витамин д – Kurir.mk

Навики кои фитнес светот ги промовира како здрави, но не се толку: Дали ги практикувате?

Ристе Здравков — Mon, 29 May 2023 07:35:24 +0000

Може да биде тешко да се држите во чекор со денешното темпо на „здраво живеење“ – доволно сон, редовно вежбање, здрава исхрана, консумирање витамини… Списокот е бесконечен. Она што е сигурно е фактот дека во ништо не треба да претерувате бидејќи со тоа темпо и здравите навики брзо можат да станат нездрави. 1. Зеленчук Истражувањата покажаа дека исхраната богата со овошје и зеленчук може да ја подобри борбата против кардиоваскуларните болести и да помогне во одржување на здрава тежина. Сепак, премногу зеленчук може да има несакани ефекти, особено за луѓето со синдром на нервозно дебело црево (IBS). Имено, зеленчукот е полн со влакна, па предизвикува надуеност, а тоа особено важи за зелката и брокулата. 2. Додатоци Иако витамините и суплементите се одлична работа – особено за оние кои страдаат од недостаток, прекумерната потрошувачка на одредени витамини може да предизвика несакани ефекти. Познато е дека витаминот Ц предизвикува гадење, грчеви и проблеми со цревата. Витаминот Д и цинкот се исклучително корисни, но неопходно е да се прават паузи при нивното консумирање. Препорачливо е да направите тест на крвта, за да проверите кои витамини му недостигаат на организмот и да ги консумирате според потребите. 3. Флаширана вода И покрај популарното верување – флашираната вода не е секогаш подобро решение. Имено, пластичните шишиња често содржат различни хемиски материи кои се штетни за организмот, па водата од чешма, доколку е чиста, е подобар избор. 4. Избегнување на масти Мастите се неопходни за енергија и секојдневно функционирање, а можат да бидат и здрави, па затоа нема потреба да се плашите од нив. Јаткасти плодови, семки, авокадо – сетo ова е храна полна со здрави масти кои ќе ви помогнат да бидете витални. 5. Гума за џвакање Гумата за џвакање е одлична работа кога сакате да го „убиете гладот“ или да го подготвите вашето непце за следниот оброк. Меѓутоа, истражувањата покажуваат дека не е толку здравa бидејќи предизвикува надуеност.

Колку витамин Д му е потребно на телото: Сончајте се, но обрнете внимание на една работа

Ристе Здравков — Fri, 10 Mar 2023 14:04:42 +0000

Витаминот Д е важен за јачината на коските, но и за сите органи во телото. Се внесува со храна и суплементи, а телото може сам да го направи доколку сме изложени на сонце. Витаминот Д е во исто време состојка која можеме да ја најдеме во храната, но и хормон кој го произведува нашето тело. Тој е растворлив во масти и му помага на телото да ги апсорбира и задржува калциумот и фосфорот – неопходни за градење на коските. Ова е само една од функциите на овој витамин, кој е поврзан со контрола на инфекции и намалување на воспалителните процеси во телото. Докажано е дека многу органи и ткива во телото имаат рецептори за витамин Д, што покажува дека тој има многу поважни функции. Малку намирници природно содржат витамин Д, па затоа е вообичаено во многу земји вештачки да се збогатуваат некои намирници со него. За многу луѓе, затоа е најдобро да го земаат како додаток. Едноставно, тешко дека е можно преку храната да ја внесат вкупната потребна количина. Во суплементите, тој постои во две форми – како витамин Д2 – ергокалциферол или превитамин Д и витамин Д3, т.е. холекалциферол. Двете форми се создаваат и кога сме изложени на сонце, односно на неговото ултравиолетово зрачење. Оттука и прекарот „витамин“ на сонцето. Препорачаната количина за оние над 19 години е 600 IU (меѓународни единици) или 15mcg дневно. За оние над 70 години, тоа е 800 IU или 20 mcg. Горната граница е 4.000 IU. За да се произведе доволна количина на витамин Д во организмот, потребно е да се изложувате на сонце помеѓу пет и 30 минути, а во просек 15 минути, помеѓу 10 и 15 часот. За тоа време, кожата на рацете, нозете и грбот не треба да се заштитува со креми со заштитен фактор. Таквото потемнување треба да се изведува најмалку два до три пати неделно. Во повеќето земји на северната хемисфера, тоа не е можно најмалку пет до шест месеци во годината, па затоа е неопходна суплементација.

