Загина Лесли Џордан, ѕвездата од серијата „Вил и Грејс“

Ивона Петрова — Tue, 25 Oct 2022 09:22:55 +0000

Американскиот актер и комичар Лесли Џордан почина на 67-годишна возраст, потврди неговиот агент. Актерот, познат по улогите во сериите „Вил и Грејс“ и „Американска хорор приказна“, загина во сообраќајна несреќа во Лос Анџелес во понеделникот наутро, на 24 октомври, објавија американските медиуми. Неговиот автомобил удрил во една зграда, а лекарите констатирале смрт на местото на настанот, изјави полицијата за Лос Анџелес Тајмс. Со неговото заминување, светот стана „помрачно место“, рече неговиот публицист.

-Не само што беше мегаталентиран и задоволство беше да се работи со него, туку и обезбеди емотивно засолниште за нацијата во некои од нејзините најтешки моменти. Знаејќи дека го напушти светот на врвот на неговиот професионален и личен живот е единствената утеха што можеме да ја имаме денес, изјави Дејвид Шаул. Џордан е роден во 1955 година во Чатануга, Тенеси. Имал 12 години кога и кажал на мајка си дека е хомосексуалец. Кога дипломирал на Универзитетот во Тенеси во 1982 година, се преселил во Лос Анџелес.

Почина ѕвездата од серијата „Вил и Грејс“

Ивона Петрова — Mon, 02 Dec 2019 10:25:36 +0000

Актерката Шели Морисон, која глумеше популарната серија „Вил и Грејс“, почина на 83 години во Лос Анџелес. Таа во серијата ја имаше улогата на куќната помошничка Розарио, која работеше за себична жена милионерка. Како што јавуваат американските медиуми, Шели починала вчера како последица од срцев удар. Во серијата таа глумеше од 1999 до 2006 година, појавувајќи се во 68 епизоди. Обожавателите на серијата „Вил и Грејс“ се простуваат од Шели преку социјалните мрежи.

вил и грејс – Kurir.mk

Загина Лесли Џордан, ѕвездата од серијата „Вил и Грејс“

Почина ѕвездата од серијата „Вил и Грејс“