виски – Kurir.mk

Верувале или не: Шкотска со нов изум – гориво базирано на виски

Ивана Ефремовски — Fri, 30 Jul 2021 10:40:35 +0000

Иако вискито е нешто што не треба да се поврзува со возење, сепак една компанија го користи на паметен и еколошки корисен начин… Се работи за производителшт на виски „Гленфидич“ во Дафтаун, североисточна Шкотска, кој користи отпадни производи од процесот на дестилација на виски како – гориво за своите камиони. Фирмата продава над 14 милиони шишиња виски годишно, а со цел да ги намали емисиите на јаглерод, почна и да ги модифицира камионите за испорака за да може да користи гасовити биогорива направени од остатоците во своите дестилерии. Употребата на ова гориво создава ниски емисии на штетни материи. Компанијата веќе изгради и станици за полнење во Дафтаун, кои се специјално дизајнирани да ги претворат отпадните производи од правењето виски во УЛФЦ (ултра-ниско карбонско гориво). Дестилеријата тврди дека биогасот ги намалува емисиите на ЦО2 во камионите за повеќе од 95 отсто, а другите штетни честички и стакленичките гасови – за 99 насто. „Гленфидич“ порано го продаваше отпадот од виски и како земјоделско ѓубриво. Тие денес поседуваат три модифицирани камиони за испорака кои користат биогориво и транспортираат виски од дестилеријата до фабриката за пакување. Овој метод ќе се користи и во други компании. Шкотската индустрија за виски има намера да биде јаглерод-неутрална до 2040 година. (МИА)

Тврди дека се излечил од коронавирусот, виски било неговиот спас

Ивана Ефремовски — Mon, 03 Feb 2020 20:33:39 +0000

Британец тврди дека успешно се излечил од коронавирусот без да користи никакви лекови. Конор Рид (25) кој е учител од Велс и работи во жариштето на вирусот, градот Вухан, пред два месеци добил вирус и морал да оди во болница откако имал потешкотии до дишењето. -Користев само инхалатор кој ми помогна околу кашлицата и пиев виски со мед, додека не останав без него. Тоа е стар лек, но изгледа дека „запали“. Одбив да земам антибиотици бидејќи не сакав никакви фармацевтски помагала, вели Рид. Откако му се подобрила состојбата бил пуштен од болница на домашно лекување, а две недели подоцна докторите откриле дека боледувал од коронавирус. Тој во Кина работи веќе три години, а во Вухан е во последните шест месеци.

Препорака од стручните лица: Не мешајте пиво и виски

Ивона Петрова — Wed, 18 Dec 2019 09:12:11 +0000

Човекот најбргу се опива од портвајн и шери, тврди професорот од Универзитетот на Брајтон во Велика Британија, Хал Сосабовски. Во интервју за радио Би-би-си тој истакна дека сè зависи од концентрацијата на алкохол. – Кај пивото, на пример, алкохолот е околу пет степена. Треба да испиеш доста големо количество, за да се опиеш. И обратно, вели професорот. Според него, коктелот џин-тоник „удира“ право в глава, зашто ако имате алкохол комбиниран со газирана напивка, тоа го забрзува голтањето и апсорпцијата. Ист е ефектот и со газираните вина, на пр. шампањското. – Можете да почувствувате како првата чаша шампањско има ефект на вас уште во првите 30 или 40 секунди. Се чувствувате „поднапиено, затоа што карбонизацијата предизвикува побрзо несување на алкохолот, објаснува проф. Сосабовски. Натаму, тој препорачува да не се потпирате на митот дека чаша вода меѓу два алкохолни пијалаци го ублажува ефектот. – Треба да внимавате, зашто кога пиете силни напитоци и потоа вода, ги симнувате степените до оној непријатен 20, како ај шерито и портвајнот… Подобро е да испиете голема чаша вода пред да си легнете. Алкохолот има дехидратирачки ефект, којшто може да се избегне на тој начин, вели професорот. Следната битна препорака е да не се пие виски со пиво. – Така веднаш ја претворате 4-степената напивка во 10-степена, додава тој И, ако сакате да пиете силен алкохол, без да го прежалувате следниот ден поради мамурлак, водката е најдобриот избор. – А, за да не се опиете, најдобро е да не пиете, гласи советот на проф. Сосабовски за претстојните празници.

Најголемото шише со виски продадено на аукција за 18.000 евра

Катерина Бојаџиева — Mon, 16 Dec 2019 18:49:36 +0000

Најголемото шише со виски на светот, високо 1,5 метар, е продадени на аукција за 15.000 фунти, или околу 18.000 евра. Шишето соддржи количество виски од 150 вообичаени шишиња. Со шишето од 105 литри, наполнето со 14 години стар виски „Томинатул“, високо 1,5 метар и тешко повеќе од 180 килограми, може да се сервираат околу 5.250 чашки со виски. Продадено е на онлајн божиќна аукција што се оддржа вчера. Шиѓето било наполнето со овој бренд на виски во 2009 година, а на врвот била ставена затка од 20 сантиметри. Шишето првпат го напуштило селото Хејленд во 2012 година з ада биде претставено на Шкотската изложба на виски во Единбург и тогаш беше проценето на околу 5.000 фунти (6.000 евра) , пренесе Би-Би-Си.

