Висар Ганиу – Kurir.mk

МВР бара поведување на прекршочна постапка против Ганиу и Касами и општините Чаир и Тетово

Ивона Петрова — Tue, 15 Aug 2023 15:00:49 +0000

Министерството за внатрешни работи, поточно Одделот за криминалистичка полиција, Сектор за општ и насилен криминал, во координација со Секторите за внатрешни работи Скопје и Тетово денеска до надлежните Основни судови поднесе барања за поведување на прекршочна постапка против правните лица Општина Чаир и Општина Тетово и одговорните лица во овие правни лица, градоначалниците на овие општини В.Г. и Б.К. -Имено, за време на официјалната посета на косовската делегација на нашата држава, предводена од претседателот на Владата на Република Косово, г.Албин Курти, при организираниот пречек на 11.08.2023 на ул.„Ферид Мурати“ во Скопје и на Градскиот плоштад во Тетово, не е постапено согласно Законот за употреба на грбот, знамето и химната на Република Северна Македонија. Односно за време на манифестациите организирани по тој повод не е интонирана државната химна и не е поставено државното знаме на Република Северна Македонија, со што е сторен прекршок по чл.30 од истиот закон, информира МВР. МВР продолжува со потрага по лицето кое на една од манифестациите вееше знаме на голема Албанија и по негово пронаоѓање против него ќе биде поднесена соодветна кривична пријава.

Ганиу: Во Чаир има 8.000 дивоградби и ако се усвои законот ќе има повеќе

Ивана Ефремовски — Thu, 20 May 2021 08:56:48 +0000

Градоначалникот на Чаир, Висар Ганиу во изјава за ТВ21 вели дека во општината веќе имаат повеќе од осум илјади апликации за легализација на објекти и дека бројката ќе биде многу поголема ако помине законот за легализација на бесправно изградените објекти. -Има над 8.000 апликации. Над 65% ги имаме решено како предмети. Сега со новиот закон доколку се усвои, сигурно ќе очекуваме нови апликации. Не можеме да прејудицираме колкав ќе биде бројот. Што се однесува до дивоградбите од различен тип, евидентирани се 41 тип и ние почнавме постапка за тие објекти“, вели Ганиу.

Градоначалникот на Чаир “распали“ по Петре Шилегов

Ивана Ефремовски — Mon, 08 Jun 2020 20:35:22 +0000

Сведоци сме на фактот дека колку повеќе се приближуваме до избори толку незрели стануваат изјавите на политичките експоненти. Последно, една таква изјава даде градоначалникот на Град Скопје, Петре Шилегов кој на инаугурацијата на кружниот тек во близина на поликлиниката во Чаир, кажа дека Општина Чаир нема инвестирано воопшто за изградбата на овој кружен тек, реагира градоначалникот на општина Чаир, Висар Ганиу. Неговата реакција ја пренесуваме во целост: Како одговор спрема наведената институција и за пошироката јавност која верува во великодушноста на г-дин Шилегов и не во фактот дека овој проект се реализираше со парите на граѓаните на Чаир, ви ја проследуваме оваа РЕАКЦИЈА, реферирајќи за вистината преку докази и факти бидејќи недокажаниот збор за нас не претставува вистина! Почитуван градоначалник на Град Скопје, ве потсетуваме дека Општина Чаир преку даноци и придонеси на граѓаните го има наполнето буџетот на институцијата која ја водите со вкупно 1.864.901,00 евра во 2018 година, со 2.533.409,00 евра во 2019 година и до мај во оваа година со околу 585.015,00 евра. Па така, каква е таа раскажана сторија од ваша страна денес дека Општина Чаир го нема финансирано овој проект, па дури и се чудите со нашиот искажан ентузијазам за кружниот тек во Чаир, кој проект иако беше предвиден да заврши со буџетот од првата година на вашето владеење, денес доаѓа задоцнет после три години па затоа дури и се чувствувате горди. Почитуван градоначалник на Градот, ексклузивноста на заслугата за ова и секој друг проект им припаѓа само на граѓаните на оваа држава, како редовни даночни обврзници. Ние ја разбираме вашата вознемиреност на прагот на предизборната кампања, меѓутоа да останете со крената глава пред фактите кои ве прават ДОЛЖНИК кон граѓаните и Општина Чаир, е навистина за жалење! Ве потсетуваме дека и покрај нашите настојувања и барања за реализација на повеќе проекти, сте се покажале незаинтересиран, почнувајќи ги истите па потоа игнорирајќи ги, а овој факт највеќе зборува за вашиот концепт "Едно општество за сите" позади кој претендирате дека сте ангажирани. Пофалбата со овој проект кој ја опфаќа и Општината Бутел, покажува дека реализираните проекти во Чаир од ваша страна недостасуваат! За крај и коректност, Ви сугерираме да го прочитате, Законот за Град Скопје за начинот на финансирање и финансиските извори, како и заедничкиот фонд ма Градот Скопје и општините во рамките на Градот. ЗНАЧИ ОСТАНУВАМЕ ПОСВЕТЕНИ ДО КРАЈ за тие 5 милиони евра на граѓаните на Чаир да се претворат во КОНКРЕТНИ КАПИТАЛНИ ИНВЕСТИЦИИ, бидејќи игнорираната ваша обврска не претставува причина за вие да бидете горди!

