витлеем – Kurir.mk

Верниците доаѓаат во Витлеем по повод Божиќ

Тале Кристо — Sat, 24 Dec 2022 12:18:47 +0000

Градот Витлеем, каде според христијанската традиција е роден Исус, е подготвен да ги пречека верниците кои доаѓаат од целиот свет да го прослават Божиќ во Светата земја според Грегоријанскиот календар. Тој град на западниот брег планира свечености во и околу црквата на Христовото раѓање. На плоштадот Мангер пред црквата е поставена елка висока 15 метри. Архиепископот Пјербатиста Пикабала, највисокиот функционер на Римокатоличката црква на Блискиот Исток, утринава пристигна од Ерусалим во Витлеем. Тој ќе отслужи полноќна миса во храмот на Христовото раѓање во присуство на палестинскиот претседател Махмуд Абас. Црквата била изградена на местото на раѓањето на Исус во 4 век, но била повторно изградена по пожар што избувнал два века подоцна. Помалку христијани од Појасот Газа ќе присуствуваат на божиќните прослави оваа година отколку порано, бидејќи Израел им даде дозволи на околу 200 од 900-те луѓе кои аплицираа. Помеѓу палестинските територии на Појасот Газа и Западниот Брег е Израел, а за да се стигне од една на друга територија потребни се дозволи што тешко се добиваат.

Илјадници верници во Витлеем го прославија Бадник и Божиќ

Катерина Бојаџиева — Wed, 25 Dec 2019 11:18:15 +0000

Илјадници христијански верници синоќа се собраа во Витлеем каде што се родил Исус, по повод Бадник и прослава на Божик по Грегоријанскиот календар. Во Црквата на раѓањето имало и палестински официјални лица, меѓу кои и палестинскиот претседател Махмуд Абас. Полноќна миса служеше највисокиот католички свештеник на Блискиот исток, надбискупот Пјербатиста Пикабала. Тој зборуваше за насилството и длабоките поделби што ја карактеризираат Светата земја, но и ги пофали оние кои го следат она што го нарече „Стилот на Витлеем“ или примерот на Исус. – Славењето на Божик значи и славење на оние кои и понатаму имаат желба да го сакаат човештвото и да се посветат на тоа. Овде во Светата земја, не само денеска, туку и секој ден во годината се уште има многу луѓе кои го слават Божик на Исусов начин, рече надбискупот. Тој во вторникот дојде од Ерусалим во Витлеем оценувајќи дека времето е тешко, но и дека има причини за надеж. – Гледаме во овој период слабост на политиката, огромни економски проблеми, невработеност, тешкотии во семејствата, рече надбискупот и додаде дека сепак посетува семејства и заедници и гледа дека постои многу посветеност за иднината.

Дел од колевката на Исус Христос се враќа во Витлеем

Ивана Ефремовски — Sat, 30 Nov 2019 14:02:59 +0000

Парчето дрво за кое се верува дека е дел од колевката на Исус Христос ќе биде вратено во Витлеем, откако повеќе векови се чува во Европа. Папата Франциск нареди дека ова парче дрво со историска вредност да биде пренесено од римската базилика Света Марија во родниот град на Исус како подарок. Реликвијата, која се чува во Рим уште од седмиот век, краток период е изложена во Ерусалим, пред да го продолжи патот за Витлеем, за таму да биде за време на прославата на Божиќните празници, пренесува Би-Би-Си. Малиот дел од колевката на Исус заврши во Рим откако ерусалимскиот патријарх Свети Софроние му го поклонил на тогашниот папа Теодор Први.