вирџил ван дајк – Kurir.mk

ФА со дополнителна санкција за Ван Дајк

Бошко Тасиќ — Sat, 09 Sep 2023 05:08:34 +0000

Фудбалерот на Ливерпул, Вирџил Ван Дајк доби дополнителна санкција од ФА за неговото однесување на дерби средбата против Њукасл на „Сент Џејмс Парк“. Холанѓанецот заработи црвен картон на тој дуел, одлука која не му се допадна и имаше што да им каже на арбитарот за истата. Тој негов јазик му донесе проблеми и упатените зборови му донесоа дополнителна суспензија, плус парична казна. Тој веќе го скокна мечот со Астон Вила, но сега ќе мора да го пропушти и дуелот со Вулверхемптон закажан за 16 септември и воедно ќе извади од џебот 100.000 фунти. Дефанзивецот ја прифати казната и воедно порача дека веќе им се извинил на судиите за за своето однесување.

Ван Дајк пред добивање на сериозна казна поради кавгата со судијата Брукс

Бошко Тасиќ — Wed, 30 Aug 2023 04:01:00 +0000

Дисциплинската комисија при Англиската фудбалска федерација, поведе постапка против капитенот на Ливерпул, Вирџил Ван Дајк. Холандскиот дефанзивец заработи директен црвен картон на мечот против Њукасл, по што влезе во жесток вербален конфликт со главниот судија. Стоперот направи прекршок врз Александар Исак, а судијата Џон Брукс му го покажа патот кон соблекувалната. Ван Дајк не можеше да се помири со оваа одлука и долго се расправаше со арбитрите, но сепак одлуката не беше променета. „Покрената е дополнителна дисциплинска постапка против Ван Дајк. Тој го прекрши Е3.1 правилото на федерацијата и имаше сериозен вербален конфликт со судиската четворка. Наскоро ќе биде соопштена конечната одлука“, стои во краткото соопштение од дисциплинската комисија.

Ван Дајк и Фирмино се вратија на тренинзите на Ливерпул

Бошко Тасиќ — Fri, 03 Feb 2023 05:57:12 +0000

Фудбалерите на Ливерпул, Вирџил ван Дaјк и Роберто Фирмино, се вратија на тренинзите по повредите. Тоа се добри вести за менаџерот Јирген Клоп, откако оваа недела дозна дека нема да може да смета на Ибрахима Конате во следните неколку седмици. Ван Дајк се опорави од повредата на тетивата која ја доби против Брентфорд минатиот месец, додека Фирмино беше надвор од теренот по паузата од Светското првенство кога заработи повреда на тренинг кампот во Дубаи. Ливерпул в сабота ќе игра против Вулверхемптон, но тешко дека повратниците веднаш ќе се најдат во составот на Клоп.

Се повреди и Ван Дајк

Бошко Тасиќ — Thu, 05 Jan 2023 06:03:46 +0000

Вирџил ван Дајк има незгодна повреда поради која најдобриот дефанзивец на Ливерпул ќе мора да паузира извесно време од терените. Холанѓанецот беше повлечен на полувремето од последното гостување против Брентфорд, Клоп по мечот изјави дека станува збор за мал проблем што не би требало да донесе и долга пауза, но деталните прегледи покажаа нешто сосема поинакво.

„Проблемот е многу посериозен отколку што се мислеше во прв момент. Точната дијагноза ќе биде позната по новите детални прегледи кои се закажани, но јасно е дека Ван Дајк ќе мора да мине извесен период надвор од терените“, изјавија од таборот на Ливерпул.

Фановите на Ливерпул загржени пред финалето од ЛШ, Салах и Ван Дајк повредени

Бошко Тасиќ — Sun, 15 May 2022 06:18:52 +0000

Во финалето на ФА Купот Мохамед Салах поради мускулна повреда излезе уште по 30 минути игра, додека неповолна вест за Клоп беше и тоа што Ван Дајк самостојно побара да запре по истекот на регуларните 90 минути. Холанѓанецот му го отстапи местото на Матип во продолженијата, а по мечот откри дека се повлекол и не сакал да ризикува поради чудно чувство во коленото. – Се надевам дека ќе бидам добро, но ќе го провериме тоа утре. Почувствував нешто во првото полувреме при еден спринт, почувствував треперење во задниот дел од коленото. Решив да продолжам да играм, но на крајот, не сакав да ризикувам. Истовремено, му верувам на Матип и сега останува да се надевам дека ќе бидам добро, – изјави Ван Дајк. – Долго чекавме за овој трофеј во ФА Купот. Двата тима создадоа шанси и ова беше добро финале, но ние го имаме најдобриот голман во светот, – додаде Вирџил.

