виница – Kurir.mk

Приведен криумчар од Виница, пронајдени 20 лица мигранти

Тале Кристо — Thu, 14 Sep 2023 07:24:59 +0000

На 13.09.2023 околу 11.20 часот на автопатот Гевгелија – Скопје, во близина на наплатна станица Смоквица, полициски службеници од Мобилната единица за компензаторни мерки при Одделот за гранични работи и миграции во Биро за јавна безбедност го лишиле од слобода Д.Ц.(44) од Виница. При преглед во товарно возило „цитроен џампер“ со скопски регистарски ознаки, кое го управувал, биле пронајдени 20 лица мигранти (19 од Сирија и 1 од Ирак), меѓу кои четири малолетници. Имено, тој претходно не застанал на знак за запирање даден од полициските службеници, продолжил со движење и со возилото скршил рампа на наплатната станица, по што скокнал од возилото и го напуштил местото. Набргу, по преземени мерки, Д.Ц. бил пронајден и лишен од слобода. Тој бил задржан во полициска станица и во консултација со јавен обвинител против него ќе биде поднесена соодветна пријава, а мигрантите биле сместени во прифатен центар за странци во Скопје.

ВИДЕО: Силно невреме и во Кочани и Виница

Ристе Здравков — Sun, 23 Jul 2023 16:20:29 +0000

Силно невреме со пороен дожд, ветер и град попладнево ги зафати Кратово, Виница, Кочани и Пробиштип. Предупредување за силно невреме вечерва во Скопје, со пороен дожд, електрични празнења и силен ветер, издаде Управата за хидрометеоролошки работи (УХМР). „Поради насобраната голема енергија во атмосферата и благо зголемената влажност над нашето подрачје, денеска во попладневните часови во северните делови ќе има услови за локално невреме со интензивен пороен дожд и електрични празнења, силен ветер над 70 километри на час и појава на град“, велат од УХМР. Видео: sdk.mk

Приведен криумчар од Виница, превезувал седум лица мигранти

Тале Кристо — Mon, 03 Jul 2023 09:05:57 +0000

На 02.07.2023 околу 15.50 часот полициски службеници од Полициска станица Радовиш во близина на с.Дукатино, струмичко, го лишиле од слобода Е.М.(24) од Виница. Тој бил затекнат како управува патничко моторно возило „ауди“ со скопски регистарски ознаки, кое било запрено од страна на полициски службеници, а во него се превезувале седум илегални мигранти. Е.М. бил приведен, со него бил извршен службен разговор и по целосно документирање на случајот ќе биде поднесен соодветен поднесок.

Во Основниот суд во Кочани недостигаат четири, а во Виница двајца судии

Тале Кристо — Mon, 08 May 2023 13:16:29 +0000

Основните судови во Кочани и Виница се соочуваат со сериозни тешкотии во работењето поради недостиг од судии, иако обемот на работа во изминатиот едногодишен период не им е намален. Во Основниот суд Кочани, кој има проширена надлежност и за дел од соседните општини, од предвидените десет во моментот се вработени осум судии, а еден од нив истовремено е и претседател на Судот. Проблемот е многу поизразен затоа што двајца од судиите се делегирани на работа во основните судови во Виница и Берово, што значи дека и за кривичните и за прекршочните постапки на територијата што ја покрива институцијата ангажирани се само шест судии, односно еден судија работел на околу 5.600 жители. - Состојбата уште повеќе ќе се усложни кон крајот на оваа година затоа што во септември еден судија ќе замине во пензија. Според најавите од Судскиот совет очекуваме во наредниот период да добиеме еден судија, но неговото активно вклучување во постапките веројатно ќе потрае извесен период поради завршување на потребните процедури, истакна Марија Стојанова, судски администратор во Основниот суд во Кочани. Во текот на 2022 година Основниот суд Кочани за решавање имал 14.461 предмет од кои до крајот на годината незавршени останале 2.291 предмет. Неговото работење е оценето како неажурно, со оглед што не бил решен новиот прилив од 268 предмети. - Во Основниот суд Виница, наместо потребните тројца имаме само еден судија кој истовремено е и негов претседател. Решавањето на предметите се одвива отежнато, а извесно олеснување во реализацијата е работењето на делегираниот судија од Основниот суд во Кочани. Минатата година започна со 4.886 предмети од кои до крајот на декември нерешени останаа 551, но работењето е оценето како ажурно затоа што е намален бројот на заостанати предмети од порано, истакна Коле Илијев, одговорно лице за односи со јавноста во виничкиот суд.

