Владата – Kurir.mk

Ковачевски со порака по повод Меѓународниот ден на сеќавањето на жртвите од холокаустот

Ивана Ефремовски — Fri, 27 Jan 2023 12:32:26 +0000

Претседателот на Владата, Димитар Ковачевски упати силна порака по повод Меѓународниот ден на сеќавањето на жртвите од холокаустот. „На денешниот Меѓународен ден на сеќавање на холокаустот да кажеме категорично НЕ за антисемитизмот, расизмот, ксенофобијата и кои било облици на нетолеранција. Овој ден е ехо на ужасната загуба на преку шест милиони невини деца, жени и мажи, меѓу кои и 7.144 македонски Евреи, во логорот на смртта Треблинка и порака дека вакви злодела никогаш повеќе не смее да се повторат. Наша цивилизациска одговорност денес е да градиме свет во којшто има место за сите. Република Северна Македонија успешно се развива во Едно општество за сите, со еднакви права, слободи и обврски за сите граѓани и со нашиот пример ќе продолжиме да ја испраќаме пораката дека различностите не се пречка, туку богатство“-порача тој.

Поради немање кворум прекината седницата за гласање доверба на Владата

Ивана Ефремовски — Thu, 11 Nov 2021 15:11:31 +0000

Поради немање кворум и не можност да се утврди дневниот ред, седницата за гласање доверба на Владата е прекината и како што соопшти потпретседателот на Собранието, Фадил Зендели дополнително ќе биде известено во текот на денов кога таа ќе продолжи седницата. При пребројувањето на пратениците беше констатирано дека на седницата присуствуваат 60 пратеници, од кои двајца се позитивни на Ковид-19 и присуствуваат во скафандери. Зендели, исто така, констаираше дека на седницата не присуствуваат ниту премиерот, ниту други членови на Владата. (МИА)

Обудсманот сериозно ги следи мерките на Владата по однос на КОВИД-19

Тале Кристо — Thu, 16 Apr 2020 15:37:45 +0000

Канцеларијата на Народниот правобранител будно и сериозно ја следи секоја мерка усвоена од Владата на Република Македонија по однос на превенцијата на ширењето на вирусот КОВИД-19, вели омбудсманот Иџет Мемети во интервјуто за МИА, кое ќе биде објавено утре. Додава дека ограничувањата се со ограничено времетраење и сразмерно на опасноста од ширење на вирусот цени дека нема место за нивна реакција. – Имајќи ја предвид сериозноста на ситуацијата, но и потребата од континуирано следење на состојбите со човековите права, донесов План за работа во услови на вонредна состојба, истиот е исто така објавен на нашата веб страница, при што секој граѓанин, како и досега непречено може да се обрати за каква било помош и совет, по електронски пат или преку телефон, вели Мемети. Воедно, омбудсманот Мемети, во интервјуто за МИА одговара и на прашањата за Извештајот за степенот на почитување на човековите слободи и права за изминатата 2019, односот за бројот на претставки, за состојбата во судството и казненните установи, како и за постапувањата на институциите за препораките упатени од оваа институција.