високи потпетици – Kurir.mk

Внимавајте: Овие модни парчиња ви го уништуваат здравјето

Катерина Бојаџиева — Mon, 18 Jul 2022 17:50:50 +0000

Желбата да се изгледа совршено и прекрасно понекогаш е многу посилна од болката во стапалата од превисоките потпетици, од претеснит фустан или носењето претешки чанти и непријатни, но убави на изглед материјали. Понекогаш, додека се гледаме во огледало и се воодушевуваме на нашиот изглед, нашиот организам пати. Прочитајте кои модни парчиња и додатоци се непријатели на нашето здравје! Високи потпетици: Иако за посилниот пол високите потпетци на женската нога се неодоливи, тие се непријател на стапалата. Носењето на високи потпетици може да резултира со изместен зглоб, плускавци, грчеви во мускуслите и деформации на ножните прсти. Големи и тешки чанти: Истражувањата покажуваат дека нееднакво распоредениот товар може да предизвика болки во вратот. Чантите кои тежат од 15 до 17 отсто од телесната тежина можат да предзвикаат проблеми со карлицата. Британска студија покажува дека жените и мажите страдаат од болки поради носење на тешки и големи чанти согласни модните трендови. Танга гаќички: Танга гаќичките можат да предизвикаат вагинални или инфекции на уриналниот тракт. Ако тие се дел од вашата дневна гардероба, тогаш барам за спиење носете памучна долна облека. Тесни фармерки: Тесните фармерки се хит меѓу посилниот пол, но во исто време за жените се мака бидејќи предизвикуваат проблеми со мочниот меур. Затоа, гледајте почесто да бидете во поширока гардероба.

Дали знаете КАКО да издржите цел ден во високи потпетици: Овие трикови помагаат, а на вашите нозе нема да има ПЛУСКАВЦИ

Ристе Здравков — Sat, 16 Jul 2022 13:20:18 +0000

Како да се носат чевли со високи потпетици , а да се избегнат непријатностите и болката во нозете, е еден од клучните проблеми на жените кога станува збор за модата. Се вели дека жената за убавина и елеганција треба малку да ги стисне забите и да издржи. На овие зборови со кои сите нема да се согласат , веројатно и самите се потсетувате, секој пат кога вашите омилени високи потпетици ви направиле пликови на стапалата, а тоа е болно или сте трпеле неподнослива болка. Но, сигурно веќе сте дознале за силиконските влошки за чевли со високи потпетици кои се доста корисни. Изработени од силиконски гел, се ставаат во предниот дел на чевлите со цел ногата да не се лизна напред и да се избегне појавата на болни стапала и формирањето на меури. Вие исто така може да ги испрскате и стапалата со сув шампон за да го избегнете лизгањето нанапред. Но, тука ви предлагаме нешто друго … На вашите проблеми им дојде крајот, бидејќи решението постои ! Тоа е трик за кој ви е потребен медицински завој или лента. Залепете или спојте ги третиот и четвртиот прст (ако сметате од палецот) со медицинска лента или медицински селотејп и подготвени сте за одење! Зошто тоа функционира? Овој трик е заснован на медицинска теорија – помеѓу овие два прста се наоѓа нервот кој ги предизвикува болките во нозете. Кога прстите ќе се спојат , притисок врз тој нерв е помал, а како резултата на тоа полесна е и адаптацијата на високи потпетици. Се разбира, овој трик не треба да го применувате, доколку носите отворени чевли и внимавајте, да не ги стегнете прстите премногу цврсто!

Спасоносен трик: Потпетиците ви прават плускавци и мислите дека ви се мали – употребете ДЕЗОДОРАНС!

Ристе Здравков — Mon, 04 Jul 2022 08:20:12 +0000

Без разлика дали дел од стапалото се трие со чевелот или предните ремени се малку претесни, тоа може да биде кошмар и често може да остави болни плускавци. Сепак, постои едноставен трик кој може да ве спаси од болката, а се што ви треба е рол-он дезодоранс. Овој трик го открила Британката Рејчел Клинкард која се занимава со производство и продажба на чевли и вели дека се што ви треба е рол-он дезодоранс кој ќе го нанесете на стапалата, на места на кои мислите дека може да ве иритира. Дезодорансот создава бариера помеѓу кожата и чевелот и на тој начин го спречува „триењето“, пренесува „tuzlanski.ba“. Тоа, вели таа, ќе изгледа подобро отколку да ги покриете стапалата со фластери, па дури и ќе можете да танцувате цела ноќ без да се грижите дека подоцна ќе ве болат стапалата. Затоа Рејчел предлага секогаш да носите мал дезодоранс токму за оваа намена.

