Салиба стави потпис на нов договор со лондонски Арсенал

Бошко Тасиќ — Sat, 08 Jul 2023 06:23:18 +0000

Вилијам Салиба и официјално стави потпис на нов договор и ја продолжи верноста со Арсенал до 2027 година. Французинот минатата сезона се етаблираше во еден од најважните играчи во тимот на Артета. Според многумина, токму неговата повреда поради која ги пропушти последните 12 натпревари од минатата сезона беше една од причините зошто Арсенал ја загуби битката за титулата. Арсенал долго време преговараше со неговите агенти, па двете страни конечно најдоа заеднички јазик. Салиба доби нов договор до 2027 година и значително зголемување на платата.

Вилијам Салиба ќе потпише нов договор со Арсенал

Бошко Тасиќ — Sun, 11 Jun 2023 05:21:11 +0000

Фудбалерот на Арсенал, Вилијам Салиба се согласил да потпише нов четиригодишен договор со англсикиот вице првак. Договорот на францускиот дефанзивец важи до 2024 година, но тој сега ќе остане во клубот три години подолго од тоа, објави денеска „Скај спорт“. Арсенал ја финализира документацијата пред потпишувањето на договорот.Во 2019 година, Салиба се пресели од Сент Етјен во Арсенал, но остана на позајмица во Франција во Сент Етјен, Ница и Олимпик. Тој дебитираше за првиот тим на Арсенал дури минатиот август и беше еден од најважните играчи во тимот на Микел Артета. Арсенал до самиот крај се бореше за титулата во Премиер лигата, тимот освои 84 бода, најмногу од 2004 година, но не успеа да триумфира, па титулата ја одбрани Манчестер сити.

Вилијам Салиба – Kurir.mk

Салиба стави потпис на нов договор со лондонски Арсенал

Вилијам Салиба ќе потпише нов договор со Арсенал