Вимблдон 2023 – Kurir.mk

„Тајната на неговата вечна младост“ стана вирален хит низ светот – еве што јаде Бред Пит среде финалето на Вимблдон за да биде млад и на 60 години (ВИДЕО)

Дарко Андоновски — Tue, 18 Jul 2023 10:40:58 +0000

Холивудската актерска ѕвезда, големиот заводник Бред Пит привлече огромно внимание на финалето на тенискиот Грен слем во Вимблдон со својот младешки изглед, но и со видеото каде беше фатен како јаде чипс Камерите го уловија мегапопуларниот актер како ужива во вкусен чипс, а видеото набрзо стана вирално, пишува Тпортал.

#WimbledonFinal Brad Pitt pic.twitter.com/QRg7R9Tys9
— Famous movie quotes 🖖🏾 (@Nimbus001) July 16, 2023

Во коментарите под видеото објавено на Твитер, се појавија бројни досетки и шеги на тема изборот на грицки на актерот. Многумина на шега тврдеа дека можеби тоа е тајната на неговиот добар изглед, истакнувајќи дека и самите ќе почнат да уживаат во чипсот секој ден. „Се обидувам да видам каков чипс јаде за да ја дознаам тајната на неговата вечна младост“, беше еден од најпопуларните коментари. Покрај изборот на храна, Бред Пит уште еднаш привлече големо внимание со својот младешки изглед, поради што е тешко да се поверува дека во декември ќе наполни 60 години. Познатиот актер блесна во лежерна и толку елегантна комбинација од сина поло кошула и свилена сина кошула заокружена со очила за сонце.

КАКО СЕСТРИ БЛИЗНАЧКИ – кралицата Камила со својата сестра дојде на натпреварот на Вимблдон, и вие нема да знаете која е која (ФОТО)

Дарко Андоновски — Fri, 14 Jul 2023 08:22:42 +0000

Кралицата Камила направи пауза од официјалните настани и присуствуваше на четвртфиналето на Вимблдон со својата сестра во средата. Тој ден на теренот играше Унс Џабир од Тунис, која ја победи Елена Рибакина од Казахстан. Кралицата го избра најпогодното време за нејзината посета на Вимблдон. Тој ден во кралската ложа се собраа бројни ѕвезди, меѓу нив беа ќерката на принцезата Ана, Зара Тиндал и нејзиниот сопруг, нејзиниот брат Питер, принцот Алберт Втори од Монако, сестрата на Кејт Мидлтон, ѕвездата на One Direction, Лиам Пејн и актерката од Бриџертон, Чаритра Чандран. 75-годишната Камила го избрала најсоодветниот дрес код за Вимблдон – бел фустан со сини риги и златен накит, вклучувајќи ги и нејзините омилени нараквици, кои ги носи речиси непрестајно. Изгледот го комплетираше со очила за сонце. До неа, седеше нејзината сестра, која – многумина ќе се согласат – неверојатно личи на Камила.

Queen Camilla and her sister, Annabel Elliot, seated in the Royal Box on day ten of The Championships, #Wimbledon pic.twitter.com/bAJwhL8tkm
— Spotted @ Wimbledon (@CelebsWimbledon) July 12, 2023

Сестрата на кралицата, Анабел Елиот, беше дотерана во кошула-фустан со зелени и бели шари.

View this post on Instagram

A post shared by Royal Fashion Police (@royalfashionpolice)

И двете го следеа со голем интерес натпреварот. Инаку, ова беше прво соло појавување на Камила на познатиот тениски турнир кој го посети во статус на кралица. На трибините беше забележана и 88-годишната Мери Бери, прославена писателка која напишала повеќе од 70 книги за готвење. Кралицата Камила го зазеде главното место на централниот дел во Кралската ложа.

Нов инцидент на Вимблдон: Навивач влезе на терен и прекина меч (ВИДЕО)

Бошко Тасиќ — Thu, 06 Jul 2023 05:33:07 +0000

Тенискиот турнир Бимблдон започна со серија непријатни инциденти и скандали. Најпрво дождот направи огромни проблеми и дури 28 мечеви мораа да бидат одложени, а се случи и нов посериозен инцидент во кој беше вмешана публиката. На теренот број 18 играа Григор Димитров и Шо Шимабукуро, влетаа двајца навивачи кои го прекинаа мечот уште пред да започне дождот. Двајцата втрчаа на теренот и почнаа да фрлаат конфети, а потоа скандираа песни против владата и ги навредуваа големите нафтени компании. Во тој момент Бугаринот беше во водство, но мечот мораше да биде прекинат. Организаторите на турнирот изјавија дека двајцата веднаш биле уапсени од полицијата, а делото што го сториле може да биде и кривично. Доколку судот ги прогласи за виновни, тие можат да заработат парична казна од 50.000 фунти, а максималната казна за вакви прекршоци е девет месеци зад решетки.

Protestors jump onto court 18 at #WIMBLEDON half way through Dimitrov & Shimabukuro. Crowds cheering as they’re both removed. pic.twitter.com/GNWroRO1SY
— Molly Clayton (@mollclayton) July 5, 2023

Ѓоковиќ: Сè уште сум гладен за освојување гренслем титули

Бошко Тасиќ — Sun, 02 Jul 2023 07:05:32 +0000

Српскиот тенисер, Новак Ѓоковиќ, на еден ден пред стартот на Вимблдон каде ќе ја брани титулата, изјави дека сè уште е гладен за успеси и освојување гренслем-титули. Новак настапот на Вимблдон ќе започне утре од 14.30 часот против 67-от тенисер на АТП ранг-листата, Педро Качин. Ѓоковиќ со триумфот на Ролан Гарос, дојде до 23-та гренслем-титула и му избега на Рафаел Надал кој остана на 22 гренслем триумфи, а е главен фаворит за триумф на Вимблдон каде четири пати по ред го крева шампионскиот пехар. „Не сум опуштен, сè уште сум гладен за успеси, за освојување гренслем-титули. Се додека чувствувам глад за успеси, знам дека ќе можам да се натпреварувам на највисоко ниво. Ако помине тоа, претпоставувам дека ќе се соочам со поинакви услови и ќе имам поинаков пристап“, изјави Ѓоковиќ.

Вимблдон 2023 со најголем награден фонд во историјата на турнирот

Ивана Ефремовски — Wed, 14 Jun 2023 14:55:08 +0000

Тенискиот Грен слем „Вимблдон“ годинава ќе се игра за рекорден награден фонд во историјата на турнирот, објави веб-страницата на натпреварувањето. Вкупно 44,7 милиони фунти (околу 52,2 милиони евра) ќе бидат достапни за тенисерите, што е за 11,2% повеќе од минатата година и за 17,1% повеќе од Вимблдон 2019 година. Победниците во женски и машки сингл ќе добијат 2,35 милиони фунти (2,75 милиони евра), а поразените финалисти - 1,175 милиони (1,37 милиони евра). Овие награди се еднакви со оние во 2019 година. Во распределбата на паричните средства, големо значење сè уште се придава на поддршката на играчите во првите кола од натпреварувањето. Паричната награда за квалификациите е зголемена за 14,5 отсто во однос на минатата година, а играчите кои ќе загубат во првото коло од главниот турнир на Вимблдон ќе добијат 55.000 фунти (64.000 евра), што е за 10 отсто повеќе од 2022 година. Средствата за машки и женски двојки се зголемени за 10,7 отсто во однос на минатата година, додека наградите за играчите во инвалидска количка поединечно и двојки се зголемени за нешто помалку од 20 отсто. Вимблдон ќе се одржи од 3 до 16 јули на тревните терени во Лондон. (МИА)