Винченцо Монтела – Kurir.mk

Легендата на Рома е нов селектор на репрезентацијата на Турција

Бошко Тасиќ — Thu, 21 Sep 2023 04:12:25 +0000

Винченцо Монтела, и официјално е нов селектор на репрезентацијата на Турција. Тој денес потпиша тригодишен договор, што значи дека ќе ја води селекцијата на Турција до Светското првенство во 2026-тата година. Неговата прва цел е да ги подобри резултатите и да се пласира на Европското првенство следната година, а потоа и пласман на Светското првенство во САД, Канада и Мексико. Монтела доаѓа на местото на Штефан Кунц кој доби отказ после ремито против Ерменија на домашен терен .

Монтела: Приказната не е завршена

Дарко Андоновски — Wed, 11 Apr 2018 14:46:09 +0000

Тренерот на Севиља, Винченцо Монтела, пред реванш натпреварот против Баерн Минхен од четвртфиналето во Лигата на шампионите смета дека неговиот тим има што да покаже и дека приказната не е завршена. - Натпреварите се долги и најважно е да не го губиме трпението. Важно е да не примиме гол, особено во првото полувреме. Верувам дека можеме и да гопобедиме Баерн, истакна Монтела. На првиот натпревар Севиља на домашен терен загуби со 1:2, а вечерва на„Алијанц арената“ ќе го одигра реваншот против Баерн.

Монтела не се предава

Даниел Василев — Wed, 04 Apr 2018 08:05:55 +0000

Тренерот на Севиља, Винченцо Монтела, најави борба до крај во четвртфиналето на Лигата на шампионите и покрај поразот на првиот дуел на домашен терен од Баерн (1:2). - Немавме среќа. Се обидовме да ја покажеме најдобрата игра, но Баерн е многу силен. Во првото полувреме немаа свои минути и добро игравме. Во вториот дел бевме уморни, но нормално е. По паузата ние речиси не го загрозивме нивниот гол. Но, јас сум горд на тимот. И покрај поразот, нема предавање, ќе се бориме до крај, најави Монтела. Реваншот е на 11 април во Минхен. МИА

Монтела откри како ќе го сопре Баерн

Дарко Андоновски — Mon, 02 Apr 2018 19:08:37 +0000

Тренерот на Севиља, Винченцо Монтела, на прес-конферецијата пред четвртфиналниот дуел од Лигата на Шампионите против Баерн Минхен, откри како ќе го запре баварскиот колос. - Баерн се силни во тоа да постигнуваат голови и да ја држат топката во свои нозе. Па така ние треба да сме оние, кои ќе го правиме тоа, за да не им дадеме можност тие да играат на начинот на кој можат. Банега нема да игра и ние губиме играч со докажани квалитети. Не можеме да го промениме тоа, но сигурен сум дека оној кој го замени, ќе успее да се справи, изјави тренерот на Севиља. Монтела смета дека за натпревар против тим како Баерн треба да се биде максимално поготвен од физичка и психолошка гледна точка. - Ние веќе го елиминиравме Манчестер Јунајтед и не ни останува ништо друго освен да даваме се од себе до последниот натпревар. Сакаме да испишеме историја заедно со нашите навивачи, кои секогаш се со нас, додаде тренерот на шпанскиот тим. Средбата помеѓу двата тима е утре во 20:45 часот на стадионот „Рамон Санчез Писхуан“ во Севиља.

Монтела: Селекторот на Италија мора да биде со бела коса

Ивона Петрова — Fri, 30 Mar 2018 11:17:27 +0000

Тренерот на Севиља, Винченцо Монтела со доза на хумор го прокоментира прашањето дали би сакал да го преземе националниот фудбалски тим на Италија. Монтела изјави дека селекторот на „Азурите“ задолжително треба да има бела или сива коса, за да изгледа достоинствено и го посочи како таква опција Роберто Манчини. - Се чувствувам прекрасно на функцијата во Севиља, а може и затоа никој од Фудбалската федерација на Италија не контактирал со мене. Сметам дека селекторот на репрезентацијата на нашата земја треба да биде со бела коса или барем со сива. Јас во овој момент имам сосема малку бели влакна на главата. Но, неколку пати се видов со Роберто Манчини - тој има многу бели влакна, имајте го предвид, рече Монтела. Откако се смири ситуацијата во салата на стадионот „Рамон Санчез Писхуан“, веќе целосно сериозно, тренерот на Севиља го препорача за функцијата Клаудио Раниери. - Селекторот треба да знае во која насока се движи. Во Италија има многу добри експерти, мислам дека Раниери одговара прекрасно на функцијата - од една страна има многу големо меѓународно искуство, а од друга е многу урамнотежен човек. Забележувам дека секогаш го избира вистинскиот пристап за тимовите што ги тренира, додаде Монтела. Во моментов Луиџи ди Бјаџо е избран да ја извршува должноста селектор, а Федерацијата уште нема јасна позиција како точно ќе се пристапи по ова прашање. Пред него на чело на „Азурите“ беше Џанпиеро Вентура, кој беше отпуштен по неуспехот да го квалификува тимот за Светското првенство ова лето.