Сообраќајна несреќа во Виница, тешко повреден мотоциклист

Тале Кристо — Sat, 22 Apr 2023 09:44:25 +0000

На 21.04.2023 во 13.15 часот било пријавено дека во Виница на крстосницата од ул.“Браќа Миладинови“ и ул.“Плачковички одред“ се случила сообраќајна несреќа помеѓу патничко моторно возило “форд фиеста“ со винички регистарски ознаки, управувано од Р.Т.(49) од с.Градец-виничко, и мотоцикл „кавасаки“ со винички регистарски ознаки, управуван од З.С.(20) од Виница. Во несреќата со тешки телесни повреди се здобил мотоциклистот, а со телесни повреди се здобил сопатникот од мотоциклот И.П.(23) од Виница, констатирани Клиничката болница Штип. Извршен бил увид од увидна екипа од Полициската станица Виница.

Се доасфалтира дел од регионалниот пат на влезот во Виница

Тале Кристо — Tue, 21 Mar 2023 11:20:43 +0000

Јавното претпријатие за државни патишта ја комплетира реконструкцијата на делницата од регионалниот патен правец Р1304, од месноста Превалец кон влезот во Виница. Градежните работи ги изведуваат работници и механизација на ЈП „Македонијапат“ кои се ангaжирани на преасфалтирање на коловозот во должина од околу еден километар и ширина од шест метри, од хотелот „Слив“ до крстосницата со магистралниот пат А3. За реконструкција на последната фаза од патниот правец Јавното претпријатие инвестира седум милиони денари, а се очекува преасфалтирањето да се комплетира за неколку дена. Претходно беа заменети оштетените и дотраени сообраќајни знаци и патокази, а по завршувањето на градежните работи ќе се обнови и хоризонталната сигнализација. Пред неколку месеци беа реконструирани уште околу два километра од делницата, на делот од влезот во Виница кон мостот на реката Брегалница, а целата инвестиција чини над 20 милиони денари. т

Вработена во Фондот за пензиско аплицирала за брзи кредити во име на друго лице

Ивана Ефремовски — Mon, 20 Mar 2023 16:02:45 +0000

Надворешната канцеларија за криминалистички работи Виница поднесе кривична пријава против М.Џ. од Виница, поради постоење основи на сомнение за сторено кривично дело „злоупотреба на службена положба и овластување“. Во периодот од 28.04.2020 до 21.09.2022, пријавената - вработена во Фондот на пензиско и инвалидско осигурување - Виница ги злоупотребила своите работни задачи и обврски и во четири наврати аплицирала за брзи кредити во две финансиски друштва на име на друго лице од Виница, користејќи ги нејзините лични податоци.

Уапсен дилер од Виница

Тале Кристо — Fri, 27 Jan 2023 11:40:14 +0000

На 26.01.2023 полициски службеници од ОВР Виница го лишиле од слобода И.А.(32) од Виница. При претрес во неговиот дом, извршен со судска наредба, биле пронајдени и одземени марихуана, дигитална вага, две дробилки, ризли и пари. Тој бил задржан во полициска станица и по целосно документирање на случајот, против него ќе биде поднесена соодветна пријава.

Момче нападнато во Виница

Ивана Ефремовски — Sun, 11 Dec 2022 18:56:50 +0000

На 11.12.2022 во 02:05 часот во Полициска станица Виница К.С.(22) од с.Јакимово, виничко пријавил дека околу 01:55 часот пред угостителски објект во Виница бил физички нападнат од Д.М. од Виница. Се преземаат мерки за расчистување на случајот.

Се реконструираат трите објекти на детската градинка „Гоце Делчев“ во Виница

Ивона Петрова — Wed, 07 Dec 2022 16:15:30 +0000

– Во детската градинка „Гоце Делчев“ од Виница во тек се градежни работи за реконструкција на трите објекти, а за што институцијата од сопствениот буџет инвестира 2,5 милиони денари. Поддршка во реализацијата на проектот обезбеди и Општина Виница, а при увидот што го направи градоначалникот Миле Петков беше констатирано дека при крај е преуредувањето на внатрешноста нанпросториите за престој на најмладите, како и реконструкцијата на санитарните јазли. – Во стариот објект на градинката во близина на општинската зграда целосно се реконструира водоводната и канализациската инсталацијанво тоалетите за децата и персоналот, по што ќе бидат поставени новибсанитарни елементи и опрема. Исто така, потпишан е и договор занреконструкција на покривот на овој објект, со што ќе се спречи протекувањето и натамошното оштетување. Во новиот објект пак, се менува подот, каде во занималните се поставува ламинат, а во градинката во селото Истибања во завршна фаза се работите за инсталирање на ново парно греење. Притоа, обезбеден е котел на пелети со моќност до 25 киловати, како и радијатори, пумпи и придружна инсталациска опрема, истакна градоначалникот Петков. Со договорите што се склучени со изведувачите, се очекува градежните и другите работи околу реконструкцијата да бидат завршени до крајот на тековната година.