Клоп: Среќни сме за враќањето на Ван Дајк

Тале Кристо — Fri, 20 Aug 2021 16:14:59 +0000

Тренерот на Ливерпул, Јирген Клоп, ги сподели своите размислувања за враќањето на дефанзивецот Вирџил ван Дајк кој закрепна од повредата. Фудбалерот учествуваше на натпреварот од првото коло во Премиер лигата против Норвич (3:0). – Не бев изненаден. Тој имаше четири и пол недели тренинзи пред почетокот на сезоната. Играше исто како што тренираше, така што ние сме многу среќни што го имаме назад, изјави Клоп за „Би-Би-Си Спорт“. Во сезоната 2020/21, Ван Дајк одигра осум натпревари за „црвените“ и постигна еден гол. Играчот немаше официјален натпревар од октомври 2020 година поради повреда на коленото на натпреварот против Евертон. На 13 август, Холанѓанецот го продолжи договорот со Ливерпул до 2025 година.

Ван Дајк нема да настапи на ЕП за Холандија

Бошко Тасиќ — Wed, 12 May 2021 13:28:37 +0000

Еден од најдобрите дефанзивци на светот во моментот, холандскиот репрезентативец и член на Ливерпул, Вирџил Ван Дајк, објави дека нема да биде дел од следното Европско првенство во фудбал. Тој нема да време да се рехабилитира од тешката повреда на коленото, и ќе биде подготвен да се врати на терен дури на стартот на следната сезона. „Се повредив пред седум месеци и мислам дека не сум подготвен во моментов да се вратам на терен“ – изјави Ван Дајк Како што е добро познато, Холандија е во групата заедно со напата фудбалска репрезентација .

Ливерпул најде замена за Ван Дајк

Магдалена Андонова — Fri, 23 Oct 2020 19:06:50 +0000

Дефанзивецот на Шалке, Озан Кабак, ќе се пресели во Ливерпул во зимскиот преоден рок, пренесува „Sport Media Set“. Според изворот, раководството на англискиот шампион бара замена за Вирџил ван Дијк, кој ги повреди лигаментите на коленото и ќе паузира долго време. За 20-годишен Турчин, Британците се подготвени да платат 30 милиони евра. Оваа сезона во Бундеслигата, Кабак одигра два натпревара. (МИА)

Клоп: Ќе го чекаме Ван Дајк како што добра сопруга го чека својот сопруг кога тој е во затвор

Магдалена Андонова — Mon, 19 Oct 2020 16:23:46 +0000

Само што започна сезоната, а Ливерпул до крајот ќе мора да игра без еден од своите најдобри фудбалери, Вирџил ван Дајк. Главниот играч во дефанзивата на Ливерпул заработи тешка повреда на коленото на дуелот против Евертон и според прогнозите, ќе треба да паузира во следните 7-8 месеци, пренесува Спортманија.мк Тренерот на Ливерпул, Јирген Клоп најави дека ќе му ја дадат цела потребна поддршка на Ван Дајк. -Како фудбалер имав исто таква повреда и знам колку е тешко времето за опоравување. Целиот тим на Ливерпул дава голема поддршка на Ван Дајк. Сите ние сме тука за него и ќе го чекаме како што верна жена го чека својот маж да излезе од затвор. Ќе се обидеме да направиме што е можно полесно да му помине овој период на Вирџил, рече Клоп. Холандскиот дефанзивец има скинати лигаменти на коленото, повреда која е една од потешките во фудбалот. Ван Дајк во минатата сезона беше еден од најзаслужните што Ливерпул по пауза од 30 години ја освои титулата во Премиер лигата.

Специјалист ќе процени колку е лоша повредата на коленото на Ван Дајк

Ивана Ефремовски — Sun, 18 Oct 2020 14:28:56 +0000

Дефанзивецот на Ливерпул, Вирџил ван Дајк се повреди на натпреварот од 5. коло во Премиер лигата против Евертон (2-2). По натпреварот, фудбалерот отиде во болница, каде го сликаа повреденото колено. Тој ја напушти болницата со патерици. Сега Холанѓанецот треба да посети специјалист кој ќе ја процени комплексноста на повредата, пренесува „ESPN“. Претходно беше објавено дека на Ван Дајк му е дијагностицирана руптура на предниот вкрстен лигамент. Обновувањето на играчот ќе трае 7-8 месеци. (МИА)