Недостигот од витамин Д го загрозува здравјето, ОВИЕ симптоми не смеете да ги игнорирате

Ивана Ефремовски — Mon, 15 Aug 2022 07:11:01 +0000

Недостигот од витамин Д го загрозува здравјето. Единствен одговор е превенцијата Најчести симптоми од недостиг од витаминот Д се замор, сонливост, премаленост, мускулна слабост, намален праг на болка, депресија, потење на главата, ексцентричност, сува кожа, кршлива коса и бавно заздравување рани. Недостигот од витаминот Д влијае врз појавата на повеќе болести, како што се: остеопороза, рахитис, кардиоваскуларни болести, депресија, шизофренија, Алцхајмерова болест и деменција (од 70 до 90 отсто од пациентите со Алцхајмерова болест имаат недостиг од витамин Д), респираторни заболувања, псоријаза, дијабетес мултиплекс склероза, аутизмот, болести на непцата и губиток на забите, пораст на стерилитет меѓу младите, еректилна дисфункција, ревматоидни артритис, рак на дојка (25 отсто поголем ризик кај жените што имаат помалку од 20 мг витамин Д), рак на проста, рак на дебело црево… Витаминот Д е липосолубилен стероиден прохормон, кој го има во две форми: – Д2 (ergocalciferol) и има егзогено потекло, може да се најде во храна и Д3 (holecalciferol), се синтетизира од 7-дехидрохолестерол како последица на сончева ултравиолетова радијација на кожата. Првата се одвива во црниот дроб и се добива 25 (OH) витамин Д (калцидиол), а втората се одвива во бубрезите и се добива активен 1,25 (OH) 2 витамин Д. Извори на витаминот Д се храна и суплементи 10-20 отсто и фотосинтеза во кожата 80-100 отсто, а ризичните фактори се престој во затворена просторија, луѓе со темен тен, со прекумерна тежина, постари лица, прекумерно консумирање алкохол, лица со болести на бубрезите и црниот дроб, алергија на млеко и интолеранција на лактоза и друго. Решението за користењето на витаминот Д е изложување на сончева светлина, што е бесплатно, но без претерано сончање, како и користење суплементи. Витаминот Д, според ова истражување, придонесува за поздрава кожа, управува со растот на клетките, ги запира воспалителните процеси и го контролира нивното размножување и е многу корисен во борбата против ракот, ги регулира хормоните, луѓето имаат поздрава коса, коски, подобра состојба со забите, посилен имун систем.

Главен извор е сонцето, но ВИТАМИНОТ Д го има и на овие места: Еве зошто е важен за здравјето

Ристе Здравков — Sun, 26 Jun 2022 17:01:33 +0000

Со консумирање на храна која е богата со витамин Д го чувате здравјето на вашето срце. Витаминот Д е потребен за здрави и силни коски бидејќи му помага на организмот да го апсорбира калциумот од храната и суплементите. Калциумот е важен минерал којшто има клучна улога во здравјето на коските. Тој помага и за одржување на здравјето на срцето, мускулите, нервите и забите. Поради тоа, консумирањето на доволно количество на калциум е особено важно за правилното функционирање на целиот организам. Намирници кои содржат голема количина на витамин Д се сирење, туна во конзерва, јајца, лосос, харинга, сардина. Луѓето коишто недоволно внесуваат витамин Д во телото може да имаат проблем со коските, состојба позната како рахитис кај децата, односно остеомалација кај возрасните. Новото истражување опфати 1.514 мажи и 1.528 жени од околината на Атина во Грција, а податоците поттекнуваат од периодот помеѓу 2001 и 2012 година. Заклучокот е дека оние коишто не јадат храна богата со витамин Д имаат поголем процент за кардиоваскуларни заболувања и мозочен удар и тоа околу 24% кај мажите и 14% кај жените. Зголемениот внес на витамин Д во исхраната го чува здравјето на вашето срце, особено кај мажите. Суплементите со витамин Д имаат огромно влијание на вашето здравје.

На луѓето кои имаат сало околу стомакот им фали ОВОЈ витамин

Ивана Ефремовски — Thu, 02 Jun 2022 20:25:41 +0000

Студија кој ја направил Универзитетот во Амстердам покажува дека дебелите луѓе на кои масните наслаги им се таложат околу половината имаат недостаток од витамин Д. Маснотиите во црниот дроб се исто така поврзани со малата изложеност на сончева светлина, но само кај мажите, не и кај жените. Не е јасно дали недостатоткот на витамин Д придонесува за таложење на абдоменалните маснотии или дебелината го редуцира нивото на витаминот Д. Од претходни студии е откриена важноста на овој витамин, кој како што велат научниците, помага да не се дебелееме и го чува срцето здраво, го поттикнува производството на азотна киселина која го регулира протокот на крв и која спречува нејзино згрутчување.

