витамини – Kurir.mk

Од денеска повисоки цени на витамините, суплементите за деца, пробиотиците, антидепресивите

Ивона Петрова — Fri, 13 Oct 2023 06:15:32 +0000

Суплеменетите за исхрана, витамините и антидепресивите од денеска со повисока цена. На дополнителни 500 производи се зголемува ДДВ од 5 на 10%. Меѓу нив се витамините за трудници, додатоци на исхрана неопходни за раст и развој на доенчиња и деца, мултивитамински препарати кои содржат Б, Д и Е витамин, магнезиум, витамин Ц од 1.000 милиграми, препарати за поддршка на работа на црниот дроб, простатата, очите, кесички со електролити за дехидратација, пробиотици, додатоци за вознемиреност или несоница. По однос на поскапувањето на цигарите, од Министерството за финансии појаснуваат дека зголемената акциза ќе се применува од 1 јануари, со што тие нема да поскапат од денеска. Кај дел од прехранбените производи пак, кои беа ставени на листата луксузни, данокот ќе се врати на 5%. Од власта признаваат дека имале пропусти во одлуките.

На вашиот мозок му требаат ОВИЕ витамини – еве како му помагаат

Ивана Ефремовски — Mon, 21 Aug 2023 20:49:10 +0000

Правилната исхрана е исклучително важна за правилна работа на мозокот. Недостатокот на одредени нутриенти во исхраната не само што влијае на нашето здравје, туку и на правилното функционирање на мозокот. Недостатокот на одредени витамини води не само до снижени когнитивни способности на мозокот, туку и до намалување на енергијата, па дури и до депресија. Затоа, ако сакате да ја подобрите концентрацијата, да ја зајакнете продуктивноста и способноста за учење, неопходно е да внимавате да внесувате доволно од следните витамини: Витамин Е Овој витамин има важна улога во мозокот и централниот нервен систем. Невроните – клетки кои овозможуваат правилна комуникација помеѓу мозокот и остатокот од телото. Градбата на невроните ја сочинуваат холестеролот и полинезаситените масни киселини до чие оштетување најчесто доаѓа со оксидација. Витаминот Е е моќен антиоксиданс кој ја штити структурата на неуроните од оксидација. Бадемите, зелениот лиснат зеленчук, сончогледовото масло и лешниците имаат големи количини витамин Е. Витамини Б Меѓу важните соединенија за правилна работа на мозокот се и витамините Б. Комплексот од витамини Б подразбираат витамини Б1(тиамин), Б2 (ниацин), B5 (пантотенска киселина), Б6 (пиродоксин), Б7 (биотин), Б9 (фолна киселина) и Б12 (кобаламин) кои заедно играат витална улога во одржувањето на правилна работа на мозокот. Се смета дека губитокот на помнењето кај постарите луѓе е предизвикан токму поради недоволното внесување на витамини Б комплекс. Б витамините му помагаат на мозокот да го оствари својот полн потенцијал – не прават енергични, позитивни и фокусирани на дневна база додека долгорочно ја подобруваат меморијата и здравјето на мозокот. Витамин Д3 Витаминот Д3 е еден од најдобрите суплементи кои можете да ги земете доколку сакате да ја зголемите концентрацијата. Покрај тоа, овој витамин е заслужен и за правилно функционирање на нервите и на повеќе од стотина различни телесни процеси. Најдобар извор на витамин Д3 се млекото и млечните производи како и животинското месо, поради што дефицит на витамин Д3 најчесто се јавува кај вегетаријанците и веганите.

