Еминем побара претседателскиот кандидат Рамасвами да не користи негова музика во кампањата

Тале Кристо — Tue, 29 Aug 2023 19:25:36 +0000

Претендентот за републикански претседателски кандидат Вивек Рамасвами доби барање од рап пејачот Еминем да престане да ја користи неговата музика на своите митинзи, јави денеска Си-ен-ен. BMI, организација за изведувачки уметности, ја информирала кампањата на Рамасвами а по барање на Еминем, дека нема да дозволи лиценца за употреба на музиката на раперот на кампањата. „Добивме комуникација од Маршал Б. Метерс, професионално познат како Еминем, со приговор до кампањата на Вивек Рамасвами за употреба на музичките композиции на Еминем“, се вели во писмото датирано 23 август, јавија синоќа западните медиуми. На 17 август, за време на настап во Ајова заедно со гувернерот Ким Рејнолдс, Рамасвами го започна митингот со караоке рапување на песната од Еминем „Lose Yourself“. Тој му кажа на Рејнолдс дека оваа песна би ја користел за излегување на сцената. На 38-годишна возраст, Рамасвами е досега најмлад претседателски кандидат од репубиканците. Милјардерот од технолошкиот сектор се надева на успех во кампањата со подршка од помладата генерација на републиканскиот избирачи. Toj вети дека ако биде избран за претседател на САД ќе ја признае руската окупација на Украина и ќе го блокира нејзиното членство во НАТО. - За таа цел, ќе ја прифатам руската контрола врз окупираните територии и ќе ветам дека ќе ја блокирам кандидатурата на Украина за НАТО во замена за повлекувањето на Русија од воениот сојуз со Кина. Ќе ги укинам санкциите и ќе ја вратам Русија на светскиот пазар, посочи Рамасвами. Инаку, светски познатата ѕвезда Еминем, потсетуваат американските медиуми, во минатото повеќе пати јавно критикувал републикански практики. Тој има и песна во која го критикува тогашниот претседател Џорџ Буш, како и една против Допналд Трамп.

Рамасвами ветува дека ќе ја признае руската окупација на Украина и ќе го блокира членството на Киев во НАТО

Тале Кристо — Tue, 29 Aug 2023 15:15:51 +0000

Кандидатот за претседателска номинација на Републиканска партија, Вивек Рамасвами вети дека ако биде избран за претседател на САД ќе ја признае руската окупација на Украина и ќе го блокира нејзиното членство во НАТО. - Како претседател на САД, ќе го почитувам и оживеам наследството на (Ричард) Никсон со отфрлање на крвожедните муабети на корисните идиоти кои проповедаат непобедлива војна во Украина што ги принудува нашите две непријателски уште повеќе да се зближат … колку подолго трае војната во Украина, толку појасно станува дека има само еден победник – Кина, посочи Рамасвами. Тој истакнува дека по примерот на поранешниот американски претседател Никсон, сака во 2025 година да ја посети Москва со цел „да испорача мир во Украина, под услови американските интереси да бидат на прво место“. - За таа цел, ќе ја прифатам руската контрола врз окупираните територии и ќе ветам дека ќе ја блокирам кандидатурата на Украина за НАТО во замена за повлекувањето на Русија од воениот сојуз со Кина. Ќе ги укинам санкциите и ќе ја вратам Русија на светскиот пазар, посочи Рамасвами. Според рејтингот, 38-годишниот Рамасвами е меѓу првите три кандидати за претседателска номинација. Тој е најмладиот републикански кандидат кој учествувал на претседателските избори во САД. Претходно се занимаваше со успешен бизнис во областа на биотехнологијата.

Вивек Рамасвами – Kurir.mk

Еминем побара претседателскиот кандидат Рамасвами да не користи негова музика во кампањата

Рамасвами ветува дека ќе ја признае руската окупација на Украина и ќе го блокира членството на Киев во НАТО