Витаминот Д помага во превенција и лекувањето на низа заболувања – ова се сите информации кои треба да ги знаете

Ивана Ефремовски — Wed, 09 Mar 2022 14:01:46 +0000

Кога човековото тело е изложено на сонце, по природен пат се создава витамин Д, кој е познат и како сончев витамин. Витаминот Д, заедно со витамините А, Е и К спаѓаат на групата витамини растворливи во масти. Зошто ни е потребен витаминот Д? Главната улога на витаминот Д е да му помага на организмот да ги искористи калциумот и фосфорот, минерали кои се од особено значење за здравјето на коските и забите. Покрај тоа, витаминот Д е одговорен да ја контролира потребната количина на калциум која ќе се апсорбира од храната, а е значајно да се вгради во коските. Денес познато е дека витаминот Д помага во превенција и лекувањето на заболувања како што се:

рак на дојката, на простатата и дебелото црево
мултиплекс склероза
алцхајмеровата болест
зголемен крвен притисок
алергиски реакции
го зајакнува имунолошкиот систем
помага во борба против настинката
го одржува здравјето на мозокот во постарите години
помага во одржувањето на здрава телесна тежина

Храна богата со витамин Д Сонцето е најважен извор на витамин Д, но покрај треба да се конусмира храна која е богата со овој витамин. Најдобри извори на храна која е богата со витамин Д се:

рибиното масло
јајца
путер
сирење
млеко
харинга, лосос, сардина и пастрмка
шампињони

Недостиг на витамин Д

Недостигот од витамин Д е последица на неправилна исхрана и недоволно изложување на сончева светлина. Тоа доведува до намалена апсорпција на калциум, што резултира со појава на рахитис кај децата, а кај возрасните до остеомалација (омекнување на коските) и остеопороза (намалување на густината на коскените ткива).

Телото ви ги дава ОВИЕ знаци дека има недостиг на витамин Д: Не ги игнорирајте, ќе си го уништите здравјето

Ивана Ефремовски — Fri, 25 Feb 2022 08:11:57 +0000

Недостигот од витамин Д го загрозува здравјето. Единствен одговор е превенцијата Најчести симптоми од недостиг од витаминот Д се замор, сонливост, премаленост, мускулна слабост, намален праг на болка, депресија, потење на главата, ексцентричност, сува кожа, кршлива коса и бавно заздравување рани. Недостигот од витаминот Д влијае врз појавата на повеќе болести, како што се: остеопороза, рахитис, кардиоваскуларни болести, депресија, шизофренија, Алцхајмерова болест и деменција (од 70 до 90 отсто од пациентите со Алцхајмерова болест имаат недостиг од витамин Д), респираторни заболувања, псоријаза, дијабетес мултиплекс склероза, аутизмот, болести на непцата и губиток на забите, пораст на стерилитет меѓу младите, еректилна дисфункција, ревматоидни артритис, рак на дојка (25 отсто поголем ризик кај жените што имаат помалку од 20 мг витамин Д), рак на простата, рак на дебело црево… Витаминот Д е липосолубилен стероиден прохормон, кој го има во две форми: – Д2 (ergocalciferol) и има егзогено потекло, може да се најде во храна и Д3 (holecalciferol), се синтетизира од 7-дехидрохолестерол како последица на сончева ултравиолетова радијација на кожата. Првата се одвива во црниот дроб и се добива 25 (OH) витамин Д (калцидиол), а втората се одвива во бубрезите и се добива активен 1,25 (OH) 2 витамин Д. Извори на витаминот Д се храна и суплементи 10-20 отсто и фотосинтеза во кожата 80-100 отсто, а ризичните фактори се престој во затворена просторија, луѓе со темен тен, со прекумерна тежина, постари лица, прекумерно консумирање алкохол, лица со болести на бубрезите и црниот дроб, алергија на млеко и интолеранција на лактоза и друго. Решението за користењето на витаминот Д е изложување на сончева светлина, што е бесплатно, но без претерано сончање, како и користење суплементи. Витаминот Д, според ова нејзино истражување, придонесува за поздрава кожа, управува со растот на клетките, ги запира воспалителните процеси и го контролира нивното размножување и е многу корисен во борбата против ракот, ги регулира хормоните, луѓето имаат поздрава коса, коски, подобра состојба со забите, посилен имун систем.

