вилфред заха – Kurir.mk

Галатасарај пред потпис со Вилфред Заха

Бошко Тасиќ — Mon, 24 Jul 2023 03:51:04 +0000

Турскиот фудбалски гигант Галатасарај е на пат да обезбеди големо засилување за наредната сезона откако турскиот шампион влезе во завршна фаза од преговорите со Вилфрид Заха, фудбалерот на Кристал Палас кој доаѓа како слободен играч, по истекот на договорот со лондонскиот клуб. За услугите на Заха се интересираа неколку премиерлигаши, богати понуди испратија и клубови од Саудиска Арабија, но тој предност во преговорите му даде токму на Галатасарај, пред се поради фактот дека со овој тим ќе се натпреварува во Лигата на Шампионите (доколку Галата ги мине квалификациите). Заха си заминува од редовите на Кристал Палас по 458 одиграни натпревари за лондонскиот премиерлигаш, притоа постигнувајќи 90 погодоци.

Мурињо заинтересиран за Заха, гледа замена за Мхитарјан

Ивона Петрова — Mon, 11 Jul 2022 10:36:53 +0000

Фудбалерот од средниот ред на Кристал Палас, Вилфред Заха може да ја продолжи кариерата во Серија А. За 29-годишниот играч на репрезентацијата на Брегот на Слоновата Коска е заинтересиран тренерот на Рома, Жозе Мурињо кој во него гледа замена за Хенрих Мхитарјан кој замина во Интер. Цената за трансфер на Заха е значително намалена бидејќи тој може да стане слободен играч за една година. Сепак, Римјаните сепак ќе мора да продадат еден од играчите од средниот ред – Карлес Перез или Стефан Ел Шарави – за да го купат играчот Заха.

Фудбалерите треба да се огледаат на него: Откако потпиша договор одлучи 60.000 евра месечно да донира во добротворни цели (ВИДЕО)

Матеја Петровски — Thu, 16 Aug 2018 16:13:28 +0000

Фудбалерот на Кристал Палас, Вилфред Заха наскоро ќе потпише нов договор, со кој ќе заработува неверојатни 150 илјади евра месечно. Овој крилен напаѓач откако ја почна својата професионална кариера донира 10 проценти од секоја плата во добротворни цели, што значи дека се новиот договор ќе донира по 15 илјади евра неделно.

South London and proud. Very happy to have signed a new contract with @cpfc ?? #CPFC #GodIsGreat

A post shared by Wilfried Zaha (@wilfriedzaha) on Aug 15, 2018 at 2:57am PDT

Тоа значи дека месечно ќе донира 60.000 евра. Неговиот Кристал Палас одлично ја отвори оваа сезона, откако во првото коло славеше со 2:0 против Фулам, а Заха постигна гол на тој натпревар.

Заха верен на Кристал Палас

Предраг Кукиќ — Wed, 15 Aug 2018 12:21:04 +0000

Најдобриот играч на Кристал Палас, Вилфред Заха, денес го продолжи договорот со клубот до 2023 година и ги прекина шпекулациите дека ќе оди во Челзи или во Тотенхем. Како што изјави претседателот на клубот Стив Перис во изјава за клупската веб-страницата, Заха на овој начин ја покажал посветеноста кон клубот во кој дојде на 12 годишна возраст. Заха е еден од најзаслужниот што Кристал Палас минатата година избори опстанок во најсилната лига во Англија. Со голот на дуелот против Фулам на почетокот на оваа сезона, репрезентативецот на Брегот на Слоновата коска стана најдобриот стрелец во историјата на Палас во Премиер Лигата. (МИА)