Вилијан – Kurir.mk

Фулам се засили со Вилијан

Тале Кристо — Thu, 01 Sep 2022 18:21:12 +0000

Поранешниот играч од средниот ред на Челзи и Арсенал, Вилијан потпиша договор со Фулам. Триесет и четиригодишниот фудбалер се обврза на едногодишна соработка со премиерлигашот од Лондон. Бразилецот се приклучи на англискиот тим како слобедн играч на трансфер Пазарот. Претходно, фудбалерот настапуваше во бразилското првенство за Коринтијанс. Вилијан е фудбалер од средниот ред кој има искуство во Премиер лигата. Беше дел од Челзи од 2014 до 2020 година, постигнувајќи 37 гола на 234 натпревари во Премиер лигата пред да помине една сезона со Арсенал постигнувајќи еден гол на 25 натпревари.

Фулам го враќа Вилијан

Бошко Тасиќ — Sat, 06 Aug 2022 11:20:30 +0000

Лондонски Фулам прави обид да го ангажира поранешниот играч на Челси и на Арсенал, Вилијан. 33-годишниот Бразилец моментно игра во својата татковина, во тимот на Коринтијанс. Тој имаше повреди и има само еден постигнат гол на 44 натпревари. Сепак, интерес за него има од англиските клубови затоа што остави одличен впечаток на Островот. Меѓу кандидатите за неговиот потпис е нововлезениот Фулам. Неговиот договор со Коринтијанс има ослободувачка клаузула во случај на понуда од Европа. Вилијан живеел во Лондон девет години и би сакал да се врати во Англија.

Вилијан на прегледи во Арсенал

Ивана Ефремовски — Mon, 10 Aug 2020 17:10:48 +0000

Вилијан е пред преселба во Арсенал. Бразилецот, кој го напушти Челси и е слободен агент, денеска беше подложен на лекарски прегледи во Лондон. По нивното завршување, се очекува тој да потпише 3-годишен договор со „топџиите“, пренесоа островските медиуми. Офанзивниот играч од средниот ред го напушти „Стемфорд Бриџ“ по седум години во клубот. Не недостасуваа понуди за 32-годишникот, но тој го одбра Арсенал и само ќе го смени соседството во Лондон. Сепак, некои навивачи потсетуваат дека сè додека не се склучи договор, трансферот не е 100 отсто сигурен. Пред да се пресели во Челси, Вилијан беше прегледан во Тотенхем, но потоа се најде со својот градски ривал. (МИА)

Арсенал му понуди на Вилијан тригодишен договор

Магдалена Андонова — Thu, 06 Aug 2020 12:25:27 +0000

Арсенал му понуди договор за тригодишна соработка на напаѓачот на Челзи, Вилијан, објави „Скај Спорт“. Според британскиот медиум, „топчиите“ се силно заинтересирани за 31-годишниот Бразилец. Претходно во медиумите имаше информации дека самиот фудбалер им кажал на своите пријатели за желбата да се пресели во Арсенал. Во сезоната 2019/20, Вилијан настапи на 47 настапи за Челзи со 11 голови и девет асистенции. Договорот на играчот со „сините“ важи до крајот на сезоната 2019/20, а фудбалерот најверојатно ќе го напушти клубот како слободен агент. (MИА)

Барселона му понуди договор на Вилијан

Тале Кристо — Fri, 31 Jul 2020 10:56:08 +0000

Шпанскиот фудбалски гигант Барселона понуди договор за 3 сезони на играчот од средниот ред на Челси, Вилијан, пренесува „Скај Спорт“. Триесет и едно-годишниот Бразилец има договор со „сините“ до крајот на сезоната, по што може да стане слободен агент. Лондонскиот тим, исто така, дал понуда за продолжување на договорот на Вилијан, како и Интер Мајами, чиј сосопственик е Дејвид Бекам. Бразилецот објави дека не се брза со одлуката за својата иднина и го чека финалето на Челси против Арсенал во ФА Купот во сабота на „Вембли“. Вилијан забележа 11 гола и 9 асистенции на 47 натпревари за тимот од „Стенфорд бриџ“ оваа сезона.

Вилијан ќе го обнови договорот со Челси

Дарко Андоновски — Tue, 28 Jul 2020 08:46:03 +0000

Бразилскиот фудбалер Вилијан ќе остане во Челзи. Според „Sky Sports“, 31-годишниот играч ќе го обнови својот договор со лондонскиот клуб. Новиот договор ќе биде пресметан до 2022 година. Вилијан има одиграно 47 натпревари на сите турнири оваа сезона, постигна 11 голови и направи девет асистенции. За Бразилецот интерес покажуваше Арсенал, како и клубови од американската МЛС лига.

