вимблдон – Kurir.mk

ФОТО: Таинствена бринета го освои срцето на Карлос Алкараз, вешто ја кријат својата љубов од очите на јавноста

Ивона Петрова — Tue, 18 Jul 2023 08:17:39 +0000

Шпанскиот тенисер Карлос Алкараз кој е победник на Вимблдон го привлече вниманието на многу припаднички на понежниот пол. Сепак, неговото срце го украде Марија Гонзалес Гименез. Марија е родена во Мурсија, Шпанија, но многу приватни детали и нејзиниот љубовен живот ги држи подалеку од очите на јавноста.

View this post on Instagram

A post shared by MARIA GONZALEZ (@mariaaagimenezz)

Таа е исто така тенисерка и игра за Murcia Club de Tenis. Поголемиот дел од слободното време го поминува на плажа, а на Инстаграм често споделува фотографии од омилената локација.

View this post on Instagram

A post shared by MARIA GONZALEZ (@mariaaagimenezz)

Шпанскиот тенисер еднаш откри за Вог дека немал девојка 18 месеци, поради што посетил психолог. -Комплицирано е кога никогаш не сте во ист град. Тешко е да се најде личност која ќе ги сподели работите со вас ако сте секогаш на другата страна на планетата, признал тој.

Вондрушова: Пред една години трофеј на Вимблдон за мене беше невозможна мисија

Ивона Петрова — Sun, 16 Jul 2023 09:50:50 +0000

Чешката тенисерка Маркета Вондроушова рече дека не верувала во освојување трофеј на Вимблдон со оглед на повредата мината сезона. Таа имаше операцијата на левата рака која и беше во гипс пред една година. - Пред точно една година имав гипс на целата рака. Не верував дека можам да играм овде на врвно ниво. За мене беше невозможна мисија да се освои трофејот. Не знаев дали можам повторно да играм како пред операцијата. На крајот на краиштата, претходно не сум имала добри мечеви на трева. Од четирите Грен слема, освојувањето на овој е најневозможната опција за мене. Не ни помислував на тоа. Дојдов овде мислејќи дека треба да се обидам да победам неколку натпревари. И тогаш ова се случува. Лудило, изјави Вондрушова. Таа вчера со 6:4 и 6:4 во финалето на Вимблдон ја победи Онс Жабер од Тунис. Денес ќе се игра финалето во машка конкуренција. Во него ќе се соочат Карлос Алкараз од Шпанија и Новак Ѓоковиќ од Србија (почеток 15 часот).

Алкараз и Ѓоковиќ денес во битка за титулата на Вимблдон

Бошко Тасиќ — Sun, 16 Jul 2023 06:39:52 +0000

Карлос Алкараз и Новак Ѓоковиќ ќе се соочат во финалето на Отвореното тениско првенство на Британија. Пресметката меѓу првиот и вториот во машката светска ранг листа е денеска, 16 јули, во 15 часот по македонско време. Гледачите на трибините на Централниот терен ќе уживаат во долгоочекуваниот судир за Грен слем трофејот меѓу двајцата најдобри тенисери во моментов. Алкараз го прави своето прво финале на Вимблдон и втор Грен слем генерално по минатогодишниот УС Опен, кога ја освои титулата откако го победи Каспер Руд.

Кејт Мидлтон повторно блесна на Вимблдон, принцезата покажа што е кралска елеганција

Ивона Петрова — Sat, 15 Jul 2023 19:58:25 +0000

Женското финале на Вимблдон се одржа денеска, а многу познати личности се најдоа на трибините. Меѓу нив секако беше и принцезата Кејт Мидлтон, а секако и овојпат имаше беспрекорен аутфит. Кејт на 13-тиот ден од Вимблдон се појави во светло зелена модна комбинација која одлично ја истакна нејзината фигура, но и нежниот тен. Таа се одлучи за лелеаво миди здолниште и струкиран блејзер во иста нијанса. Оваа едноставна комбинација дополнително ја потполни со накит. Се одлучи за бисерни обетки во форма на цвеќе, златна нараквица и голем прстен. Целата комбинација ја надополни со беж потпетици и беж чанта, црни очила за сонце и лесна шминка.

Прва Вимблдон титула за Вондрушова

Ивона Петрова — Sat, 15 Jul 2023 16:22:53 +0000

Чешката тенисерка Маркета Вондрушова триумфираше на годинешното издание на грен – слем турнирот во Вимблдон, совладувајќи ја во денешното финале Тунижанката Онс Жабер со 6-4, 6-4. За 24-годишната Вондрушова ова е прва грен – слем титула во кариерата. Претходно играше едно грен – слем финале, пред четири години на Ролан Гарос во Париз. Жабер, пак, го загуби своето второ финале во серија во Вимблдон, а остана и трет пат на чекор до својата премиерна грен – слем титула. Тунижанката претходно претрпе два порази во финалињата на Вимблдон, а беше поразена и во финалето на Ју Ес Опен 2022.