НЕ ГИ ИГНОРИРАЈТЕ: Телото ви дава знаци кога има потреба од витамини

Ивана Ефремовски — Thu, 22 Dec 2022 20:39:58 +0000

Во продолжение неколку знаци на витамински дефицит и нивната нутритивна терапија. Пукнатини на усните агли Дефицит: железо, цинк, Б витамини (Б3, Б2, Б12). Почесто се јавува кај вегетаријанци или вегани, бидејќи тие го избегнуваат главниот извор на Б12 – месото. Невегетаријанската опција е повеќе пилешко, туна, лосос, јајца, школки, а за вегетаријанците повеќе сушени домати, темно листести растенија, легуминози, таан, кикирики. Апсопцијата на железото се зголемува во присуство на Ц витамин повеќекратно, па храната со железо комбинирајте ја со храна богата со Ц витамин: зелена пиперка,зелка, проќељ, карфиол, брокули. Црвенa боја на лицето и на други регии, како и паѓање на косата Дефицит: Биотин (Б7). Додека телото лесно си прави депо од сите липосолубилни витамини како К, А, Д и Е, тоа потешко се случува со хидросолубилните како што е целата Б група. Во бодибилдерските кругови треба да се запази следното: живите јајца содржат еден протеин наречен авидин кој ја иннхибира апсопцијата на Б7. Токму кај бодибилдерскиот проблем со авидинот лесно е решението, посегнете по варени јајца, бидејќи термичката обработка го уништува авидинот, а за повеќе биотин јадете авокадо, печурки, лосос, карфиол, соја, банани и малини. Црвени и бели налик на акни промени типично на образите, рацете, бутовите и задникот Дефицит: Есенцијални аминокиселини и витамини А и Д Намалете ги транс мастите од процесираната храна и сатурираните масти и зголемете го внесот на здрави масти. Повеќе риба, ореви, бадеми, лененово семе, чија, коноп. За повеќе А витамин прошарајте ја вашата чинија со моркови, благ компир, црвени пиперки богати со бетакаротени (прекурсори на А витамин). А за витамин Д повеќе млеко и млечни производи и фатете некаде на плажа. Пецкање, боцкање и вкочанетост во дланките и стапалата Дефицит: Б витамини, фолати (Б9), Б6, Б12. Овој симптом е директно поврзан со завршетоците на нервните влакна во кожата, а често ваквите сензации може да бидат пропратени и со депресија, анемија, анксиозност. Репки, гравче и други легуминози, јајца, октопод, пилешко, школки, ракчиња се богати со Б витамини и погрижете се често да ги имате на вашата трпеза. Мускулни грчеви во вид на пободувачка болка во прстите на нозете, потколената и задниот дел од нозете Дефицит: магнезиум, калциум, калиум. Ако се случува почесто тогаш мора да помислите на дефицит на некој од овие минерали. И запамтете колку повеќе вежбате толку повеќе електролити губите како резултат на потењето. Јадете повеќе банани, домати, бадеми, лешници, тиква, цреши, јаболка, цитрон,брокули и темно листести растенија како ќељ и спанаќ.

Во сезоната на вируси и настинки: На сите ни се потребни ОВИЕ витамини

Ивана Ефремовски — Fri, 25 Nov 2022 07:50:37 +0000

Витамините и минералите ни се повеќе од потребни во сезоната на грипови и настинки и понекогаш мора да ги внесуваме преку суплементи, но за среќа ги има и во храната. Бројни истражувања покажале дека витамините А, Ц и Е, како и фолната киселина се задолжителни преку зима, кога се зачестени настинките и сезонскиот грип. Затоа, потребно е во редовната исхрана да внесеме намирници кои ги содржат токму овие хранливи состојки. Витамин Ц Витаминот Ц го има во свежо цедените сокови од цитруси. Овие сокови не ги консумирајте наутро кога сте гладни, туку задолжително по оброк. Витаминот Ц го зајакнува имунитетот, но и го забрзува заздравувањето на раните и штити од инфекции. Витамин А Го има во млечната храна, месото, јајцата и рибата. Овој витамин помага во обновување на епителното ткиво и ја чува кожата од патогени напаѓачи. Тој е задолжителен дел од животниот циклус на клетките и ткивата. Недостатокот на витамин А предизвикува сувост на кожата и намалување на нејзината еластичност. Витамин Е Витаминот Е најлесно ќе го внесете преку маслиновото масло и тоа во доза од 4 полни лажици во денот. Некои луѓе го пијат маслото, а други оваа количина ја додаваат во храната. Исто така, го има и во јатките како што се бадеми, кикирики и ореви, а потоа и во сусамот и ротквиците. Консумирајте ги овие намирници свежи, бидејќи високите температури го уништуваат витаминот Е. Фолна киселина Ја има во зелениот листест зеленчук и интегралните житарици. Помага при обновување на леукоцитите, кои се неопходни за заштита на телото. Фолната киселина припаѓа на групата на Б-витамини, ја подобрува циркулацијата и ги регулира аминокиселините.