Џонсон побарал од Трамп укинување царини за виски

Ивона Петрова — Wed, 06 Nov 2019 07:31:03 +0000

Британскиот премиер Борис Џонсон го повика американскиот претседател Доналд Трамп да ги укине новите царини на стоките, вклучително и за шкотското виски, изјави портпаролот на британската влада. Џонсон го побарал тоа од Трамп во телефонски разговор во кој го повикал и да не наметнува царини за автомобили. „Двајцата лидери ја потврдија својата заложба за зајакнување на специјалниот однос со силен билатерален договор за слободна трговија, откако Велика Британија ќе ја напушти ЕУ. Претседателот исто така ја истакна потребата сојузниците на НАТО силно да ја финансираат својата одбрана“, се вели во соопштението на Белата куќа. Минатиот месец САД воведоа нови царини од 25 проценти на шкотско виски и други европски производи, а администрацијата на Трамп најави воведување дополнителни 25 проценти царини за автомобили и за авто делови.

Вистинските љубители на вискито ќе се шокираат од резултатите на оваа научна студија

Ивана Ефремовски — Tue, 25 Dec 2018 15:04:26 +0000

Постојат огромен број скапоцени вискија на светот, но новата научна студија покажала дека 21 од 55 луксузни вискија се всушност лажни. Она што ги шокираше сите љубители на овој алкохолен пијалак е дека дел од вискијата на пазарот всушност не се вистински и дека нивните верзии се лажни и речиси без вредност. Шкотскиот универзитет тестирал 55 различни скапи и луксузни вискија, а резултатите биле шокантни. Дури 21 виски поминало како фалсификат, што значи дека речиси 50 отсто од вискијата на пазарот се лажни. Тоа понатаму значи дека годишно се даваат околу 52 милиони долари на лажни вискија, што е огромен проблем. Од универзитетот велат дека главниот проблем лежи во потешкотијата на луѓето да разликуваат вистинско од лажно виски и тоа доведува до масовна продажба на лажните пијалаци по неверојатни цени. Некои од вискијата кои биле испитувани се продавале и по цена од 800 илјади евра, што е навистина шокантен факт. Затоа, водете сметка и не трошете премногу пари на скапо виски бидејќи голема е веројатноста да дадете голема количина на пари на фалсификат.

Направете сируп од виски и болката во грлото ќе исчезне

Ивана Ефремовски — Tue, 27 Nov 2018 14:35:44 +0000

Настинката знае да биде многу здодевна, а многумина веднаш посегнуваат по лекови. Упорната кивавица и болка во грлото може да ги излечите и по природен пат, а овој рецепт многу ќе ви помогне. Според една статија од магазинот „Time“, објавена во 1941 година, вискито е еден од најдобрите лекови против болки што му се познати на човештвото. Во оваа статија, двајца доктори тврдат дека мала количина од овој алкохолен пијалак може да ја намали болката за 45% за само два часа. Овој едноставен рецепт со мед ќе му помогне на грлото и е вистински природен разредувач на слузта во белите дробови. Сепак, бидете внимателни, бидејќи може да дехидрирате од премногу виски, а тоа никако не ви треба, особено кога сте болни.

Потребни состојки:

0,5 децилитри виски
половина лимон
една чаша вода (по желба)
1 лажица мед

Начин на подготовка:

Измешајте виски, лимонов сок и вода (ако ја користите) и загрејте ја напивката во микробранова или на шпорет.
Тргнете го сирупот од рингла и додајте мед.
Измешајте, па повторно ставете го да се грее.
Немојте да ги пиете сирупот премногу топол. Најдобро е да биде на собна температура.

Зошто интелигентните и моќни мажи пијат виски?