Тест на потсвеста: Изберете чевел и откријте како изгледате во машките очи

Ристе Здравков — Tue, 08 Feb 2022 09:24:37 +0000

Работите кои најмногу не привлекуваат можат да кажат многу за нас, но и за тоа како другите не доживуваат Веруваме дека многу пати во животот сте слушнале дека „костумот не го прави човекот“, меѓутоа, многумина веруваат дека облеката и чевлите кои сакате да ги носите кажуваат многу за вас. Модните експерти и познавачите на човечката психа се согласија дека чевлите, во повеќето случаи не ги бираме само така и дека всушност откриваат многу работи за сопственикот. Не случајно некои жени претпочитаат сандали со високи потпетици во јаки бои, додека други претпочитаат „помирни“ тонови. Овој едноставен тест ќе ви помогне да дознаете како изгледате во машките очи, а се што треба да направите е да изберете една од четирите чевли, секако водени од интуицијата. Чевла број 1 Вие сте личност која плени со својот изглед. Мажите сакаат да бидат во ваше друштво бидејќи секогаш сте отворени за комуникација и сте многу духовити. Силната боја на чевлите е одраз на вашата независност и „карпест“ карактер, но и на личност која нема никакви стравови. Вашата женственост нема граници, а софистицираноста е главното правило на вашиот стил. Во очите на мажот кој сака независни жени, вие сте јасен пример за тоа како жената треба да изгледа и да се однесува. За оние кои се потрадиционални, вие сте фатална дама, во која лесно се заљубуваат, но и брзо бегаат. Потпетица број 2 Доколку ја изберете оваа темна чевла, со затворени прсти, мажите ве гледаат како недостапна жена, иако не сте. Повеќето од нив се плашат да ви пријдат бидејќи мислат дека никогаш не би можеле да го најдат патот до вашето срце. Ве сметаат за интровертна личност, која не може и не сака да флертува. Ќе бидете вистинска среќничка, ако меѓу господата има некој кој ќе разбере дека вие сте всушност личност желна за љубов и дека долго време го чекате вашиот „принц на бел коњ“. Сепак, само најхрабрите ќе имаат трпение и волја да го „стопат“ срцето на „снежната кралица“ и да се капат во морето на љубовта што го носите во себе. Чевла број 3 На мажите им оставате впечаток на слатка, романтична и нежна девојка. Сепак, вие ја имате моќта на околината, а особено на мажите да им и го покажете „лицето“ кое ви одговара во даден момент. Мажите често мислат дека можат да ви пријдат и дека сте лесен „плен“, но прилично се изненадени кога ќе сфатат дека сте „тврдина“ која тешко се освојува. Вашата отвореност и ведриот дух, но и провокативното однесување, често ги гледаат како отворена покана за флерт, па се изненадени кога ќе сфатат дека тоа не е баш така. Потпетица број 4 Дамата која ги избра овие чевли во очите на мажот изгледа како жена која има високи барања. Точно знаете што сакате од животот и самоуверено се движите кон своите цели. Мажите често ве гледаат како самодоволни и не се сигурни дали воопшто ви се потребни. Често мислат дека сте вообразени и недостапни, а не разбираат дека тоа е навистина само одбранбен механизам на душата која копнее по нежност. Веројатно имате многу додворувачи, но и високи критериуми, па почесто ја избирате осаменоста отколку врската.

Сите полудеа по комбинацијата на Меланија која секоја жена ја има во гардероберот- особено овие потпетици се хит за 2020 година (ФОТО)

Дарко Андоновски — Fri, 11 Dec 2020 09:33:17 +0000

За стилот на Меланија Трамп пишуваме уште откако стана прва дама и тоа со голема причина. Од елегантни до спортски комбинации, првата дама на Америка скоро никогаш не прави грешка. Последното појавување на убавата Словенка во комбинација која лесно може да се ископира со оглед на тоа дека комбинацијата е направена од парчиња гардероба кои секоја жена ги има во својот ормар. Бела ролка, црно струкирано сако и бели панталони се полн погодок, а детаљ кој целата комбинација ја издигна на повисоко јиво се чевлите. Општо е познато дека Меланија сака стилето чевли и дека ги има во сите можни бои и материјали, па така и овој пат ги облече за совршен изглед. Првата дама на Америка како и секоја година помина неколку часа со децата чии родители не можат да приуштат подарок за Божиќ.

Колку се штетни високите потпетици?

