виничко – Kurir.mk

Извршил обљуба над малолетничка, уапсен жител на виничко Градец

Тале Кристо — Wed, 12 Oct 2022 14:44:42 +0000

На 11.10.2022, полициски службеници од ОВР Виница го лишиле од слобода В.С.(26) од с.Градец, виничко, поради постоење основи на сомнение дека извршил обљуба над малолетничка. Поднесена е кривична пријава против В.С. до ОЈО Кочани, а од страна на судија на претходна постапка одредена му е мерка притвор во траење од 30 дена и тој е спроведен до Казнено-поправната установа Затвор Куманово.

Пожарот во Виничко локализиран и ставен под контрола

Магдалена Андонова — Fri, 22 Jul 2022 13:52:26 +0000

Центарот за управување со кризи информира дека пожарот што денеска се појави на пладне во месноста Скараница, Виничко, беше за неколку часа изгаснаст од пожарникарите од Виница и дел од месни жители. - Директорот на Центарот за управување, Стојанче Ангелов, беше на лице место на терен при што искажа благодарност и им оддаде признание на пожарникарите за брзата и успешна реакција за локализирање и гаснење на пожарот за неколку веднаш по неговото појавување околу 12.00 часот. Инаку, од огнот беше зафатена површина околу 10 до 15 хектари од мешана шума и трева, а и еден овоштарник со сливи. Дежурна екипа од виничките пожарникари ќе внимава за да не се разгори, стои во нивната објава на Фејсбук.

Приведени двајца дрвокрадци во Виничко

Тале Кристо — Thu, 02 Jun 2022 10:07:35 +0000

Полициски службеници од Полициската станица Виница вчера ги лишиле од слобода А.А.(28) и 17-годишен малолетник, двајцата од виничкото село Градец. На излезот од село Градец, како што соопштија денеска од МВР, во 19:30 часот полициски службеници од ОВР Виница запреле патничко возило „опел фронтера“, без регистарски таблички, управувано од малолетникот, а сопатник бил А.А., кое било натоварено со огревно дрво без соодветна документација. Полициски службеници го одзеле возилото со дрвната маса за понатамошна постапка. Запознаен е јавен обвинител, а увид извршила екипа од ОВР Виница и по целосно документирање на случајот против лицата ќе биде поднесена соодветна кривична пријава.

Трипуновски: Зареди катастрофалните политики на СДСМ, фармери од виничко го преполовиле добитокот

Тале Кристо — Wed, 12 Feb 2020 15:42:02 +0000

Ја посетив фармата на браќата Влатко и Дејан во село Драгобраште, Виница. Заради катастрофалните политики на СДСМ Влатко и Дејан за само две години го преполовиле стадото овци, а доколку се продолжи во иста насока ќе бидат приморани да ја затворат фармата. После победата на ВМРО-ДПМНЕ на 12 април ќе работиме на подобрување на условите и ќе ги мотивираме младите земјоделци и сточари да останат во Македонија и да ги зголемуваат земјоделските површини, стадата и производството!, пишува дополнителниот заменик министер за земјоделие, шумарство и водостопанство. Цветан Трипуновски.