Прв случај на пациент со тројна вирусна инфекција во Романија

Ивона Петрова — Thu, 12 Jan 2023 06:38:06 +0000

Во Романија е регистриран прв случај на пациент со тројна вирусна инфекција – САРС-КоВ-2, грип и респираторен вирус. Станува збор за 58-годишен маж, хоспитализиран во болницата за инфективни болести во Јаши. Заболениот има пропратни заболувања како хипертензија, дијабетес тип 2, патолошка дебелина, што значи значително намалување на неговиот имунитет, информираат од медицинската установа. Во меѓувреме, министерот за здравство Александру Рафила рече дека нема да бидат воведени никакви ограничувања во Романија во контекст на новиот бран коронавирус од Кина.

Вирусна инфекција утврдена кај децата од Гевгелија

Ивона Петрова — Sat, 10 Jul 2021 13:43:21 +0000

Обична вирусна инфекција е утврдена по деталните анализи кај децата од Гевгелија кои појавија респираторни заболувања, истакна денеска министерот за здравство Венко Филипче. -Сакавме да потврдиме, односно да исклучиме е дали има некаква врска со ковид, затоа кај сите деца се направи серолошка анализа на крвта за да се види дали евентуално имаат антитела, односно дали изминатава година го поминале ковидот, асипмтоматски, тоа не е случај, ниту едно дете нема антитела за прележан на Ковид, истакна денеска Филипче. Покрај Гевгелија, појава на слични респираторни заболувања кај децата има и во Скопје, кои што се регистрирани во детската клиника во Козле, информираше министерот, кој што лоцираше на што се должи тоа што десетици деца наеднаш пројавија вакви симптоми. -Очигледно е сега дека имуниот систем на некој начин проработува поради тоа што подолго време биле изолирани, и сега доаѓаат децата како што се раздвижуваат, во контакт со предизвикувачи и на тој начин реагира имуниот систем, значи нема некој простор за паника, посочи министерот.

Вирусна инфекција – Kurir.mk

Прв случај на пациент со тројна вирусна инфекција во Романија

Вирусна инфекција утврдена кај децата од Гевгелија