висар муслиу – Kurir.mk

Муслиу: Против Италија за радост на нашите навивачи

Бошко Тасиќ — Tue, 05 Sep 2023 17:32:44 +0000

Македонската фудбалска репрезентација во сабота ја пречекува Италија во квалификациски меч. Овој дуел доаѓа по двата порази од Украина и Англија. во рамките на квалификациите за пласман на ЕП. Сакаме да се покажеме во колку што е можно подобро светло. Да се покажеме дека сме подобро подготвени физички, технички, тактички за разлика од претходните натпревари. Да го покажеме тоа на терен“, вели Муслиу. „Италија има свои планови, ние имаме наши. Страв нормално дека нема да има, не играме првпат против Европскиот шампион, треба само да се придржуваме до нашиот план. Сега почнуваме од нула, треба што побрзо да ги заборавиме претходните два натпревари. Повеќе боли мечот со Украина отколку тој со Англија. Но сето тоа е заборавено од нас и гледаме само напред“ - завтши во својата изјава Муслиу.

Муслиу: Играме дома против директен конкурент, размислуваме само на – победа

Бошко Тасиќ — Sun, 11 Jun 2023 04:52:37 +0000

Македонија последен пат играше со Украина на Еуро 2020 кога загубивме со 1-2, кога селектор беше Андриј Шевченко, а сега од пред три дена нова легенда седна на кормилото Сергеј Ребров, со најголем дел исти фудбалери и само придодаден најскапиот Украинец, Михајло Мудрик. „Сеекогаш кога ќе се собереме за репрезентацијата, чувството е многу добро, знаеме какви момци сме и секој сака да биде тука. Имаме атмосфера која е позитивна, која секогаш била и секогаш ќе биде, а сѐ на крај треба да го заокружиме со добри резултати. За нас позитивен резултат со Украина, која е прв противник и само на неа размислуваме зашто одиме од меч во меч е победа. Кога играте дома и против директен конкурент, секогаш размислувате само на победа, за нас тоа е позитивен резултат“, вели Муслиу, па додаде „Разликата од Украина на ЕП и сега е прво новиот селектор, но и натпреварувањето. Едно е Европско, други се квалификации, други се калкулациите, но пак ќе кажам, играме дома и не размислуваме на друг резултат“.

Висар Муслиу ќе биде подготвен за натпреварите со Украина и Англија

Бошко Тасиќ — Sun, 21 May 2023 05:18:49 +0000

Maкедонскиот фудбалски репрезентативец Висар Муслиу по паузата која траеше месец ипол се врати на терените во дресот на својот тим. Муслиу настапи за Инглоштад на гости против Ое, во натпреварот во кој неговиот тим стигна до победата. Фудбаларот од одбраната во изминатиот период отсуствуваше од терените поради повреда која ја заработи во настапот за Македонија против Малта. Поради таа повреда Муслиу го пропушти пријателскиот натпревар против Фарски Острови. Со победата Инглоштад и дефинитивно избега од опасната зона и на едно коло пред крајот се наоѓа на 11-то место со 47 бодови ов третата германска лига. Враќањето на Муслиу е добра вест за селекторот Благоја Милевски кој ќе може да смета на него во јунскиот циклус квалификации во кој ќе играме против Украина дома и Англија на гости.

Нова проблеми за Милевски – се повреди и Муслиу

Бошко Тасиќ — Sat, 12 Nov 2022 15:48:13 +0000

Проблеми за македонската фудбалска репрезентација и селекторот Благоја Милевски, кој откако направи две промени од првиот список, денеска се повреди и еден од главните стопери – Висар Муслиу од германски Инглштад. Муслиу се повреди по 20 минути игра на мечот за Инглштад на гостувањето во Дуизбург, по што мораше да биде заменет, но останува засега мистерија за колку тешка повреда станува збор, но многу поизвесно е дека и тој нема да игра против Финска и Азербејџан. Александар Трајковски и Милан Ристовски во изминатите два дена откажаа пореди повреди, па денеска Доријан Бабунски доби нов повик, а деби повик има за Мартин Мирчевски од ТСЦ Бачка Топола.Претходно Аријан Адеми откаа поради повреда на задната ложа, а од претходно повредени се Дарко Чурлинов, Тихомир Костадинов и Дејан Илиев.

Македонската селекција утре точно напладне ќе го има собирот за двете контролки со Финска на 17 ноември од 18 часот и со Азербејџан на 20 ноември од 14 часот.

Муслиу повторно во идеалниот тим во третата германска лига

Бошко Тасиќ — Sat, 22 Oct 2022 04:10:32 +0000

По вторпат во три кола македонскиот репрезентативец Висар Муслиу се најде во идеалниот тим во германската 3. лига. Муслиу доби место во тимот во избор на реномираниот „Кикерс“. Од почетокот на сезоната Муслиу игра одлично за својот тим, а претходно се најде во тимот на колото кога неговиот тим одигра 0:0 против Цвикау пред две кола. Во ова коло Инглоштад славеше со 3:1 против Мепен. Инглоштад има амбиции за експресно враќање во вториот ранг на германскиот фудбал, а во овој момент се наоѓа на четвртото место со 22 освоени бодови. Треба да се спомене дека Инглоштад ја има најдобрата одбрана во тимот со девет примени гола.