Катерина Бојаџиева — Sun, 07 Apr 2019 17:16:47 +0000

Сакате ли да носите високи потпетици? Вистина е дека ногата во нив поубаво изгледа, но најновите истражувања откриваат дека цената на таа убавина сепак е превисока. По еден час, шест минути и 48 секунди носење на високи потпетици, нозете почнуваат да болат. За 20 отсто чуствителни жени таа болка доаѓа многу порано, поточно околу десет минути после носењето, открива најновото истражување. Повеќе од третина од испитаничките изјавиле дека во текот на ноќните излегувања нозете толку болат што дома се враќале боси. Истражувањето на Колеџот од Подиатри во кое учествувале повеќе од две илјади луѓе, се укажува на тоа дека високите потпетици се поштетни отколку што се мислело. Ортопоедот, Мике О’Неил предупредува дека ситуацијата дополнително се влошува бидејќи многу жени носи чевли помал број што пак доведува до сериозни оштетувања на коските и нервите. -Апсолутно нема сомнение дека жените поради високите потпетици го загрозуваат своето здравје и тоа во име на модата. Кога би требало да избираат меѓу модерните потпетици или здрави и убави нозе, многу од жените би ги одбрале потпетиците, истакна О’Неил.

Преживеа бурна ноќ, па се пофали што изгубила во ноќта: Водителката на „Пинкови ѕвездички“ која се бореше со ракот ги шокираше сите

Дарко Андоновски — Fri, 08 Mar 2019 17:42:58 +0000

Водителката Ана Михајловски која е позната по водењето на музичкото шоу „Пинкови ѕвездички“ ги шокираше своите фанови со својата најнова објава на Инстаграм. Имено Ана прикачи фотографија на која се гледа нејзината висока потпетица која се наоѓа пред нејзиниот влез од зградата во која таа живее. -вчера ја изгубив едната висока потпетица додека доаѓав дома и држев сто работи во рацете... Некој цар ја оставил пред мојот влез.. Благодарам добар човеку, напиша водителката. Ана инаку во моментов се чувствува одлично и се врати на работните обврски откако претходно преживеа вистински пекол борејќи се со ракот на градите.

Кејт Мидлтон ја откри тајната која ја бараат сите жени: Како безболно да носите високи потпетици?

Ивана Ефремовски — Tue, 30 Oct 2018 08:09:22 +0000

Војвотката од Кембриџ, Кејт Мидлтон, ретко кога можеме да ја видиме без нејзиниот заштитен знак – високи потпетици. На бројните кралски настани и разни церемонии таа долго време стои, па многу жени се прашуваат како Кејт издржува со часови на високи потпетици. Како што пренесува „Венити фер“ нејзината тајна е во влошките за чевли. Кејт во сите чевли става влошки од италијанско производство направени од квалитетна кожа кои ѝ пружаат удобност и стабилност. Многу е важно да се истакне дека станува збор за кожни влошки затоа што силиконските или влошките од ткаенина не се доволно цврсти за да го стабилизираат стапалото.

Ја критикуваат дека постојано е на високи потпетици, но Меган Маркл има добра причина за тоа (ФОТО)

Ивана Ефремовски — Wed, 18 Jul 2018 07:19:42 +0000

Високите потпетици станаа заштитен знак на војвотката од Сасекс. Но, по посетата на Даблин на стадионот „Крок Парк“ минатата недела, многу луѓе се прашуваат зошто Меган Маркл одлучила на тревникот да гази со високи потпетици. Но, има многу добра причина зошто таа одбегнува рамни обувки и зошто, откако се омажила за принцот, само еднаш ја видовме во сандали. Имено, како што пишува британски „Гламур“, Меган продолжува да носи штикли за да таа и Хари изгледаат попријатно, бидејќи е 19 сантиметри повисок од неа. Меган е висока 167 сантиметри, а Хари 186 сантиметри. -Двојките со голема разлика во висината изгледаат несоодветно на фотографиите и често пониските лица изгледаат дури и пониски отколку што се. Затоа, Меган постојано носи штикли за да ја намали оваа разлика, објаснува Глен Грејтон од „Гламур“. Единствено кога Меган носела рамни сандали, откако се омажила за принцот,било на почетокот на месецот на поло-турнирот во кој Хари учествувал, но не дошле заедно, туку војвотката бил во друштво на нејзината добра пријателка Серена Вилијамс и нејзиниот сопруг.

Светот бара најстрога казна- шестмесечно бебе загина поради високите потпетици на неговата мајка

Дарко Андоновски — Thu, 10 May 2018 09:28:27 +0000

Шестмесечно дете трагично го загуби животот кога неговата мајка Фемида Шајк изгубила рамнотежа на високи потпетици и го испуштила од терасата на вториот кат од зграда во градот Калијан, во Индија. Фемида Шајк (23) присуствувала на венчавка со својот син Мухамед и според пишувањето на медиумите, цело време се движела на своите високи потпетици. Набрзо загубила рамнотежа и ги испуштила Мухамед, кој тогаш се здобил со тешки повреди на рбетот и починал пред да го однесат во болница. Венчавката се одржала во градот Калијан кај Мумбаи во Индија, а додека некои извештаи тврдат дека до страдањето дошло поради пад од тераса, во други се наведува дека детето се стркалало низ скали. Полицијата е вклучена во истрагата на целиот случај, иако тврдат дека станува збор за несреќа.