Вилијан ги откри своите планови за иднината

Ивона Петрова — Sun, 05 Jul 2020 07:46:36 +0000

Фудбалерот на Челси, Вилијан изјави дека сака да продолжи да игра во Европа, но планира да се пресели во МЛС пред крајот на кариерата. Бразилецот има договор со „сините“ само до крајот на сезоната и најверојатно ќе замине по нејзиниот крај. Лондонскиот тим сака да го задржи Вилијан, но му нудат само двегодишен договор, додека тој инсистира на три, што е главното разминување меѓу двете стран во моментот. Екипите на Арсенал и Тотенхем се заинтересирани за трансфер на крилото, а Вилијан е уверен дека сè уште има што да понуди на највисоко ниво. – Имам планови да останам во Европа и да се обидам да играм тука можеби за уште три или четири сезони. Верувам дека сè уште можам да настапам на високо ниво. Потоа, кога ќе наполнам 35, 36 години, планирам да одам во САД и да играм таму. Ова е цел што ја имам. Не исклучувам да се вратам во Бразил, ова е мојата земја и мојата култура. Но, враќањето во Бразил не би било мојот прв избор ако ја напуштам Европа. Сакам да играм во САД и заради моето семејство би било добро да живеам таму. Засега, Бразил не ми минува низ умот. Се разбира, ова може да се промени и можам да го направам тоа еден ден. Можам да се вратам во Коринтијанс и да се пензионирам таму. Но, мојата цел во моментов е да останам во Европа, да играм можеби три или четири сезони и потоа да заминам во САД, рече Вилијан.

Вилијан: Повеќето играчи не се чувствуваат удобно да играат

Тале Кристо — Sun, 17 May 2020 10:15:56 +0000

Играчот од средниот ред на Челси, Вилијан, изјави дека повеќето играчи во Премиер лигата не се чувствуваат пријатно да играат во оваа фаза. Англиското првенство беше суспендирано во март, но на Островот се надеваат дека ќе продолжи шампионатот во јуни, иако има повеќе од 200.000 заразени во земјата. – На многу играчи, повеќето од нив, би рекол дека им е непријатно да се вратат на теренот сега. Ние навистина сакаме да се вратиме на теренот, ни недостасува да играме и да го правиме она што го сакаме. Но, мора да е безбедно за да го сториме тоа. Нашето здравје е во прв план. Во нашиот тим многу разговаравме на Интернет, имавме вообичаени разговори. Лампард ни испрати информации за тоа што Премиер лигата сака да направи. Сè уште не знаеме како ќе се развиваат работите во иднина. Се надеваме дека во следните неколку дена ќе има нова средба и тие ќе ни дадат до знаење кои се следните чекори, изјави Вилијан. Бразилецот е еден од многуте играчи во Англија кој изрази загриженост за идејата за продолжување на првенството на 12 јуни. Слично мислење имаа и Серхио Агуеро, Трој Дини и Дани Роуз.

Барселона се откажа од Вилијан

Дарко Андоновски — Thu, 09 Apr 2020 08:26:49 +0000

Барселона одлучи да не потпишува договор со напаѓачот на Челси, Вилијан, кој ќе стане слободен агент летото 2020 година. Според шпанскиот портал „Sport.es“, агентот на 31-годишниот Бразилец, Киа Јурабјан се обратил во каталонскиот клуб, но бил одбиен. Вилијан сака тригодишен договор, а во Барса не се согласуваат со овој услов. Исто така, Каталонците не се согласуваат да му ја исплаќаат на Бразилецот платата што тој ја посакува, сметајќи ја за премногу висока. Оваа сезона, до прекинот, Вилијан има седум голови и шест асистенции на 37 натпревари за Челси.

И да му заврши договорот, Вилијан ќе ја доигра сезоната за Челзи

Дарко Андоновски — Thu, 19 Mar 2020 08:01:40 +0000

Напаѓачот на Челси, Вилијан изјави дека е подготвен да игра за тимот од Лондон, доколку сезоната 2019/20 не биде завршена пред истекот на неговиот договорот со „сините“. -Мојот договор ќе заврши наскоро, веќе во јули, но ако сезоната во Англија нема време да заврши пред тој момент, ќе играм за Челси без никакви проблеми, затоа што сум верен на тимот, како што е и тој верен на мене, изјави Вилијан. Договорот на 31-годишниот Бразилец со Челси важи до крајот на јуни 2020 година. Во сезоната 2019/20 година, тој постигна седум гола и шест асистенции на 37 натпревари. Шампионатот на Англија е одложено барем до 4 април поради пандемијата на коронавирус.