Неопходни за нормално функционирање на организмот: Минерали кои се од пресудно значење за здравјето

Ристе Здравков — Thu, 17 Nov 2022 14:29:45 +0000

Дали ги внесувате сите хранливи материи кои му се неопходни на вашиот организам? Иако правилната и здрава исхрана секогаш е на прво место на дневниот ред, некогаш забораваме на дел од есенцијалните хранливи материи кои ни се неопходни. ВИТАМИН Д Витаминот Д го подобрува здравјето на коските, ја регулира работата на метаболизмот, го скротува гладот и го подобрува имунолошкиот систем. Затоа, не е воопшто чудно што во зима, кога сме скриени од сончевата светлина, има многу повеќе настинки. Ако не можете да излегувате почесто за да ги впиете сончевите зраци, внесувајте повеќе храна богата со овој витамин: харинги, лосос, сом, остриги, сардини, туна, ракчиња, јајца, итн. ОМЕГА-3 Омега-3 масните киселини имаат неверојатни карактеристики кои го подобруваат здравјето. Масните киселини се основната материја од која се создаваат мастите, а овој вид е најздравиот за човечкиот организам. Со помош на омега-3 се намалуваат воспаленијата, се спречува настанувањето на тромбови, се подобрува здравјето на клетките и се поправаат клеточните мембрани. Омега-3 масните киселини се полинезаситени масти, кои придонесуваат за оптимално кардиоваскуларно здравје, преку намалувањето на триглицеридите и штетниот ЛДЛ холестерол. Со оглед на тоа што човечкото тело не може самостојно да создаде омега-3, овие масни киселини мора да се внесуваат преку исхраната. Најзастапени се во: лосос, туна, сардини, ореви, ленено семе, див ориз и одредени млечни производи. ВИТАМИН Е Витаминот Е е моќен антиоксиданс кој ги заштитува клетките од слободните радикали и во одредена мера може да го намали ризикот од Алцхајмерова болест, иако ова сѐ уште не е научно потврдено. Витаминот Е е најзастапен во: сончоглед, пченични никулци, бадеми, лешници, кикиритки, маслиново масло, зеленчук и житарки. КАЛЦИУМ Калциумот е најзастапен минерал во човечкото тело, кој се врзува со витаминот Д и нѐ одржува во врвна форма, ја регулира функцијата на нервите и го одржува крвниот притисок на здраво ниво. Недоволниот внес на калциум доведува до повишен крвен притисок, а најдобар начин за снабдување со овој минерал е преку природни извори, т.е. преку храната. Оптималната дневна доза е 1.000 милиграми за возрасни лица од 19 до 50 години и 1.200 за оние над 50 годишна возраст. Трудниците и доилките имаат потреба и од поголема доза. Најдобри извори на калциум се: портокали, сардини, брокула, јаткасти плодови, семиња, лосос, кајсии, тофу, смокви и млечни производи. МАГНЕЗИУМ И магнезиумот е минерал кој е клучен за одржување на здравјето на коските, а сепак се јавува недостиг од овој минерал кај повеќе од половина од населението. Магнезиумот, исто така, помага при регулацијата на циркулацијата на крвта, одржување на кардиоваскуларното здравје и помага при опуштањето на мускулите и нервниот систем. Најдобри извори се: јаткасти плодови, сончоглед, темно чоколадо, тиква, краставица, грав и житарки. ВИТАМИН Ц Овој супер антиоксиданс е клучен за одржување на добрата состојба на имунолошкиот систем, заздравувањето на раните, заштитата од рак и борбата против слободните радикали. Препорачаната дневна доза за мажи е 75 милиграми, додека за жени е 90 милиграми. Најдобри извори на витамин Ц се: брокула, пиперки, карфиол, магдонос, лимон, јагоди, зелка, домати, киви, папаја и речиси сите други видови овошје и зеленчук кои содржат барем малку витамин Ц.

