Џонсон го спореди Зеленски со неговиот политички херој Черчил

Магдалена Андонова — Thu, 24 Mar 2022 08:33:11 +0000

Пред да замине на самитот во Брисел, британскиот премиер Борис Џонсон гостуваше во британското радио, каде рече дека рускиот претседател Владимир Путин веќе ја преминал црвената линија. Тој ја коментираше и можноста за воведување санкции за резервите на злато на Русија. – Целиот свет сега знае дека украинскиот народ ќе се бори за својата земја. Тие веруваат во својата земја. Ја сакаат својата земја и ќе ја бранат до крај. Тоа беше нешто што навистина не го знаевме пред еден месец. Сега е целосно јасно. Тоа ја смени геополитиката. Ова значи дека имаме должност да им помогнеме. Имаме должност да им помогнеме да се заштитат себеси и своите најблиски, рече Џонсон. Тој додаде дека Велика Британија повторно ја засилува својата помош и покрај досегашните 4.000 противтенковски оружја, ќе испрати „многу повеќе во следните неколку дена, уште 6.000 проектили и повеќе“. – И она што ќе го кажам денес е дека Путин веќе го премина прагот на варварството во начинот на кој се однесува. Луѓето зборуваат за нови црвени линии за хемиско, биолошко, тактичко нуклеарно оружје или што и да е. За мене црвената линија е веќе помината. Бомбардира, неселективно, цивилни центри. Предизвикува огромен број жртви во сосема невини популации, рече Џонсон и нагласи: Мора да направиме повеќе. Скај њуз го пренесува истото интервју, но истакнува дека Џонсон го споредил украинскиот претседател Володимир Зеленски со неговиот политички херој Винстон Черчил. – Мислам дека претседателот Зеленски се покажа како многу извонреден лидер на својот народ – тој го обедини и беше неговиот глас, рече тој. – Тој знае, како што рече Черчил за себе, дека можеби не бил лав, но ја имаше привилегијата да рика. Украинскиот народ беше лав, а Зеленски ја изрази неговата волја и нивното чувство на пркос, рече Џонсон.

ФОТО: Отпушок од цигара на Черчил на аукција, почетната цена 1.200 фунти

Ивона Петрова — Tue, 11 May 2021 08:44:07 +0000

Отпушок од цигара кој Винстон Черчил го фрлил додека бил на патувања во Париз во 1947 година ќе се најде на аукција во британската куќа „Белманс“. Почетната цена на отпушокот ќе биде 1.200 фунти. Аукцијата ќе биде одржана во период меѓу 28 и 28 јули оваа година. Отпушокот на Черчил го подигнал полицаец кој работел во Скотланд Јард, додека бил на должност. На аукцијата ќе се најдат и пар сатенски папучи кои и припаѓале на кралицата Елизабета. Папучите се направени кон средината на 19 век и имаат златна лента. Стари се околу 2020 години. Нивната почетна цена е 3.000 фунти. -Владее голем интерес за предметите кои припаѓале на познати историски личности, навел Џулија Дин, експерт во аукциската куќа.

винстон черчил – Kurir.mk

Џонсон го спореди Зеленски со неговиот политички херој Черчил

ФОТО: Отпушок од цигара на Черчил на аукција, почетната цена 1.200 фунти