Винициус Жуниор – Kurir.mk

Мбапе, Нејмар, Роналдо, Фердинанд…застанаа зад Винисиус Жуниор: Не си сам…(ФОТО)

Ристе Здравков — Mon, 22 May 2023 10:10:31 +0000

Валенсија издвојува важен триумф во дуелот со Реал Мадрид (1-0), но истиот остана во сенка на случувањата на „Месталја“ кои беа поврзани со Винисис Жуниор. Бразилецот беше навредуван на расна основа од дел од домашните навивачи, мечот одредено време беше во прекин, потоа продолжи, а напаѓачот кој беше нервозен заработи црвен картон по мешаница во која закачи еден домашен фудбалер. При напуштањето на теренот Жуниор провоцираше со што дополнително ја запали атмосферата на пресметката во Валенсија. Ѕвездата на Реал потоа борбата ја продолжи на социјалните мрежи каде доби голема поддршка од асови како Килијан Мбапе, Нејмар, легендарниот Роналдо, Рио Фердинанд… -Не си сам. Ни сме со тебе, те поддржуваме. Доста е веќе, можеш да сметаш на мене во оваа борба, -беа дел од зборовите на луѓето кои застанаа зад офанзивецот.

View this post on Instagram

A post shared by Ronaldo (@ronaldo)

How many times do we need to see this young man subjected to this shit? @LaLiga @UEFA @FIFAcom pic.twitter.com/FsEJUZuvMY
— Rio Ferdinand (@rioferdy5) May 21, 2023

Винициус Жуниор е МВП на Светското клупско првенство

Бошко Тасиќ — Sun, 12 Feb 2023 06:43:37 +0000

Бразилецот Винициус Жуниор е најкорисен играч на Светското клупско првенство, кое вчера заврши во Мароко. Фудбалерот постигна два гола во победата од 5-3 во финалниот натпревар меѓу Реал Мадрид и Ал-Хилал, по што „кралевите“ стигнаа до петтата светска титула, покажувајќи дека знаат да играат финалиња. „Сребрената топка“ за вториот најдобар играч му припадна на Федерико Валверде, исто така од Реал Мадрид, а Лусијано Вието од Ал-Хилал е освојувач на „Бронзената топка“. Реал Мадрид е и носител на фер-плеј признанието, бидејќи во два натпревари доби само еден жолт картон.

Винициус: Хрватска го има Модриќ и нема да биде лесен противник

Бошко Тасиќ — Thu, 08 Dec 2022 10:02:26 +0000

Винициус Жуниор и неговите соиграчи досега немаа големи проблеми на турнирот. Само поразот од Камерун во групната фаза, кој беше небитен, остава црна дамка на нивниот досегашен настап во Катар. „Хрватска беше во финалето во 2018 година. Сигурно нема да биде лесен противник. Покрај тоа, Хрватска го има и освојувачот на „Златната топка“ Лука Модриќ, а тоа додава тежина на нивната репрезентација. Она што сакаме е да го промениме сето она што ни се случуваше негативно на последните неколку Светски првенства. А тоа значи дека сакаме да одиме во полуфинале. Голот е најважниот момент во фудбалот. Кога ќе постигнеме гол на Мундијалот не се радуваме само ние туку и целата наша татковина. Имаме уште многу да славиме. Се надевам дека ќе продолжиме да танцуваме и да играме добро за да одиме до крај. Луѓето сакаат да се жалат кога ги гледаат другите среќни, а ние Бразилците сме секогаш среќни. Затоа и не чуди што најмногу критики се упатени кон нас. Ќе продолжиме да шириме радост бидејќи повеќе луѓе се за нас отколку против нас“, изјави офанзивецот.