Даваат ЕНЕРГИЈА, полни се со витамин Д, го намалуваат ВОСПАЛЕНИЕТО: Овие намирници се најдобрата ХРАНА за МОЗОКОТ

Ристе Здравков — Fri, 11 Nov 2022 15:25:02 +0000

Мозокот е нашиот компјутер кои работи 24 часа дневно и е најголем потрошувач на киселините и енергијата. Кога забораваме додека сме млади тоа е во ред, но заборавањето во подоцнежните години станува зачестено и често е застрашувачко искуство. Со текот на годините се помалку успеваме да останеме концентрирани, бидејќи мозокот е единствениот орган кој не се регенерира со годините. Затоа, редовно консумирајте ја оваа „паметна” храна за подобро помнење и полесно размислување: Рибино масло Рибиното масло како дел од секојдневната исхрана, ви ја подобрува меморијата и ве прави попаметни. Стручњаците велат дека омега-3 масните киселини, кои ги има во сардините, се одлична храна за вашиот мозок. Јајца Преполни со витамини и минерали, тие се одлична храна за мозокот. Јајцата се извор на јодот и железото, но и на витаминот Б12 и најдобро би било да ги консумирате барем два пати неделно. Железото создава црвени крвни садови кои ја пренесуваат киселината до мозокот, а јодот пак, ја подобрува концентрацијата и способноста за решавање на проблемите. Зелен чај Дали знаете дека човечкиот мозок содржи 80% на вода? Токму и затоа пиењето 8 чаши вода дневно е од суштинско значење за нашиот мозок и воопшто за функционирање на целиот организам. Зелениот чај би можел да биде одлично дополнување. Со три чаши дневно од овој чај, вие го подобрувате помнењето, а антиоксидансите кои тој ги содржи ве штитат од деменција, односно оштетување на мозокот. Чоколадо Но не било каква чоколада, туку темната чоколада или чоколадата за готвење се одлични за подобрување на когнитивната способност. Стручњаците уште додаваат, дека состојките кои се наоѓаат во оваа чоколада влијаат врз создавањето на нови спомени и го подобруваат протокот на крвта во мозокот. Зеленчук Зеленчукот како спанаќ и блитва е преполн со витамин Ц и бета-каротен. Исто така, тие зеленчуци содржат состојки кои се од клучно значење за подобрување на нашата меморија.

Оваа есенска салата е полна со витамини- ќе ви биде ХИТ

Катерина Бојаџиева — Mon, 31 Oct 2022 17:11:02 +0000

Есенска салата полна со витамини … Потребно е: 250 г цвекло 150 г рукола 100 г сирење 2 шаки јаткасти плодови (ореви, бадеми или лешници) 100 г листови млад спанаќ 2 лажици јаболков оцет 2 лажици маслиново масло сол и бибер Подготовка: – Цвеклото измијте го убаво и сварете го. Оставете го да се излади, излупете го и исечете го на коцки. – Убаво измијте ги листовите спанаќ. Јаткастите плодови исецкајте ги на помали парчиња. Исто и сирењето исечете го на коцки. – Во еден сад ставете ги оцедот и маслиновото масло и изматете ги со вилушка. Додадете сол и бибер, по вкус. – Во чинија за сервирање ставете ги сите состојки и на крај прелијте ги со подготвениот прелив.

Колку мандарини дневно треба да јадете?

