Патот од село Виничани до Градско за претстојните празници нема да биде затворен

Тале Кристо — Sat, 15 Apr 2023 10:28:11 +0000

Патниот правец од село Виничани до Градско за претстојните празници (14, 15, 16 и 17 Април 2023) нема да биде затворен, но патниот правец е во изградба и брзината на движење е прилагодена на 40 км/ч. Од АМСМ информираат дека сообраќајот на државните патишта се одвива непречено, по претежно суви коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата. Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Во Виничани ученици и наставници од шесто до деветто во изолација поради заболен наставник

Магдалена Андонова — Tue, 03 Nov 2020 14:54:36 +0000

Поради еден заболен наставник во подрачното училиште во село Виничани во Општина Градско, учениците и наставниците од шесто до деветто одделение кои претходно следеа настава со физичко присуство, иако носеле заштитни маски, а заради превенција, веќе една недела се во изолација и настава следат онлајн, информира за МИА, градоначалникот на Општина Градско. Останатите ученици од прво до петто одделение, како и претходно, настава следат со физичко присуство. Бешовски информира дека во Општина Градско редовно секоја недела заседава Општинскиот штаб за заштита и спасување кој ги согледува моменталните состојби и донесува препораки. Тој информира дека во Општина Градско моментално позитивни на Ковид-19 се четири лица од кои еден е на лекување на Инфективно во велешката болница, а останатите се на домашно лекување, додека тројца веќе биле излекувани. Бешовски информира дека Општинскиот штаб редовно им доставува храна и лекови на заболените, кои лежат и се лекуваат дома. ЈКП „Клепа“ од Градско“ редовно врши дезинфеција на јавни површини во Градско и во останатите населени места,како и во јавните институции и училиштата во Општина Градско, информира градоначалникот Бешовски. Најголем дел од граѓаните се совесни и се придржуваат на препораките на Комисијата за заразни болести за носење на заштитни маски и држење на пропишано растојание, е оценка на Општинскиот штаб, информира Бешовски.

виничани – Kurir.mk

Патот од село Виничани до Градско за претстојните празници нема да биде затворен

Во Виничани ученици и наставници од шесто до деветто во изолација поради заболен наставник