15 мисли на Вини Пу кои ќе ви помогнат да бидете подобри родители и подобри луѓе

Катерина Бојаџиева — Tue, 12 Feb 2019 09:49:18 +0000

Иако оригинално е создаден пред речиси цел век, мечето Вини Пу е еден од омилените измислени ликови, како и меѓу децата, така и меѓу возрасните. Иако овој лик се појавува во многу филмови и цртани филмови, лесно се заборава дека ова слатко мече првпат оживеа во оригиналните книги „Вини Пу“ и „Куќата на аголот Пу“ на писателот А.А.Милн. Овие класици можеби се напишани за деца, но тоа не значи дека тука не може да се најдат и многу совети за возрасни. Издвоивме 15 цитати од оригиналните книги кои ќе ви помогнат да бидете подобри родители или едноставно, подобри личности. Кога доцните веќе 20 минути, а вашето дете одбива да се облече: „Реките го знаат ова: Нема потреба за брзање. Еден ден ќе стигнеме таму.“ Кога упорно ги примате ударите на родителството: „Похрабар/а си отколку што веруваш дека си, посилен/а си отколку што изгледаш и попаметен/а отколку што мислиш.“ Кога ќе се залеташ со родителството, а на твоето дете му е потребна мала пауза: „Љубовта значи да правиш неколку чекори наназад, а можеби и повеќе... за среќата на личноста која ја сакаш.“ Кога детето упорно ти плаче, а ти брзаш за на работа: „Колку имам среќа кога морам да се поздравам со некој кој толку многу ми значи.“ Кога сопругот/сопругата те прашува дали воопшто знаеш во кој правец одите: „Не сум изгубен/а затоа што знам каде одам. Но, сепак, изгубеноста е баш онаму каде што сум.“ Кога сте на работ на нервите, а вашето дете намерно ја фрла храната на подот: „Малку обѕир, само малку грижа за другите – тоа ја прави целата разлика.“ Кога ќе ве обземат чувства кон детето: „Понекогаш, најмалите работи заземаат највеќе место во твоето срце.“ Кога на вашето дете не му се допаѓа вашиот музички вкус: „Поезијата и пеењето не се нешто што го добиваш, туку нешто што те добива тебе. И сѐ што можеш да направиш е да одиш кон она што ќе те пронајде.“ Кога целиот викенд го поминувате седејќи на троседот гледајќи телевизија: „Понекогаш седам и размислувам, понекогаш само седам.“ Кога детето не се смее на вашите шеги: „Она што ме прави поинаков/а е она што ме прави тоа што сум.“ Кога вашето дете не сака да дојде да вечера, иако цело време викате по него: „Доколку личноста не те слуша кога ѝ зборуваш, види внимателен/а, можеби има малку памук во увото.“ Кога детето ќе каже нешто неубаво и ненамерно ќе ве повреди: „Само затоа што животното е големо, не значи дека не сака внимание. Тигарот можеби изгледа голем, но знај дека и тој сака внимание.“ Кога детето ќе се сети на некоја ваша грешка: „Знам дека пишувам, но некогаш буквите се мешаат.“ Кога детето се плаши да излезе надвор и да истражува: „Не можеш да стоиш во аголот на твојата шума и да чекаш другите да дојдат по тебе. Мораш понекогаш и ти да отидеш кај нив.“ Кога детето не сака да си легне: „Мислам дека сонуваме за да не мораме долго да бидеме раздвоени. Ако ние си доаѓаме во соновите, можеме засекогаш да бидеме заедно.“

Кина го забрани новиот филм за Вини пу

Ивона Петрова — Wed, 08 Aug 2018 21:01:08 +0000

Кинеските власти забранија дистрибуција на новиот игран филм на Дизни „Кристофер Робин, каде си?“ за познатото мече Вини пу, пренесува Би-Би-Си. Со тоа Пекинг ја продолжи борбата против малото жолто мече, а сето тоа поради наводната сличност со претседателот Си Џинпинг. Кинеските власти не објаснија зошто најновиот филм на Дизни е несоодветен за тамошната публика, но Би-Би-Си наведува дека се претпоставува оти тоа е дел од националната кампања против Вини пу, откако на социјалните мрежи се појавија пораки во кои се истакнува сличноста на анимираниот јунак со кинескиот претседател. МИА

вини пу – Kurir.mk

15 мисли на Вини Пу кои ќе ви помогнат да бидете подобри родители и подобри луѓе

Кина го забрани новиот филм за Вини пу