Ристе Здравков — Fri, 14 Oct 2022 07:02:17 +0000

Кога ќе започнат ладните есенски денови, веднаш си го замислуваме мирисот на првите мандарини. Мандарини се во служба на нашето здравје, но и против вишокот килограми – започнува нивната сезона во која тие ќе се продаваат по достапни цени. И она што е најважни дека тие содржат навистина малку калории, што ги прави и доста посакувани за консумација во текот на целиот ден или речиси неограничено. Во еден килограм мандарини има вкупно 354 калории, а огромна количина на витамин Ц и други хранливи материи. Ова вкусно и сочно портокалово овошје е всушност толку моќно што може секој од нас да го расположи. А како и не би го направило тоа кога е толку многу здраво! Мандарините се и толку многу вкусни што речиси и да не постои некој на овој свет кој што не ги сака. Меѓутоа, дали знаете дека тие за нашиот организам претставуваат нешто многу повеќе од само вкусен десерт? Мандарините го намалуваат ризикот за добивање на рак Мандарините можат да ја намалат можноста за добивање на рак на црниот дроб. Всушност, научниците на Универзитетот Кјото откриле дека луѓето кои имаат хроничен вирусен хепатит можат да го намалат ризикот за добивање на рак на црниот дроб ако пијат сок од свежи мандарини. Во едногодишната студија во која учествувале лица кои имале вирусен хепатит, 30 од испитаниците на дневно ниво консумирале напиток кој содржел сок од мандарини. На крајот од ова истражување, ниту еден од овие испитаници не покажал знаци на рак на црниот дроб. За разлика од нив, помеѓу 45 учесници кои не го пиеле овој пијалок, 8.9 отсто од нив развиле рак на црниот дроб. Мандарините се одличен извор на Витамин Ц Мандарините можат да ви дадат и до 80 отсто од потребниот дневен внос за витамин Ц. А витаминот Ц е и повеќекратно корисен, на пример во борбата со слободните радикали. Тоа се молекули со непарен број на електрони кои го бараат својот пар со што “крадат” електрони од стабилните слободни радикали. Ова предизвикува таканаречена верижна реакција, односно премин од стабилни радикали во нестабилни, што на крајот може да доведе и до телесни оштетувања како што се оштетувања на протеините и оштетување на ДНК-та. Антиоксидансите помагаат да се спречи оваа верижна реакција и да се запрат ваквите оштетувања, а тоа, меѓу останатото го зајакнува и имунитетот. Мандарините влијаат на холестеролот Антиоксидансите во мандарините можат да го намалат нивото на лошиот холестерол. Тоа го постигнуваат борејќи се против слободните радикали кои го оксидираат холестеролот, а така тој лесно се наталожува на ѕидовите на артериите. Наталожениот холестерол прави всушност крвта да започне да тече забавено во артериите, што може да го зголеми ризикот за добивање на зголемен крвен притисок, мозочен удар, болести на срцето и заболувања на црниот дроб. Мандарините ќе ви помогнат во борбата со килограмите Мандарините се голем извор на диететски влакна, дури 3 грама влакна на 100 грама производ. Редовното внесување на влакна помага да чувствуваме ситост, а според истражувањата, на децата и на возрасните им е потребно да внесат околу 20 грама влакна дневно. Меѓутоа, можеби би требало да внесувате и малку повеќе, завосно од количеството на калории кои ги консумирате. На пример, мажите и тинејџерите можеби би требало да внесат околу 30 до 35 грама влакна дневно. Консумирањето на мандарини ќе ја задоволи оваа дневна потреба, и тоа на апсолутно вкусен начин.

Не успевате да ослабнете? Причината може да биде недостаток на овој витамин во телото

