Винсент Компани – Kurir.mk

По три години без трофеј Компани го напушти Андерлехт

Ивана Ефремовски — Wed, 25 May 2022 19:39:57 +0000

Поранешниот белгиски фудбалски репрезентативец Винсент Компани одлучи да ја напушти клупата на Андерлехт на која седеше во последните три години. Компани дојде во Андерлехт во летото 2019 година од Манчестер сити и во првата сезона имаше двојна улога на играч и тренер, а во следните две сезони се посвети само на тренерската должност. Одлучи да го напушти Андерлехт откако во трите сезони не успеа да освои ниту еден трофеј. Во првата сезона под негово водство Андерлехт заврши дури на осмото место што е најлош пласман во клупската историја. Минатата сезона беше на четвртото место, а сезонава заврши како третопласиран. Андерлехт со 34 национални титули е белгиски рекордер, но клубот од Брисел последен пат беше шампион во 2017 година. Според белгиските медиуми, Компани ќе се врати во Премиер лигата како нов тренер на Барнли. (МИА)

Компани ја заврши кариерата

Ивона Петрова — Mon, 17 Aug 2020 11:06:30 +0000

Белгискиот фудбалер Винсент Компани ја заврши својата играчка кариера. Поранешниот играч на Хамбург и Манчестер Сити ја заврши кариерата на 34-годишна возраст. Тој сега ќе работи како главен тренер на Андерлехт. По 11 години во Манчестер Сити, каде беше капитен осум години, во 2019 година се пресели во Андерлехт. Тој страдаше од повреди една и пол година, па реши да ја заврши кариерата и целосно да се посвети на тренерството. Во својата кариера, тој освои две белгиски титули со Андерлехт, четири Премиер лиги и два ФА и Лига купови со Сити. Тој забележа 85 настапи за Белгија и стигна до третото место на Светскиот куп во Русија.

Таткото на фудбалерот Винсент Компани стана градоначелник

Ивона Петрова — Tue, 16 Oct 2018 07:32:58 +0000

Пјер Компани, таткото на белгискиот фудбалер Винсент Компани, ќе биде првиот белгиски градоначелник од субсахарска Африка во една од бриселските општини, Гансхорен. Пјер Компани се кандидараше на листата на демохристијанска партија ЦДХ и победи со 28 отсто од гласовите во оваа општина во северот на главниот град. Белгиските медиуму неговата победа ја нарекоа историска бидејќи ова е прв пат на чело на една белгиска општина да застане црномурест кандидат. Роден 1947 година во Конго, некогашна белгиска колонија, Пјер Компани започнува со студии ве неговата родна земја, но по крвавите протести против студентите на универзитетот во Кинсаша, тој заминува за Белгија каде седум години живеел како политички бегалец. Во тоа време се запишал на факултет истовремено работејќи како таксист. Освен инженерска диплома набрзо Компани се стекнал и со белгиско државјанство. Фудбалот, вели тој, секогаш била една од неговите пасии, и додава “крушката под крушка паѓа„. Винсент Компани, капитен на Манчестер Сити и неговиот брат, Франсоа, кој исто така игра фудбал, на својот татко му честитаа преку Инстаграм.Една од клучните точки во неговата изборна програма се културниот диверзитет и подобар соживот, во општина и град кои бројат огромен број различни култури и вери.

Компани ја кажа причината за победата над Јапонија

Ивона Петрова — Tue, 03 Jul 2018 08:26:33 +0000

Белгискиот фудбалски репрезентативец Винсент Компани, по драматична победа над Јапонија во натпреварот од осминафиналето на Светското првенство-2018, рече дека успехот е резултат од големата самодоверба што ја има тимот. Белгија синоќа се спаси од пораз, откако по водството на Јапонците со 2:0, постигна три гола и обезбеди четвртфинале. - Покажавме дека сме силни на психолошки план. Тоа е нашата силна страна. Самодовербата не ја изгубивме ниту по негативата од два гола и тоа беше клучно за победата. Јапонците беа упорни во секој дуел. Го играа натпреварот на највисоко ниво. Треба да нагласиме и дека сме добро подготвени на физички план, изјави Компани. Во четвртфиналето Белгија в петок (6 јули) ќе игра со Бразил.

Компани ќе биде подготвен за мечот со Англија

Ивона Петрова — Sun, 17 Jun 2018 10:34:32 +0000

Белгискиот дефанзивец, Винсент Компани можеби ќе биде подготвен да се врати на теренот дури за финалниот натпревар на тимот во групната фаза против Англија, објави селекторот Роберто Мартинез. Централниот дефанзивец на Манчестер Сити доби растегнување за време на контролната на 3-ти јуни против Португалија. Од тогаш, тренерот и играчот се обидуваат да ја добијат битката со времето и да заигра тогаш, кога е подготвен. - Компани ќе биде подготвен за третиот меч во групата со Англија, рече Мартинез на прес-конференцијата во Сочи. Талентираниот тим на Белгија ги почнува битките на Светското првенство против дебитантот Панама, а следат средбите со Тунис на 23-ти јуни и со Англија на 28-ми во групата „Г“. Сепак тренерот има време до недела вечер да го извади Компани од составот и да го испрати дома и да го замени со Лоран Симан, но засега работите изгледаат кон зачувување на капитенот. Аут за првиот дуел е и Томас Вермален, кој не патуваше во Сочи и останува да тренира во Москва за индивидуална програма. - Сакам да го видам тимот да се забавува на ова Светско првенство и исто така фудбалерите да си помагаат едни на други. Тоа е најважно. И ќе видиме до каде ќе стигнеме, додаде Мартинез.