Израелска студија: Конечно знаеме дали витаминот Д е важен во лекувањето на Ковид

Ристе Здравков — Sat, 12 Feb 2022 09:47:50 +0000

Витаминот Д навистина може да помогне во борбата против коронавирусот, сугерира студијата на израелските научници кои тврдат дека ги имаат најубедливите докази досега. Претходните истражувања за врската помеѓу овој витамин и коронавирусот беа критикувани, бидејќи биле забележани само нивоата на витамин Д кога пациентот веќе бил во болница. Познато е дека поради короната се намалува нивото на витамини, што според критичарите може да резултира со погрешни наоди. За да се надмине ова ограничување, во нивната последна студија, истражувачите од Универзитетот во Бар Илан и медицинскиот центар Галилео ги испитувале досиејата на пациентите две години пред да им биде дијагностициран коронавирус. Тие откриле дека луѓето на кои постојано им недостига витамин Д имаат и до 14. пати поголеми шанси да заболат од сериозната болест, а ги земале предвид и другите здравствени проблеми како и возраста на пациентите. Витаминот Д е важен за помагање на имунолошкиот систем правилно да реагира на вирусот, велат научниците. Сепак, тие не можеле да докажат дека повисоките нивоа на витамин Д се единствениот фактор што влијае на подобри резултати на болеста кај пациенти со корона. Д-р Амиел Дрор, доктор во RMC и еден од авторите на студијата, рекол дека резултатите се важни и за варијантата Омикрон, која ја прележале испитаниците во студијата. Оваа студија се надоврзува на некои претходни, сугерирајќи дека „витаминот од сонцето“ може да помогне во заштитата од вирусот. Витаминот Д, кој го има и во масната риба, црвеното месо, црниот дроб и жолчката од јајцето, го подобрува општото здравје и ги зајакнува коските и мускулите. Недостатокот на витамин Д е ендемичен на Блискиот Исток, вклучувајќи го и Израел, каде што се смета дека речиси четири од пет луѓе имаат недостаток на витаминот. Една израелска студија, објавена во списанието PLOS One, вклучувала набљудување на пациентите за време на првите два брана на пандемијата во земјата пред да биде широко распространета достапноста на вакцината.

НАЈНОВО ИСТРАЖУВАЊЕ: Витаминот Д е клучен во зашититата од коронавирусот, еве зошто е тоа така

Магдалена Андонова — Tue, 08 Feb 2022 21:45:47 +0000

Студијата објавена во списанието PLOS One покажа дека околу половина од луѓето на кои им недостасува витамин Д развиле тешка форма на болест на ковид-19, во споредба со помалку од 10 проценти од луѓето кои имале доволно нивоа на витаминот во нивната крв. Знаеме дека витаминот Д е од големо значење за здравјето на коските, но неговата улога во заштитата од тешката форма на ковид-19 е помалку позната. Најновата студија е прва што ги испитува нивоата на витамин Д кај поединци пред да се заразат со Ковид-19, велат авторите на студијата. „Откривме дека е неверојатно да се види разликата од ризикот од сериозно разболување на лице кога има недостаток на витамин Д во споредба кога лицето има доволно ниво на овој витамин“, велат авторите на студијата. Авторите велат дека резултатите сугерираат дека витаминот Д помага да се зајакне имунолошкиот систем за да се справи со вирусите кои го напаѓаат респираторниот систем. „Ова е релевантно за омикрон како и за претходните соеви“, велат тие. Истражувањата не докажуваат дека витаминот Д штити од ковид-19 и не е зелено светло за избегнување вакцини. Вакцините го намалуваат ризикот од хоспитализација поради омикрон, особено по засилената доза, до 90 отсто, според Британската агенција за здравствена безбедност. Повеќето витамин Д доаѓа од директното изложување на кожата на сончева светлина. Го има и во храната како што се мрсната риба, печурките и жолчките од јајце, како и суплементите, објави Сајенс Алерт.

Знаци дека на вашето тело му недостасува витамин Д

Ивона Петрова — Sat, 29 Jan 2022 21:15:18 +0000

Витаминот Д е многу важен за организмот. Најголемиот извор на овој витамин е изложување на сонце. Витаминот Д помага во одржување на здравјето на коските преку калциумот. Недостатокот на витамин Д не само што ги ослабнува коските, туку може да предизвика некои компликации како на пример: Пропаѓање на коските Замор Вишок килограми Опаѓање на косата Боли во телото, особено грбот Чести настинки Бавно зараснување на рани