Ристе Здравков — Thu, 08 Nov 2018 20:19:55 +0000

Џејмс Бонд е познат по тоа што сака добар пијалок. Во „Skyfall“ тој пие виски заедно со неговиот антагонист Силва. Ова изгледа направи тој да премине од неговото традиционално мартини на виски, затоа што и во наредниот филм за Џејмс Бонд, двојниот агент повторно пие виски. Човек мора да се запраша дали е ова само реклама за шкотската алкохолна индустрија која го прави тој бренд, но не мора долго да се мисли, затоа што повеќето луѓе се согласуваат дека на доброто виски не му треба маркетинг. Причината за ова е тоа што со декади, па и векови, овој пијалок го претставува се она што Бонд го има: мажественост, моќ, интелигенција и храброст. Но, зошто сите, почнувајќи од гангстерите од високата класа од холивудските филмови до банкарот од Волстрит и сите останати коишто имаат големи амбиции, пијат виски? Одличната репутација на вискито е многу стара Стефан Габани знае што зборува кога станува збор за виски. 23 години работел како експерт за виски во еден од најпознатите барови во Минхен. Тој оттогаш има отворено свој сопствен бар за квалитетен алкохол. Тој верува дека вискито ја добило својата репутација од една причина: Неверојатниот маркетинг на Шкотите во 19 век. Тој вели: „Шкотите уште многу рано сфатиле дека нивниот продукт ќе се продава подобро ако со него доаѓа и определена слика. Па така тие го продавале вискито во Англија како сировата убавина од планинската земја.“ Тие го рекламирале вискито како нешто диво и благородно. Францускиот коњак бил оштествено прифатливиот пијалок во тоа време, но вискито било нешто специјално. Остатокот е историја: Огромната империја на Велика Британија со себе носела и огромно културно влијание. Така вискито дошло до Индија и САД, придружено со одлична слика на моќ и опасност. Неверојатната работа е тоа што оваа репутација се уште стои. Вискито се смета за пијалакот на интелигентните и моќните и тоа поради овие 6 причини: Вискито е мажествено Габани вели: „Во 19 век, жестоките пијалоци биле пијалоци за мажи, со многу малку исклучоци. Силниот и остар вкус на вискито бил најдобар пример за мажествен пијалок.“ Американските писатели често го користеле овој мажествен, див и благороден пијалок како средство за да го опишат архетипот на „осамениот волк“, а тоа најчесто се ликови како каубоите и гангстерите од Западот. Холивуд ја задржал оваа слика и ја направил уште попопуларна. Така вискито станало пијалок за мажите, факт кој не можат да го променат дури и познатите жени кои пијат виски како Ава Гарднер и Хилари Клинтон. Вискито е скапоцено и уникатно Правењето виски не е скап бизнис. Она што е уникатно кај вискито е начинот на кој старее. Доброто виски се остава да созрее во дрвени буриња. И колку подолго созрева, толку е подобро. Затоа и најстарите вискија се најретки. Но, најдобрите вискија се и уникатни. Секое виски може да има различен вкус во зависност од тоа колку време созревало и во каков тип на буре.„Мекалан М“ е најскапиот тип на виски во моментов. Во 2014 година 1.5 галон од вискито било продадено за 630.000 долари. Вискито го купуваат луѓе кои гледаат во иднината или едноставно сакаат да уживаат во неа Откако ќе го надминеме периодот во животот кога се мачиме за да ги обезбедиме неопходните работи, треба да почнеме да размислуваме за иднината. Некои луѓе купуваат злато, некои инвестираат во недвижнини, а некои купуваат виски. Собирачите на виски можат да купат ново издание за 150 долари и потоа откако ќе „остари“ да го продадат за неколку илјади долари. Вискито е симбол за општествениот статус Издигнувањето на шкотското виски пред стотици години објаснува зошто вискито се гледа како еден вид симбол за општествениот статус. За шкотскиот крал Џејмс IV се вели дека бил првиот благородник кој го пробал пијалокот во 1506 година. Потоа тој го донес во својот двор и во повиските општествени слоеви во државата. Кога вискито дошло во Англија, било претставено како пијалок за високите класи. Габани вели: „Морнарите пиеле рум, но офицерите и генералите пиеле виски.“ Можеби тоа е и причината поради која денес вискито е симбол за богатство. Вискито станува се попопуларно во држави како Кина, Бразил и Индија. Ова не е случајност: Ова се земји во кои се зголемува бројот на богати луѓе. Ако домаќинот служи виски на своите гости, тоа е знак за неговото богатство. Големите мажи низ историјата пиеле виски Винстон Черчил и писателот Марк Твен биле големи обожаватели на виски. Писателот Џорџ Бернард Шо за вискито рекол дека е „течно сонце“. Франк Синатра многу сакал виски, дури и бил погребан заедно со шише Џек Даниелс. За овие луѓе вискито не било само некакво скриено задоволство, тоа било израз на нивниот животен стил. Ако имате познавања за вискито делувате образовани Не е случајно тоа што вискито понекогаш се нарекува виното од Волстрит. Ова е пијалок за кој луѓето обожаваат да зборуваат со своите бизнис партнери со цел да ги импресионираат. Секој кој знаее да каже приказна за историјата на вискито и вкусот на вискито ќе делува образовано и интелигентно.

Зошто интелигентните и моќни мажи пијат виски?

Катерина Бојаџиева — Tue, 06 Nov 2018 09:12:08 +0000