вили берош – Kurir.mk

ВИДЕО: Хрватскиот министер за здравство направи гаф на прес-конференција – „Здрав човек има 100 жени“

Ивона Петрова — Fri, 28 Oct 2022 06:52:56 +0000

Хрватскиот министер за здравство Вили Берош на вчерашната прес-конференција имаше лапсус кој стана вирален на социјалните мрежи. Зборувајќи за здравствените реформи, Берош сакаше да каже народна мудрост, но направи гаф. -Здрав човек има сто жени, рече Берош кој со изјавата предизвика смеа во салата. Кога сфати што изговори, и самиот се насмеа и призна дека ваквиот лапсус му се случува по вторпат дента. -Ќе се поправам и ќе кажам дека болниот човек има само една желба. Тоа секако е да оздрави, заклучи министерот.

Хрватска ќе истражува: Колку луѓе починале ОД ковид, а колку СО вирусот

Ивана Ефремовски — Thu, 30 Sep 2021 13:17:17 +0000

Хрватскиот министер за здравство, Вили Берош најави дека во Хрватска ќе се прави ревизија во однос на смртните случаи за да се утврди кај колку случаи коронавирусот бил директна, а кај колку непосредна причина за смртта. „Тоа е прашање кое се наметнува од почетокот на пандемијата, дали луѓето умреле од ковид или со ковид“, изјави министерот порачувајќи дека таа проблематика наскоро ќе се разгледува. Додаде и дека в понеделник со своите државни секретари ќе биде присутен во поголемите болнички центри и болниците на почетокот на користењето ковид-потврди во здравството.

Хрватскиот министер за здравство е заразен со коронавирусот

Ивана Ефремовски — Thu, 19 Nov 2020 08:59:22 +0000

Хрватскиот министер за здравство Вили Берош е заразен со коронавирусот, потврди утрово Министерството за здравство откако тој не се појави на денешната владина седница. -Со појавата на симптомите на болеста, министерот Вили Берош се тестираше за присуство на коронавирусот и утрово ги доби резултатите од тестот дека е позитивен. Здравствената состојба на министерот е стабилна со лесна клиничка слика и продолжува да ги извршува своите должности изолирано, придржувајќи се кон сите мерки на епидемиолозите, се наведува во соопштението на хрватското Министерството за здравство. Телевизијата Н1 неофицијално дознава дека постои сомнеж оти Берош се заразил минатата сабота за време на посетата на Вараждинската жупанија. Берош се тестираше и минатата недела откако имаше респираторни синдроми, но тестот беше негативен. (МИА)

Берош: Можни се и по 1000 новозаразени дневно во Хрватска

Ивона Петрова — Thu, 15 Oct 2020 06:41:21 +0000

Хрватскиот министер за здравство Вили Берош ја опиша состојбата со коронавирусот во Хрватска како загрижувачка, откако вчера беа пријавени рекордни 748 новоинфицирани лица и предупреди дека ќе има уште повеќе. – Ситуацијата е загрижувачка, но не е изненадувачка. Околностите во изминатиот месец, како и околностите во Европа и светот, укажуваат на тоа дека бројот на новозаразени лица расте насекаде, како и во Хрватска, изјави синоќа Берош за РТЛ. Тој додаде дека поголемите собири на луѓе во последниот месец создале некои жаришта што предизвикаа такво зголемување на бројот на новозаразени. – Покрај тоа, тука е и студеното време и фактот дека сме повеќе во затворени простории и тоа влијаеше на зголемувањето на бројот на заразени лица. Ќе има уште повеќе заразени лица, затоа треба да се однесуваме одговорно и да ги почитуваме мерките, рече министерот. Тој не ја исклучи можноста дневно да има и по повеќе од илјада новозаразени лица во Хрватска. – Можно е бројот на нови инфекции да се зголеми во наредните денови. Сепак, особено е важно да сфатиме дека треба да се однесуваме одговорно, самодисциплинирано и сериозно и да ги почитуваме мерките што ги препорачавме. Ако не сме одговорни, ако се дружиме, бројките ќе растат и понатаму, рече Берош.

Хрватскиот министер за здравство со коментар за прегратките при славењето на ХДЗ

Тале Кристо — Mon, 06 Jul 2020 11:03:23 +0000

Хрватскиот министер за здравство Вили Берош изјави дека е можно поради изборите и поради прославата на победата во седиштето на ХДЗ да се прошири коронавирусот, но изрази надеж дека тоа нема да се случи. Хрватските медиуми пренесоа дека за време на прославата на победата на ХДЗ во нивниот партиски штад, присутните биле многу блиску еден до друг. Некои се прегрнувале и бакнувале. – Бевме на отворено, се мереше температура, се дезинфицираа рацете. Но, признавам, во одредени моменти бевме премногу блиску еден до друг, рече Берош и додаде дека избегнувал блиски средби, јави загрепскиот портал Индекс. Што се однесува на можноста за затворање на границата со Србија, Берош рече дека се размислува за тоа. – Ако тамошната епидемиолошка ситуација се влоши, еазмислуваме и за такво нешто, истакна Берош. (МИА)