Ристе Здравков — Sat, 25 Jun 2022 07:12:17 +0000

Патот до слабеење не е воопшто лесен. Потребна е посветеност, континуитет и пожртвуваност, пишува Мирор. Здравата исхрана, редовното вежбање и намалувањето на нивото на стрес ќе го забрзаат слабеењето. Сепак, понекогаш постојат голем број фактори кои можат да го оневозможат губењето на тежината. Статусот на хормони, минерали и витамини во телото е поврзан со метаболички нарушувања кои го нарушуваат телото за да го изгуби вишокот килограми. Според најновото истражување, недостатокот на витамините Д и Б12 може да го забави слабеењето. Витаминот Д е клучен во градењето на коските, а истражувањата докажуваат дека може да помогне во намалувањето на растот на клетките на ракот. Витаминот Б12 е потребен за формирање на црвени крвни зрнца, а недостатокот на овој витамин може да доведе до замор, запек, мускулна слабост, губење на меморијата и промени во расположението. Неодамнешните истражувања покажаа дека дебелите луѓе имаат помал статус на витамин Д во крвта. Студијата објавена во Националната медицинска библиотека ја разгледа важноста на витаминот Д3 за време на слабеењето. Во истражувањето учествувале 218 дебели жени на возраст меѓу 50 и 75 години. Сите беа подложени на рестриктивна програма за исхрана и вежбање. Половина од жените внесувале витамин Д за време на слабеењето, додека другата половина примале плацебо. На крајот од студијата, беше откриено дека жените кои земале витамин Д изгубиле повеќе килограми (дури три килограми повеќе) за време на слабеењето од оние кои земале плацебо. Од друга страна, недостатокот на витамин Б12 може да доведе до постојан проблем со тежината. Објаснувањето е едноставно: кога нашето тело е надвор од природна рамнотежа, тој реагира со забавување на метаболизмот, задржување на масни наслаги и согорување на помалку калории од вообичаеното. Докажано е дека и двата витамини помагаат во подигнување на расположението, а на сите кои сакаат да ослабат се советуваат да го проверат нивото на овие витамини во телото и да се консултираат со лекар.

ВНЕСОТ НА ОВИЕ 5 МИНЕРАЛИ Е ИСКЛУЧИТЕЛНО ВАЖЕН: Без нив телото започнува побрзо да старее, а имунитетот да опаѓа!

Магдалена Андонова — Thu, 16 Jun 2022 13:26:09 +0000

Сите знаеме дека ако сакаме добро здравје, мора да му обезбедиме на организмот доволно витамини. Витамините се хранливите суперхерои за кои сите зборуваат, но минералите заслужуваат еднаков удел во оваа приказна. Истражувањата покажуваат дека тие играат клучна улога во силата и флексибилноста на мускулите, густината на коските и здравјето на срцето и белите дробови. Внесувањето на доволна количина на минерали е многу важно за правилно функционирање на тироидната жлезда, но и за одржување на младоста. Во лето, особено е потребно да се јадат поголеми количини на минерали, бидејќи тие се губат преку потење. Затоа е добро да знаете кои пет најважни минерали треба да ги земате секој ден. Железо На телото очајно му треба железо, бидејќи кислородот се пренесува преку него преку телото. Кога не внесувате доволно железо, вие сте уморни и слаби, а тоа чувство може да стане навика ако не го зголемите внесувањето на ваков важен минерал. Витаминот Ц ја подобрува апсорпцијата на железо во организмот, па затоа би било добро да јадете храна што содржи и хранливи материи, кои вклучуваат брокула, спанаќ и друг лиснат зелен зеленчук. Калциум Истражувањата покажаа дека внесувањето доволно калциум во детството помага да се достигне максимална коскена маса до 18-годишна возраст, што ја намалува можноста за развој на остеопороза подоцна во животот. Калциумот е важен за раст и развој на коските, а е особено важен за децата. Може да се најде во млечни производи, но и во растенија како што е спанаќот. Магнезиум Магнезиумот, исто како и калциумот, е важен за здравјето на коските, но исто така и за енергијата. Ако не внесувате доволно магнезиум во вашето тело, веројатно ќе се чувствувате премногу уморни. Истражувањата покажаа дека магнезиумот придонесува за подобар сон, и ни овозможува да имаме доволно енергија во текот на денот. Покрај тоа, истражувањата покажаа дека магнезиумот ги ублажува симптомите на предменструалниот период. Ќе го најдете во семки од тиква, кикирики, бадеми, ореви, но и растенија како спанаќ, брокула, грашок и слично. Цинк Цинкот е многу важен за развој на когнитивни функции и подобра меморија, а исто така му помага на телото да произведе важен тироиден хормон познат како Т3. Ќе го најдете во грав, ореви, цели зрна, како и морска храна. Калиум Помага во регулирање на крвниот притисок, поради што е исклучително важен кога станува збор за здравјето на срцето, а исто така игра важна улога во функционирањето на нервниот систем. Бананите се одличен извор на калиум, а зелениот зеленчук, сладок компир и лосос исто така го содржат.