Алкараз против Ѓоковиќ во финалето на Вимблдон во машка конкуренција

Бошко Тасиќ — Fri, 14 Jul 2023 17:56:22 +0000

Шпанскиот тенисер Карлос Алкараз го одигра својот најдобар меч на трева и беше фантастичен против Медведев, победи со 6-3, 6-3 и 6-3 и избори место во големото финале на Вимблдон. Таму ќе игра против Новак Ѓоковиќ кој претходно со 3-0 го совлада Синер. Финалето меѓу Ѓоковиќ и Алкараз се игра во недела со почеток од 15 часот

Жабер против Вондрушова во женското финале на Вимблдон

Бошко Тасиќ — Thu, 13 Jul 2023 21:19:02 +0000

Тенисерката од Тунис Онс Жабер втора сезона по ред ќе игра во финалето на Вимблдон откако денеска во три сета ја совлада Арина Сабаленка од Белорусија - 2:1 (6:7, 6:4, 6:3).

За првата Грен слем титула во кариерата, односно вкупно петта, ќе се бори со Маркета Вондрушова од Чешка, која во полуфиналето беше подобра од Украинката Елина Свитолина - 2:0 (6:3, 6: 3).

Тие двајца никогаш претходно не се сретнале, а Европеецот стигна до финалето без да биде носител.

За Чехинката ова е најдобар пласман во кариерата на Грен слем на тревна подлога, а на истата позиција беше само на Ролан Гарос во 2019 година.

Во Лондон, пред фантастичните игри оваа сезона, таа се пласираше во вториот круг само еднаш.

Онс Жабур е последната полуфиналистка на Вимблдон

Бошко Тасиќ — Wed, 12 Jul 2023 16:31:13 +0000

Онс Жабур стигна до последниот полуфинален билет на Вимблдон откако туниската тенисерка со одлична игра и пресврт стигна до победа од 2-1 над Рибакина. Овој дуел претставуваше реприза на ланското вимблдонско финале, а Жабур го искористи за да и се одмазди за Рибакина за поразот во битката за трофејот од пред 12 месеци. Бранителката на трофејот одлично го почна денешното четвртфинале и успеа да поведе со 1-0 во драматичниот прв сет што Рибакина го доби во тајбрејк. Таа потоа пропушти три брејк шанси при 2-2 во вториот сет, по што Жабур почна да игра се подобро. Туниската тенисерка ја искористи својата шанса во десеттиот гејм и стигна до брејк со 6-4, а потоа во решавачкиот сет ја збриша Рибакина со 6-1, за пласман во полуфиналето. Таму таа ќе се сретне со Сабаленка, која денеска славеше над Кис со 2-0 во сетови. Во втората полуфинална пресметка силите ќе ги одмерат Свитолина и Вондрусова.

Ѓоковиќ преку Рубљов обезбеди пласман во полуфиналето на Вимблдон

Бошко Тасиќ — Tue, 11 Jul 2023 19:52:16 +0000

Српскиот тенисер Новак Ѓоковиќ славеше во четвртфиналето на Вимблдон против Русинот Рубљов со 3:1 во сетови и успеа да си обезбеди полуфинале на неофицијалното Светско тениско првенство. На Новак му се отвора патот до нова титула на најславниот тениски гренслем турнир во светот. Ако триумфира во Британија, тоа ќе е осми грен слем за него таму, или 24-ти вкупно во кариерата. Победата над Рубљов му беше 33-та по ред на Вимблдон. Првиот сет го доби Русинот со 6:4 во гемови, ама тоа само како да го разлути Србинот. Потоа го започна својот танц и ги доби сите три наредни сета, со 6:1, 6:4 и 6:3. Во полуфиналето противник ќе му биде Италијанецот Јаник Синер, кој денеска исто така играше четири сета и стигна до своето прво полуфинале на овој грен-слем турнир.

Прво четвртфинале во Вимблдон за Медведев

Ивона Петрова — Mon, 10 Jul 2023 18:29:07 +0000

Се радувам на својот следен дуел и се надевам дека ќе го прикажам најдоброто од себе, порача попладнево рускиот тенисер Данил Медведев, откако прв пат во кариерата избори пласман во четвртфиналето на грен-слем турнирот во Вимблдон. Третиот светски рекет избори место меѓу осумте најдобри тенисери во Вимблдон откако Чехот Јиржи Лехечка го предаде осминафиналниот дуел при водство на Медведев од 2-0 во сетови (6-4, 6-2). Противник на Медведев во четвртфиналето ќе биде победникот од дуелот меѓу Гркот Стефанос Циципас и Американецот Кристофер Еубанкс.