој бил на функција на клиниката и стигнале 20 предупредувања со кои го ризикува блокирање на сметката. Тој рече дека доаѓаат црни денови за новороденчињата. Инаку, Валон Бела, поранешен економски директор во оваа клиника, рече дека сите документи што ги поседува ќе ги предаде и на странските амбасади како и во канцеларијата на ЕУ во Скопје. Според него, обвинителството сериозно се зафатило со претходните обвиненија.

Хаџи-Лега: Новите раководни структури на ГАК ја укинаа методата за рано откривање на патолошка бременост

Ивана Ефремовски — Thu, 11 Jan 2018 15:58:37 +0000

Новото раководство на скопската Клиника за гинекологија на родилките им го скрати правото да знаат дали носат здраво дете. За жал, поради политичката промена на раководните структури како на Клиниката така и на одделот за високо ризична и патолошка бременост, методата од причини познати само на новата директорка др. Викторија Јовановска од јули 2017 не се употребува, со што намерно се оставени реагенсите да бидат при крај со рокот на употреба. Скандалот го обелоденува екс-директорката на ГАК, Марија Хаџи-Лега. Директорката Јовановска за медиумите изјави дека се работи за криминогено воведување на оваа метода што била откриена од странана таканаречената Дисциплинска комисија за одредување на факти која направила стручна анализа. Според поранешната директорка Хаџи–Лега таква дисциплинска комисија е нешто непостоечко во терминологијата на клиниката. Исто така таа потенцираше дека комисијата била составена од еден професор од областа на урогеникологија, еден субспецијалист од областа на урогинекологија и субспецијалист од областа на перинатологија, кои немаат ниту еден ден работно искуство на одделот за патолошка и високоризична бременост и пренатална дијагностика, а еден од „мериторните“ членови на посочената комисија дури е и потписник на документот на комисијата за набавките за „спорната“ дијагностичка метода. За обвинувањата од директорката Јовановска дека екс-директорката ја оштетила клиниката за 150.000 евра за набавка на апарат и тестови во функција „само за истражувачки цели“, Марија Хаџи-Лега вели дека Клиниката не само што не би била оштетена туку и ќе остварувала профит. Имено, Фондот за здравствено осигурување овој вид на тест го покрива во висина од околу 70.000 денари, а тестот клиниката ја чини околу 25.000 денари и таквата услуга е предвидена во системот за „Мој термин“. Инаку, набавката и имплементацијата на овој вид на лабораториска метода бил предвидена во планот за набавки за 2017 година и истиот бил одобрен од Управниот одбор на ЈЗУ „Клиника за гинекологија и акушерство“, а набавката била спроведена според позитивната законска регулатива.Според мислењето на медицинарите жално е во 21 век нешто што е за напредок на медицината и научната мисла да биде исфрлено, а посебно поради тоа што се работи за услуга која е покриена од Фондот за здравствено осигурување. Се работи за високо софистицирана метода со која всушност се откриваат таканаречени микроделеции и микродупликации во хромозомите а кои всушност резултираат во генетски синдроми кои понатаму се манифестираат со пречки (психомоторни и интелектуални) во развојот на новороденчињата како и аутизам. Впрочем тоа право е и дел од кампањата на УНИЦЕФ, а чиј подржувач е и Владата на Република Македонија - „Биди фер, за детство без пречки“. Имплементирањето на оваа метода исто така е согласно Guidelines на најзначајните здруженија на гинеколози и акушери, на перинатолози и генетичари (ACOG-American College of Gynecology and Obstetrics, RCOG-Royal College of Obstetricians and Gynecologysts, Italian Society of Perinatal Medicine, Канадското Здружение на Гинеколози и акушери итн) и согласно Медицина базирана на докази.