Виртус Болоња – Kurir.mk

Откриен тумор кај кошаркарот на Виртус Болоња

Бошко Тасиќ — Tue, 10 Oct 2023 04:10:38 +0000

Лоши вести стигнуваат од таборот на евролигашот Виртус Болоња. На италијанскиот кошаркар Ахиле Полонара му бил откриен тумор на тестисите и тој ќе мора да замине на итна операција. Информацијата ја соопшти управата на клубот и му посака брзо опоравување на нивниот играч. Полонара летово пристигна во Болоња од редовите на Жалгирис и требаше да биде солидно засилување за италијанскиот тим. Ахиле Полонара е репрезентативец на Италија, а со Виртус Болоња веќе успеа да освои еден трофеј, оној од домашниот Суперкуп. 31-годишниот крилен центар во кариерата настапуваше уште за Терамо, Варезе, Реџана, Динамо Сасари, Басконија, Фенербахче, Анадолу Ефес и Жалгирис.

Серџо Скариоло ќе го тужи Виртус за клевета

Бошко Тасиќ — Thu, 21 Sep 2023 04:18:36 +0000

Италијанскиот тренер Серхио Скариоло најави дека ќе го тужи Виртус Болоња, кој му даде отказ пред првиот натпревар во новата сезона. Сопственикот на Виртус, Масимо Занети го критикуваше Скариоло неколку дена по отказот. „Кога Скариоло одеше на состаноци со Торонто и Реал Мадрид, тој нè сметаше за клуб од втора класа“, кажа Занети. Оваа изјава го навреди Скариоло, кој кажа дека никогаш немал состанок со управата на „кралевите“ и затоа ќе го тужи Виртус за клевета.

Виртус Болоња го отпушти Серџо Скариоло

Бошко Тасиќ — Fri, 15 Sep 2023 16:54:55 +0000

Италијанскиот кошаркарски стратег Виртус Болоња неочекувано му врачи отказ на искусниот и трофеен стратег, Серџо Скариоло. Скариоло од 2021 година беше на оваа функција и се пчекуваше да го води тимот и во престојнава кампања, ама на управата на клубот не и се допадна изјавата на тренерот дадена пред неколку дена во која истакна дека тимот не е толку силен како минатата кампања, поточно стави знак прашалник за целите кои можат да се остварат. Ова не беше добро прифатено, па Виртус Болоња реши да се ослободи од предводникот на шпанската репрезентација. Според информациите неговото место најверојатно ќе го заземе Лука Бјанки кој имаше фантастични резултати со Латвија на штотуку завршениот Мундобаскет.

Брајант Данстон потпиша за Виртус Болоња

Бошко Тасиќ — Sat, 26 Aug 2023 05:20:36 +0000

Брајант Данстон од следната сезона ќе го носи дресот на италијанскиот вицешампион Виртус Болоња. 37-годишниот Данстон доаѓа во редовите на Виртус од Анадолу Ефес, клуб со кој двапати ја освои Евролигата. Тој е еден од најдобрите дефанзивни центри во последната деценија и на својата генерација, а ги освои и наградите за најдобар одбранбен играч на Евролигата во 2014 и 2015 година. .

Џејлен Смит потпиша со Виртус Болоња

Бошко Тасиќ — Fri, 21 Jul 2023 04:19:50 +0000

Кошаркарскиот клуб Виртус Болоња ја заврши потрагата по наследник на Милош Теодосиќ, откако потпиша договор со Џејлен Смит, американскиот плејмејкер кој настапува за хрватската репрезентација. Станува збор за играч кој доаѓа од редовите на Алба, каде ланската сезона беше меѓу најдобрите поединци во германскиот клуб. Смит имаше просек од 12 поени и 2,5 асистенции во Евролигата, но поради слабите резултати на тимот мораше да си замине заедно со уште неколку стандардни првотимци (Сикма во Олимпијакос, Блат во Макаби. Тој е најновото засилување на италијанскиот вицешампион, кој претходно ги доведе и Полонара, Добриќ, Дакук и Консолини.