Муслиу се најде во идеалниот тим на колото во изборот на „Кикер“

Ристе Здравков — Tue, 05 Apr 2022 06:07:19 +0000

Македонскиот репрезентативец, Висар Муслиу се најде во идеалниот тим на колото во втората германска Бундеслигата во изборот на реномираниот „Кикер“. Стоперот одигра фантастичен меч за Инголшад во пресметката со Оје, средба на која неговиот тим забележа победа од 3-2, а во која тој успеа да се запише и во листата на стрелци во 28 минута. Сето ова придонесе Висар за добие признание е „Кикер“, медиум кој важи за еден од најдобрите, најпознатите во Германија. Инаку Муслиу игра за Инголштад од оваа календарска година и на осум натпревари има дадено еден гол и заработено еден жолт картон.

Муслиу: Мечот со Португалија е нашата животна шанса

Бошко Тасиќ — Sat, 26 Mar 2022 17:47:55 +0000

Еден од најдобрите на мечот против Италија дефанзивецот Висар Муслиу. Столбот пред историскиот меч со Португалија изјави: „Секако е дека емоциите за Италија се завршени. Сега цел поглед ни е кон Португалија. Мора да се потрудиме многу, знаеме дека ова е можеби шанса која ќе ја имаме еднаш во животот. Мора да дадеме максимум и да се потрудиме да победиме, па така ќе испишеме нова историја за нашиот фудбал. Секој нов меч е различен од претходниот, но знаеме дека чека еден многу тежок меч, со многу притисок и на наша и на нивна страна. Тоа мора да го отстраниме со нашата професионалност. Португалија е фаворит на хартија, сите го велат тоа. Но, ние не мислиме така. Знаеме за каков квалитет се говори. Италија исто имаше квалитет како европски првак, па така сметам дека и ние не сме без никакви шанси во финалето“, изјави Муслиу. Следува судир со Португалија, кој е закажан за вторник со почеток од 20:45 часот.

Муслиу за Курир: Да го победиш европскиот првак на домашен терен не е мала работа, имаме квалитет – oдиме на победа во Португалија!

Магдалена Андонова — Fri, 25 Mar 2022 13:09:58 +0000

Македонската фудбалска репрезентација успеа да победи со 0:1 против Италија, што беше доволно за да се пласираме во големото финале, каде за ривал ја имаме Португалија. Македонската нација е и повеќе од горда на македонските фудбалери кои како лавови и душата и срцето ги оставија на теренот и покажаа дека волјата и амбицијата која ја имаат може да го сруши дури и актуелниот европски првак и четирикратен светски првак - Италија. Несомнено сега ЦЕЛИОТ СВЕТ дозна за Македонија и дека толку МАЛА земја има толку ГОЛЕМО СРЦЕ. Репрезентативецот Висар Муслиу без кого целата екипа не би била целосна, како и во претходните натпревари така и во вчерашниот натпревар со Италија ја покажа неговата подготвеност и професионалност и дека е рамо до рамо со најголемите светски фудбалски ѕвезди. Во изјава за Курир, Муслиу ни откри како се чуствува, кои емоции преовладуваат и какви очекувања имаат од натпреварот со Португалија. - Да го победиш европскиот првак на домашен терен не е мала работа и затоа чувството е прекрасно, нешто што не може да се опише со зборови. Но се уште не е завршено и мора да гледаме напред кон тоа што ни следи, а тоа е натпреварот со Португалија. Ваква прилика може да се случи еднаш или никогаш и затоа ние како тим не одиме само да го одиграме натпреварот, одиме и да ги победиме. Имаме квалитет, карактер и победнички менталитет, тоа ја краси нашата репрезентација и одиме на победа во Португалија, изјави Муслиу за Курир. Македонската фудбалска репрезентација ќе го одигра финалниот натпревар во баражот за Светското првенство на 29-ти март (Вторник) во Португалија. Момци, цела Македонија е со вас! Среќно! М.А.

Муслиу потпиша за германски Инголштад

Дарко Андоновски — Wed, 19 Jan 2022 15:18:37 +0000

Македонскиот фудбалски репрезентативец Висар Муслиу го напушти унгарското првенство и ги засили редовите на Инголштад, објави денеска германскиот второлигаш. Стандардниот репрезентативен дефанзивец се пресели во германскиот второлигаш од редовите на унгарски МОЛ Фехервар за кој настапуваше од 2019 година и на 60 натпревари постигна два гола. – Среќен сум што потпишав за Инголштад. Чувството кога играш фудбал во Германија е посебно, а првите впечатоци тука се позитивни. Можам да ветам дека ќе го даде максимумот од себе за да му помогнам на клубот да ги оствариме зацртаните цели, порача македонскиот дефанзивец на промоцијата.

Муслиу е нов член на германскиот Инголштад

Бошко Тасиќ — Wed, 19 Jan 2022 15:10:14 +0000

Македонскиот фудбалски репрезентативец, Висар Муслиу, од денеска и официјално е нов член на германскиот второлигаш Инголштад. Муслиу кој има 40 настапи за македонската репрезентација, во „фенерџијата“ на Цвајта доаѓа од унгарски МОЛ Фехервар. „Среќен сум што потпишав за Инголштад. Посебно убаво е што ќе играм во Германија, голема фудбалска земја. Првите импресии ми се позитивни, одвај чекам да се запознаам со тимот, и ќе дадам максимум, за да се смени оваа ситуација во која сме моментно на табелата“ – изјави 27-годишниот Муслиу, кој веќе одржа и прв тренинг со новите соиграчи.