Виршли – Kurir.mk

Итно се повлекуваат виршлите од познатиот бренд од маркетите, пронајдена бактерија

Ивона Петрова — Thu, 22 Sep 2022 09:10:33 +0000

Врз основа на добиена нотификација за пласиран небезбеден производ на пазарот во Република Северна Македонија, – виршли од брендот Wudy, кај кои вo земја членка на ЕУ, било утврдено присуство на бактерија Listeria мonocytogenes ST 155, како контакт точка на Системот за брзо предупредување за храна и храна за исхрана на животни (RASSF) на Европската унија, Агенцијата за храна и ветеринарство (АХВ), нареди итно повлекување на следниве небезбедни серии од овој производ: Кај компанијата увозник извршен е вонреден инспекциски надзор и утврдено е дека од спорните серии, кои во земјава биле увезени во неколку наврати, во магацините се наоѓаат 3 030 килограми, кои се ставени под службен надзор. Овие количини, нештетно ќе бидат уништени заедно со количините кои ќе бидат повлечени од пазарот. За небезбедниот производ преку RASSF системот на ЕУ известила Италија, која врз основа појавата на труење предизвикано со патогената бактерија Lysteria monocitogenes ST 155 ја креирала наведената нотификација која била поткрепена и со лабораториска анализа. Спорните серии од производителот Agricola Trevalli Soc Coap ARL од Италија во земјава биле увезени преку компанијата Колид С Тим од Колешино Струмица. Се повикуваат потрошувачите кои ги имаат купено посочените серии од производот истите да не ги употребуваат, односно, да ги вратат на местото каде се купени. Секоја недоследност во однос на безбедноста на храната граѓаните можат да ја пријават лично до Одделението за заштита на потрошувачите при АХВ, на бесплатната телефонска линија наменета за потрошувачите 0800 3 22 22, или електронски на [email protected].

Омилениот пекарски производ сега може да го направите дома: Ролована кифла со виршла од готови кори – децата ќе ја обожаваат (ВИДЕО)

Магдалена Андонова — Wed, 20 Jul 2022 13:24:26 +0000

Потребно е: 500 гр готови средни кори 250 гр сирење 50 мл јогурт 2 јајца 2 лажици масло 1 прашок за пециво 250 гр виршли (нема потреба од готвење) масло Подготовка: Издробете го сирењето со вилушка, додадете јајца, масло, јогурт и прашок за пециво. Се убаво измешајте.Првата кора ставете ја на маса, па премачкајте ја со масло, врз неа додајте ја втората кора и премачкајте ја. Ставете 3 полни лажици фил. Врз филот ставете 2 виршли и покријте ги со филот. Преклопете ги рабовите и роловајте ги. Се редат во подмачкан плех. Исечете ги на саканата должина, премачкајте ги со масло и по желба посипете ги со сусам. Печете на 200 степени околу 40-45 минути додека убаво порумени. Послужете топло.

Често е на намаление, па ја купуваме – оваа намирница многумина ја јадат, а полна е со отрови

Ивана Ефремовски — Sun, 20 Dec 2020 11:26:56 +0000

Ова е намирницата која често во маркетите може да ја видиме на намаление, а ретко кој би ви кажал дека е штетна за човековиот организам и дека веднаш треба да ја исфрлите од вашата исхрана. Иако знаеме дека истата може да биде многу вкусна сепак експертите се согласни дека таа е полна со отрови, хормони, фекални материи, пестициди и антибиотици. За оние кои не знаат – виршлите се прават од отпадот на животинските органи, р’скавици, коски, црева, нерви и други делови на органите. По деталните истражувања кои биле правени врз основа на поврзаноста на оваа храна и настанувањето на канцерот, резултатите биле поразувачки. Составот на виршлите е над 50 отсто отров. Светскиот фонд за истражување на канцер навел дека луѓето веднаш треба да ја исфрлат оваа месна, преработена намирница од исхраната и тоа што поскоро доколку сакаат да го сочуваат своето здравје. Освен виршлите, на оваа листа на пестициди се наоѓаат и колбасите, саламата, паштетата и останатите фабрички спакувани месни задоволства.