вистината за дуи – Kurir.mk

„Вистината за ДУИ“: Општински возила во ист ден се полнеле со гориво по три пати

Ивана Ефремовски — Thu, 15 Feb 2018 12:13:54 +0000

Портпаролот на општина Гостивар, Јасин Демири, на прес-конференција презентираше информации за, како што рече, злоупотреби со снабдување со гориво на возилата во сопственост на општината и трошоци без покритие на ЈП “Хигиена“ – Чегране. - За периодот 2014-2017 година, внатрешната ревизија утврди дека зa возила во сопственост на Општина Гостивар, потрошени се 5.089.907 денари. Можеби тука нема ништо чудно, но само на прв поглед. Ако анализираме кои возила со какво гориво се снабдувале, сигурно ќе се зачудат и самите конструктори. Возила кои трошат бензин, се снабдувале со дизел и обратно. Трошоците за несоодветно гориво се во износ од 74.496 денари, што ако земеме како просек 50 денари по литар, значи дека општинските возила потрошиле 1.500 литри, несоодветно гориво. Ова, се разбира, е измама и можеме да претпоставиме дека со пари на граѓаните се снабдувале партиски послушници и партиски војници. Но, од друга страна, со право можеме да претпоставиме и дека износот на соодветно гориво со кое се снабдувале приватни возила, најверојатно е неколку пати поголем од горенаведениот износ - рече Демири. Тој рече дека евиденцијата за снабдување со гориво, подготвена од внатрешната ревизија на општината покажува дека во ист ден општинските службени возила се полнеле по 3 пати. Демири, исто така, рече дека и внатрешната ревизија во Јавното претпријатие „Хигиена” од село Черане, чиј основач е Општина Гостивар и што врши комунални услуги на територијата на селото Чегране, утврдила неосновани трошоци. - На 02.11.2017 година направен е сомнителен трошок за материјали за одржување на водоводната мрежа во висина од 720.000 денари (околу 11.800 евра) до снабдувачот Меркатор АНГ-Гостивар. Во документацијата на претпријатието фигурира само про-фактура бр. 096/2017, но од оваа компанија тврдат дека ЈП Хигиена не ја прифатило понудата, ниту пак извршило уплата на средствата.. Покрај тоа, направени се и други неоправдани, неосновани или неаргументирани трошоци, како што се: одговорното лице во текот на 2017 година си зел 40.000 денари за прекувремена работа за месец јануари, февруари, март, април, мај, јули, август и септември, најверојатно во наредните месеци се потрошиле средства и немал што повеќе да земе и на 27.01.2017 година со пари од претпријатието патувал во Германија. Бидејќи причините за ова патување не се наведени, можеме да претпоставиме дека патувањето било направено за приватни потреби - рече Демири. Тој повтори дека целта на кампањата „Вистината за ДУИ” е да им се овозможи на граѓаните да знаат како се трошат нивните пари и да се запознаат надлежните органи дека во многу случаи има основано сомнение за покренување на кривична постапка.

„Вистината за ДУИ“: По 5.000 евра месечно повеќе му се исплаќале на приватниот партнер за зонско паркирање во Гостивар

Ивана Ефремовски — Thu, 08 Feb 2018 15:51:03 +0000

Во рамките на кампањата „Вистината за ДУИ“, прес-конференција одржа портпаролот на ЈП „Јавни паркиралишта и зеленило“, Расим Абдул, при што информираше за наводен спорен договор, склучен во минатиот мандат, со приватниот партнер за зонско паркирање. „Како што информиравме на минатата прес-конференција во рамките на кампањата ‘Вистината за ДУИ’ за неправилностите кои ги воочивме во ова претпријатие, денеска ќе го одвоиме склучениот договор за зонско паркирање помеѓу нашето претпријатие и приватниот партнер ‘Дуна компјутерс’ од Скопје. Сметаме дека процентот наменет за приватниот партнер бил превисок, а исто така имало и други престапи. Всушност, според договорот предвидени се 38 проценти за горенаведената компанија и 62 отсто за јавното претпријатие. Процентот бил предвиден во нето, додека цело време исплатата била вршена во бруто, со што јавното претпријатие е оштетено просечно по 300.000 денари, или пет илјади евра месечно“, изјави Абдули. Тој ги информира граѓаните на Гостивар, дека поради овие злоупотреби, од вчера договорот со приватниот партнер е раскинат и дека паркирањето ќе биде слободно на неопределено време. „Ги разгледуваме сите можности, се надеваме на што подобро решение и сигурно ќе ве информираме во наредните денови за конечното решение“, изјави портпаролот на јавното претпријатие. Во рамките на кампањата „Вистината за ДУИ“, што ја почна Таравари, во континуитет се одржуваат прес-конференции на кои се обелоденуваат наводни злоупотреби извршени од страна на поранешното раководство на Општина Гостивар, а кои ги констатирала внатрешната ревизија.