Градоначаникот на Чаир позитивен на Ковид-19: Чувствувам жалење за сите вас со кои сум имал контакт

Дарко Андоновски — Tue, 02 Jun 2020 14:26:37 +0000

Градоначалникот на Општина Чаир Висар Ганиу на својот Фејсбук профил објави дека е позитивен на Ковид-19. – По извршениот тест вчера за можноста на заразен со Ковид-19, ве информирам дека резултатот е позитивен. Чувствувам жалење за сите вас со кои сум имал контакт. Заедно ќе го надминеме и ова!, напиша Ганиу. Тој апелира до граѓаните за внимание и почитување на заштитни мерки и препораките.

Ганиу: Состојбата со коронавирусот е сè уште проблематична!

Ивана Ефремовски — Fri, 29 May 2020 11:54:17 +0000

Градоначалникот на Чаир, Висар Ганиу, апелираше до своите сограѓани за поголема грижа и трпеливост, со цел да се надмине состојбата со вирусот корона што е можно побрзо. Тој рече дека сме сведоци дека ситуацијата продолжува да биде проблематична, затоа побара да се продолжи со носење маски, физичко растојание, миење и континуирана дезинфекција на рацете. - Јас сум свесен за изгубеното трпение и желбата да се вратиме во нормала, но ризикот сепак постои и можноста за заразување од вирусот е сè уште голема. Затоа да бидеме добар пример за овој настан, а не обратно. Да се придржуваме до потребните мерки за вирусот до завршување на оваа ситуацијата, рече Ганиу, пренесе ЛајмПрес.

Градоначалникот на Чаир тврди дека со градежните работи не се сменила автентичноста на чаршијата

Ивана Ефремовски — Tue, 14 Apr 2020 12:20:51 +0000

Градежните активности во Старата Скопска Чаршија не се во насока да се измени автентичноста на чаршијата, туку да се замени оштетениот камен травертин со ист таков камен, да се задржи автентичноста и да се создадат подобри услови и за занаетчиите и за туристите, изјави градоначалникот на Општина Чаир, Висар Ганиу по низата реакции во јавноста. Тој денеска во изјава за медиумите нагласи дека за реализација на проектот ги имаат добиено сите потребни дозволи од надлежните институции меѓу кои и од Управата за заштита на културното наследство која врши надзор врз целиот процес. Проектот е финансиран од Светска банка со грант во износ од околу 600 илјади евра. – За содржината на проектот, кој го започнавме во декември 2019 година, како и за динамиката и неговите фази, во континуитет ја имаме известено јавноста. Овој проект за санација и зачувување на автентичниот изглед на Старата Скопска Чаршија предвидува поставување на камен со ист материјал како и претходниот травертин на површина од 1.800 метри квадратни, дозволен според извештајот на лабораториската анализа за исполнување на условите, истакна Ганиу. Потребата од имплементација на проектот, како што рече, произлегува од оштетувањето на улиците во чаршијата во изминатиот период. – Камењата травертин што сега се вадат, не се продаваат како што некој сака тоа да го прикаже. Тие се собираат и складираат и во следниот период ќе ги класифицираме и ќе ги употребиме на улицата „Самарџиска“ во Чаршија, рече Ганиу. Проектот опфаќа и реставрација на 75 дуќани и унифицирање на излозите, поставување на натписи и тенди на објектите, целосна сигнализација на чаршијата…. – Целта не е да се направи измена на автентичноста на инфраструктурата на Старата Скопска Чаршија како што се стреми тоа да се прикаже во некои портали кои тенденциозно објавуваат информации без да ја набљудуваат содржината на проектот, рече Ганиу. (МИА)

