винисиус – Kurir.mk

Најмногу прекршоци во европските Топ 5 лиги направени врз Винисиус

Ивона Петрова — Sun, 25 Jun 2023 15:10:51 +0000

Напаѓачот на шпанскиот фудбалски гигант Реал Мадрид, Винисиус, е фудбалерот врз кои се направени најмногу прекршоци во изминатата сезоната во водечките европски лиги. Врз 22-годишниот бразилски репрезентативец биле направени 122 прекршоци, објави денеска порталот „squawka“. На второто место е играчот за врска на римски Лацио, Матија Закањи, врз кои изминатата сезона во Серија А биле направени 117 прекршоци. Следуваат крилниот напаѓач на шпански Рајо Ваљекано, Иси Палазон (104 прекршоци), играчот за врска на француски Монпеље, Теи Савание (97) и португалскиот напаѓач Иво Родригез (95), кој изминатата сезона настапуваше за Фамалкао.

Ла Лига поднесе жалба за расни навреди упатени кон Винисиус

Ивона Петрова — Thu, 09 Mar 2023 16:28:59 +0000

Надлежната комисија на шпанската фудбалска Ла Лига денес поднесе жалба во врска со расизам изразен против Винисиус Жуниор од страна на навивачи на Бетис. Лигата објави дека на натпреварот помеѓу Бетис и Реал Мадрид (0:0) минатиот викенд биле забележани расистички навреди кон крилниот напаѓач. Ла Лига поднесе пријава до судот во Севиља со цел да се идентификува лицето одговорно за навреда на Винисиус и да се примени соодветната казна. Ова е седма пријава на Ла Лига која се однесува на расистички навреди упатени кон Винисиус.

Винисиус: Ла Лига не презема ништо против расизмот

Ивана Ефремовски — Sun, 01 Jan 2023 12:17:07 +0000

Напаѓачот на бразилската фудбалска репрезентација и член на Реал Мадрид, Винисиус, го обвини раководството на шпанската Ла Лига дека не презема ништо по прашањето на расизмот, откако на социјалните мрежи се појавија фотографии на кои се гледа како навивачи го навредуваат и фрлаат предмети за време на натпреварот против Реал Ваљадолид. Бразилскиот напаѓач беше изложен на вербално злоставување на стадионот „Жозе Зориља“ во Ваљадолид додека минуваше покрај домашните навивачи откако беше повлечен од игра во победата на Реал Мадрид од 2-0. Ла Лига објави соопштение осудувајќи ги сите облици на говор на омраза и наведе дека ги следи случаите на расизам на натпреварот. Меѓутоа, Винисиус оцени дека раководството на лигата не презема ништо по прашањето на расизмот. „Расистите и натаму доаѓаат на стадионите и го гледаат најголемиот клуб во светот, а Ла Лига и натаму не работи ништо“, напиша Винисиус на социјалните мрежи. „Ќе продолжам со крената глава да ги славам своите победи“, додаде бразилскиот фудбалер. (МИА)

Го навредуваа фудбалерот на Реал Мадрид, сега е најавено дека ќе бидат изведени пред суд

Бошко Тасиќ — Tue, 20 Sep 2022 05:26:32 +0000

Шпанската фудбалска Ла Лига се огласи и ги осуди овие испади на мечот Атлетико- Реал Мадрид. Ова е нивната изјава: „Ги осудуваме сите инциденти кои се случуваат внатре и надвор од стадионот. Соработуваме со клубовите за да го направиме фудбалот забавен и пријателски.Говорот на омраза нема место во Ла Лига и ќе работиме со властите и клубовите за да ги идентификуваме одговорните и да ги изведеме пред лицето на правдата. Не прифаќаме никакво навредливо однесување кон играчите, каква било форма на расизам“. Објавено е видео од тунелот Метрополитано на кое се гледа како бразилскиот напаѓач ги поздравува сонародниците од Реал Мадрид, но направи потег кој навивачите на Атлетико нема лесно да му го простат. Кога го виде Винисиус како доаѓа кон него, Куња реши да танцува со него, поради што го навлече гневот на навивачите на Атлетико, иако тоа секако не го очекуваше. Многумина го критикуваа што го направил тоа и рекоа дека на тој начин го понижил капитенот Коке, кој има јасен став за танцувањето на Винисиус, но Куња се обиде да најде оправдување по натпреварот.