“Вистината за ДУИ”: Општина Гостивар открива многубројни злоупотреби во ЈП “Јавни паркиралишта и зеленило“

Ивана Ефремовски — Thu, 18 Jan 2018 15:13:56 +0000

Во рамките на кампањата "Вистината за ДУИ" претставниците на Јавното претпријатие "Јавни паркиралишта и зеленило" - Гостивар, денес на прес-конференција обелоденија повеќе злоупотреби направени во ова претпријатие од страна на претходното раководство. Прес конференцијата ви ја пренесуваме интегрално: “Во рамките на кампањата започната од градоначалникот Арбен Таравари “Вистината за ДУИ“ денеска ќе се фокусираме на Јавното претпријатие “Градски паркиралишта и зеленило“ - Гостивар. Врз основа на внатрешната ревизија во претпријатието, констатирани се повеќе престапи и процедурални неправилности: - Наследени долгови во износ од 5.250.452,00 денари или 85.000 евра, долгови создадени поради непродуктивни долгови и некапитални инвестиции но само за фирмите кои добиле тендери. Неплатен персонален данок на плати од јануари до септември 2017 во износ од 501.485.00 денари, запоставено е поради непознати причини иако имало доволно средства за исплата на истото. - Склучен договор за Јавно-Приватно партнертсво за зонско паркирање со Дуна Компјутерс Скопје на ден 14.11.2014 со Ј.П Комуналец и со анекс договорот што е наследено ова Претпријатие поврзано во ден 06.10.2015 каде во овој договор член 9 предвидено е поделба 62% нето за Јавнот Претпријатие и 38% нето за Дуна Компутерс ДОО, но во целиот период поделбата е направена во бруто порадфи за нас непознати причини, и од ова е оштетен е буџетот на Јавното Претпријатие во износ од 300.000 денари (5000 евра) истите средства секој месец се во корист на Дуна Компјутерс ДОО Скопје, истиот договор односно анекс договор е потпишан од страна на Јавното Претпријатие, ние работиме на отстранување на овие неправилности. - Додека во Јавното Претпријатие функционира и секторот за зеленило (каде се систематизирани работници каде поседуваме средства за беспрекорно извршување на дејноста на зеленило) иако ги поседуваме средствата од страна на ЈП е објавен тендер за одржување на јавните зелени површини и хортикултурно уредување, и го добила една приватна фирма во износ од 1.638.152 на ден 24.04.2018, од кои 638.152 денари се набавени за хортикултурно материјали и за 1.000.000 одржување на јавните зелени површини на ден 24.04.2017 , од кои ќе посочиме дека е фактурирано сечење на дрво во износ од 15.500.00 денари. Тука ЈП е оштетено за околу 1.000.000 денари. - Во затворениот тип на паркинзи се работело со билети на рака и без фискална сметка. Само за споредба, месечните приходи од овие паркинзи биле просечно 15.000.00 денари, но сега се е фискализирано и реалните приходи од паркингот се: од 16 Ноември, значи втората половина од месецот од кога работи новoтo раководство - моментално се регистрирани приходи од 33.000.00 денари, за месец декември 100.000.00 денари, а во првите две недели од месец Јануари (заклучно со 16.01.2018) се 129.290.00 денари, што значи дека приходите имаат раст до 660 %. Му преостанува на поранешниот директор да даде објаснување зошто приходите биле толку ниски додека реалниот капацитет на овие паркинзи се сосема поинаков“.