Граѓаните револтирани: Додека Скопје е затворено со полициски час, кој ни ја уништи Чаршијата? (ФОТО)

Ивана Ефремовски — Tue, 14 Apr 2020 09:25:12 +0000

Револтот кај граѓаните беше разбуден од фотографиите кои вчера осамнаа на социјалните мрежи од раскопана Стара скопска чаршија. Ова место кое е срцето на градот, симбол за вековна традиција, стана жртва на Град Скопје и општина Чаир, односно на одлуките на градоначалниците Петре Шилегов и Висар Ганиу. Уништувањето на чаршијата се случи подмолно, за време на полициски час, додека скопјани мораат да седат затворени, дома. Вонредната состојба и полицискиот час прогласени поради епидемијата од коронавирус, некому многу добро му дојдоа. Ова се само мал дел од коментарите кои граѓаните ги пишуваат на социјалните мрежи:

Групата на Бекир Асани го претепа градоначалникот на Чаир, Висар Ганиу

Даниел Василев — Mon, 30 Apr 2018 08:36:10 +0000

Градоначалникот на скопската општина Чаир, Висар Ганиу, беше претепан од страна на бандите на ДУИ и различните фракции во оваа општинска организација, барајќи од него да молчи и да не се даде било каква изјава на органите на полицијата, пишува порталот на албански јазик „КумановаПресс“, повикувајќи се на сопствени неименувани извори. Порталот, цитирајќи информации од извор од општината Чаир, кој инсистирал на анонимност, пишува дека нетрпеливоста која долго време се забележува во рамките на структурите на ДУИ, особено во чаирскиот огранок, испливала на порвшина со тоа што група неидентификувани лица, припадници на една од фракциите во Чаир, го претепаа градоначалникот влечејќи го низ ходниците на општината зграда. Според некои информации, кои доаѓаат од извори во рамките на структурите на ДУИ во Чаир, групата на Бекир Асани лично го истепала градоначалникот на Чаир, Висар Ганиу. Неофицијалните информации, според порталот, велат дека се зборува дека ова го принудило Ганиу да се повлече и да поднесе оставка од позицијата градоначалник на Чаир. Ситуацијата која преовладува во општината меѓу бандите во Чаир е алармантна, се наведува дека ова е цената по „победата“, со која се соочува со „доброто“ момче на Чаир – ова е цената која тој сега ја плаќа, да биде претепан од страна на неговите партиски пријатели, поради тоа што не потпишал тендерска документација. Задолжените за тендери во ДУИ, заедно со партиските банди, бараат од доброто момче на општината – значи Висар Ганиу, тој да биде послушен на сите фракции во рамките на ДУИ на чаирскиот огранок – исполнувајќи ги сите барања на секоја партиска група. Тоталната тишината која преовладува во рамките на општината, подразбира дека дека „доброто момче“ на Беќо е претепан токму од неговиот шеф – Бекир Асани, бидејќи не ги слушал зборовите на Беќо и тоа го принуди Висар да понуди оставка. Досега, ниту еден од чаирскиот огранок на ДУИ се нема изјаснето за овој настан, а оваа тишина подразбира дека нешто се случило, додека сите функцинери на оваа партија молчат, од „КумановоПресс“ прашуваат по Ганиу, чиј е редот за ќотек?