витамин а – Kurir.mk

Телото ви дава знаци, не ги игнорирајте: Ова се симптоми дека ви фали витамин Ц, А или Д

Магдалена Андонова — Fri, 26 Nov 2021 15:35:39 +0000

Овие симптоми ви покажуваат дека имате недостаток на витамини Витамин Ц Подложни на инфекции, изразени вени, модринки, склоност на крварење се знаци за недостаток на витамин Ц во телото. Помалку може да се појави при физичка активност и психички напор, за време на бременоста и доење и кај инфекции. Недоволно внесување на витамин Ц може да доведе до недостаток на витамини кои обично се случуваат кај деца, алкохоличари и повозрасни лица. Недостатокот доведува до тешки нарушувања, болест. Овој витамин е важен бидејќи ја поттикнува работата на имунолошкиот систем во борба против инфекции и бактерии. Витамин А Груба, сува и иритирана кожа, губење на апетит, често замор, слаба коса без сјај, кршливи нокти, настанување на перут, сето тоа наведува до недостаток на витамин А. Витамин Д Недостаток на витамин Д најпрво ќе забележите по промените во коскеното ткиво. Кај децата е забележано рахитис, а кај возрасните доведува до остеопороза. Превентивно се дава на бебињата за време на првата година од животот, а кај остеопорозата витамин Д се дава со комбинација со калциум поради намаленото одложување на калциум во коските.

Овие намирници имаат повеќе витамин А од морковот

Ивана Ефремовски — Fri, 12 Nov 2021 14:10:46 +0000

Морковите се богати со каротеноиди како што се бета каротенот и ретинолот кои во телото се трансформираат во витамин А. Овој важен нутриент го зајакнува имунитетот на телото, го намалува шеќерот во крвта и се наметнува како одличен сојузник во борбата против болестите на срцето и крвните жили. Неопходен е за видот, развојот на коските и здравјето на кожата, ги балансира хормоните во телото, а служи и за одбрана од инфекции. Еве 4 намирници кои се подобри добавувачи на витаминот А дури и од морковот. 1. Тиква Стотина грама од овој сладок есенски плод содржи 0,7 милиграми бета-каротен и 14.000 единици ретинол што задоволува речиси половина од дневните потреби за витамин А. Значајни количини на вредни нутриенти ќе пронајдете дури и во питите, но добро би било да имате на ум дека во ваков облик ќе внесете и значајна количина на шеќер и масти. 2. Сладок компир Слатките компири ја задоволува потребата за јаглехидрати, а истовремено нуди и богатство од витамини, посебно витамин А. Во еден сладок компир ќе најдете повеќе од 1 милиграм бета-каротен и 21.000 единици ретинол и така ќе задоволите поголем дел од потребите за овој вреден нутриент. 3. Кељ Овој лиснат и лесно достапен зеленчук не се вика супер-храна без причина. Стотина грама кељ содржат дури 28.000 единици ретинол и нешто повеќе од еден милиграм бета-каротен. Покрај тоа нуди и богатство на витамините Ц и К, па се наметнува како сојузник на убавината и здравјето. 4. Масло од бакалар Добро познат факт е дека рибиното масло богато со омега 3 масни киселини го чува срцето. Но, дали ги знаевте благодетите од маслото од бакалар? Една лажица од ова масло содржи 13.600 единици ретинол и четири милиграми бета-каротен, што е дури осум пати повеќе отколку во стотина грама свежи моркови.

Витаминот А ни е потребен на сите: Дознајте како може да го внесете и какви придобивки носи

Ивана Ефремовски — Wed, 10 Jun 2020 17:19:14 +0000

Витаминот А е силен имуностимулатор, а е наречен еликсир на младоста поради чудотворниот ефект врз кожата и се нарекува уште витамин на растот. Тој не се произведува од организмот, па затоа треба да се внесува преку храната. Но не треба да се прима во големи количини поради опасноста од хипервитаминоза. Недостатокот на витамин А во организмот води до косопад, сува и кршлива коса, груба кожа, проблеми со очите, забавен раст и др. Го стимулира создавањето на колаген, поради што се смета дека ретинолот има способност да ја одржува еластичноста на кожата подолго време. Богати со витамин А се и животинските и растителните продукти – јајца, црн дроб, млеко, рибино масло, јаболки, праски, кајсии, сливи, моркови, тиква, домати и повеќето цитруси. Витаминот А е силен антиоксиданс што го штити организмот од штетните влијанија на надворешната средина.