Виртус Болоња без Милош Теодосиќ две недели

Бошко Тасиќ — Tue, 21 Mar 2023 06:14:32 +0000

Кошаркарскиот клуб Виртус Болоња ќе биде две недели без српскиот кошаркар Милош Теодосиќ кој се повреди и нема да настапи за оваа екипа во овој временски интервал. Според информациите од Италија , Теодосиќ ќе ги пропушти наредните три натпревари на неговиот тим во Евролигата против Реал Мадрид, Макаби од Тел Авив и Ефес Анадолу како и неколку средби во италијанскиот кошаркарски шампионат. Оваа сезона популарниот Тео за екипата од Болоња во просек на паркетот бележеше по 19 минути каде реализираше по 10.3 поени и 6 асистенции по натпревар,

Евролигата направи лапсус, па бришеше „фантомски поени“ по крај на меч

Бошко Тасиќ — Sat, 29 Oct 2022 04:48:48 +0000

Челниците на кошаркарската Евролига ја признаа грешката и мораа да го менуваат резултатот на натпреварот меѓу Реал Мадрид и Виртус Болоња. Тимот од Болоња победи, но имаше еден лапсус на статистичарите. Реал имаше напад во последната четвртина при 66-80, а при загубена топка на Џанан Муса, на контото на „кралевите“ се додаде еден поен и стоеше дека Босанецот погодил слободно фрлање. Мечот заврши 92-95 за гостинот од Италија, но по прегледувањето на снимката, Евролигата го коригира финалниот резултат и сега тој е 91-95. Реал Мадрид по пет одиграни кола има скор 2-3, слично е и со Виртус кој ја забележа втората победа во натпреварувањето.

Серж Ибака ќе игра во Евролигата

Бошко Тасиќ — Sun, 12 Jun 2022 08:15:13 +0000

Италијанската Виртус Болоња следната сезона по долга пауза ќе се врати во кошаркарската Евролига. Како што пренесуваат италијанските медиуми, клубот од Болоња е подготвен за НБА ѕвездата Серж Ибака. Ибака минатата сезона ја помина во Лос Анџелес Лејкерс и Милвоки Бакс, но сега е слободен играч. Во дресот на Милвоки просечно бележеше по 5,7 поени со 4,4 скока. Пред Бакс и Клиперс, Ибака настапуваше и за „франшизите“ на Торонто, Орландо и Оклахома Сити, а со тимот од Канада успеа да стигне и до титулата во НБА лигата.

Виртус Болоња го освои кошаркарскиот Еврокуп и се пласира во Евролигата

Бошко Тасиќ — Wed, 11 May 2022 20:53:35 +0000

Кошаркарите на Виртус од Болоња го освоија овогодинешото издание на кошаркарскиот Еврокуп откако во финалето го совладаа тимот на Бурсаспор која оваа година беше сезнзација во оваа натпреварување. Во финалниот меч италијанскиот тим победи со 80-67 и со овој триумф обезбедија воедно и директен пламан во кошаркарската Евролига. Најзаслужен во победата беше српскиот репрезентативец Милош Теодосиќ кој постигна 21 поен.

Шенгелија потпиша за Виртус Болоња

Бошко Тасиќ — Mon, 07 Mar 2022 21:55:44 +0000

Грузијскиот искусен кошаркар Торнике Шенгелија е нов играч на Виртус Болоња. По стартот на воениот конфликт, Шенгелија како и многумина, ја напушти руската ЦСКА Москва. Искусниот кошаркар играше сезонава и во Евролигата, а бележеше просек од 12,7 поени, со 4,7 скока и 2,5 асистенции. Во својата кариера Шенгелија настапуваше за Валенсија, Шарлоа, Вервиер, Бруклин Нетс, Чикаго Булс и ЦСКА Москва