вирусолог – Kurir.mk

Германски вирусолог со ново предупредување

Ивона Петрова — Mon, 08 Mar 2021 09:46:50 +0000

Главниот виролог на универзитетската клиника Хајделберг, Ханс-Георг Кројслих предупредува на опасност од создавање нови мутации на коронавирусот, посебно во периодот меѓу примањето на двете дози од вакцината против Ковид-19. – Загрижувачки е доколку во следните недели се случи голем број луѓе по примањето на првата вакцина да имаат нецелосна заштита и истовремено да се појават повеќе зарази. Тоа би било жариште за нови мутации, кои можат да ги заобиколат ефектите на вакцината, истакна Кројслих за весникот „Рајн Некар Цајтунг“. Тој нагласи дека кај делумниот имунитет можат да се создадат резистентни варијанти на вирусот. – Ако се инфицираат голем број луѓе, кои се уште немаат целосен имунитет, тогаш се зголемува веројатноста за појава на нови мутации, додаде германскиот виролог.

Францускиот вирусологот тврди дека Ковид-19 настанал во лабораторија

Ивона Петрова — Sat, 18 Apr 2020 09:03:31 +0000

Францускиот вирусолог, добитник на Нобеловата награда за физиологија и медицина во 2008 година за изолирањето на вирусот на ХИВ, Лук Монтањие, тврди дека Ковид-19 нема природно потекло и дека е создаден во лабораторија. -Дојдовме до заклучок дека е дојдено до манипулација со овој вирус, рече Монтањие во интервју за француската телевизија „Си-њуз“( C-News). -Вирусот нема природно потекло, тој е дело на молекуларен биолог. Не е познато со која цел е тоа направено, Мојата работа е изнесување факти, јас никого не обвинувам и не знам кој тоа го направил и зошто. Можно е да сакале да произведат вакцина против вирусот на ХИВ, претпоставува нобеловецот. Франција вчера, преку кабинетот на претседателот Емануел Макрон, соопшти дека засега нема докази за поврзаност меѓу новиот коронавирус и работата на истражувачката лабораторија П4 во кинескиот град Вухан. – Сакаме да разјасниме дека до денеска нема докази што би ги поткрепиле информациите што неодамна беа објавени во печатот во САД, а кои го поврзуваат потеклото на Ковид-19 со работата на лабораторијата П4 во Вухан, Кина, соопшти кабинетот на францускиот претседател.

Дали „коктелот“ против коронавирусот ќе му донесе светска слава или крај на кариерата на овој „арогантен“ вирусолог?

Тале Кристо — Tue, 24 Mar 2020 18:53:05 +0000

Човекот кој прв ја тестираше комбинацијата хидроксиклороквин – азитромицин, професорот Дидие Раул од Марсеј, за две недели би можел да знае дали ќе биде овенчан со светска слава или ќе биде отфрлен од научната заедница како арогантен и заблуден научник. Во рок од две седмици би можеле да знаеме дали професорот Дидие Раул, францускиот вирусолог кој раководи со Медитеранскиот институт за заразни и тропски болести во Марсеј, ќе биде зпишан во историјата како човекот кој го спаси светот од Ковид-19, или ќе биде отфрлен како арогантен, заблуден научник, кој шири лажни надежи, пишува „Ајриш Тајмс“. Професорот Раул е човекот кој администрирал коктел со хидроксиклороквин, помалку токсичен дериват на хлороквин, лек што се користи за лекување на маларија, лупус и ревматиден артритис, и азитромицин (кај нас познат како „сумамед“), антибиотик што се користи против бактериска пневмонија, на 24 пациенти заразени со Ковид-19. Резултатите од ова тестирање професорот Дидиер Раул ги објави на 16 март. По примањето на доза од 600 милиграми „плакенвил“ (едно од комерцијалните имиња на хидроксиклороквинот) и 250 милиграми азитромицин во текот на шест дена, три четвртини од пациентите биле тестирани негативни на вирусот, додека 90 отсто од оние во контролната група останале позитивни. Со најавата на американскиот претседател Доналд Трамп и на гунернерот на државата Њујорк Ендрју Куомо, дека овој коктел од денеска (вторник, 24 март) ќе се користи за лекување на пациенти во САД, стасуваат и предупредувања никој ништо да не презема во паника и на своја рака. Така, регистриран е и еден смртен случај во САД, поради самоволно користење на хлороквин фосфат, адитив кој вообичаено се користи за чистење на аквариумите за риби. Во Феникс, еден маж починал, а неговата сопруга е во критична состојба, откако на своја рака го употребиле „чудотворниот лек“ без лакарска контрола.