владе дивац – Kurir.mk

Владе Дивац доби црногорски пасош

Катерина Бојаџиева — Tue, 01 Nov 2022 14:18:43 +0000

Познатиот југословенски и српски кошаркар и НБА ѕвезда Владе Дивац доби црногорски пасош, кој денеска му го врачи премиерот на Црна Гора во неговиот технички мандат, Дритан Абазовиќ. „Ни претставува голема чест и задоволство што имаме можност да врачиме црногорски пасош на една легенда на светската кошарка, како што е Владе Дивац“, изјави Абазовиќ. Дивац се заблагодари за доделениот пасош и истакна дека тоа емотивно многу му значи. Тој рече дека неговите предци потекнуваат од Црна Гора и дека со оглед на тоа што последните неколку години најмногу ги поминал во Луштица, Црна Гора за него претставува втор дом, соопшти Владата на Црна Гора.

Дражен Петровиќ, Владе Дивац и Тони Кукоч меѓу легендите на НБА лигата

Катерина Бојаџиева — Wed, 22 Sep 2021 17:14:01 +0000

Поранешните југословенски кошаркарски репрезентативци Владе Дивац, Тони Кукоч и покојниот Дражен Петровиќ се вброени меѓу легендите на НБА лигата. Спроти почеток на јубилејната 75 сезона во најсилната светска кошаркарска лига, на официјалниот сајт на натпреварувањето е претставена листа од 110 најистакнати кошаркари, кои како што се наведува, придонеле НБА да стане водечки глобален спортски и медиумски бизнис. Листата на најголеми НБА ѕвезди ја предводат Мајкл Џордан, Лари Бирд, Карим Абдул Џабар, Коби Брајант и други големи имиња, вклучувајќи ги и Арвисад Сабонис и Јао Минг.

Дивац со пушка во рака го прослави Божиќ во Калифорнија (ВИДЕО)

Предраг Кукиќ — Wed, 08 Jan 2020 16:39:02 +0000

Легендарниот српски кошаркар Владе Дивац веќе традиционално го прославува православниот Божиќ во Џексон, Калифорнија. Таму има голема бројка на српско население, а Божиќ се одбележува со пукање од огнено оружје. Генералниот менаџер на Сакраменто Кингс исто како и лани, така и оваа година пукаше од пушка, а му се приклучиле и неговиот син Лука и неговата сопруга Ана.

View this post on Instagram

Srećan Božić! | Merry Serbian Christmas from my family to yours #Božić #Christmas

A post shared by Luka Divac (@lad_26) on Jan 7, 2020 at 12:58pm PST

Владе Дивац ќе влезе во Kуќата на славните

Предраг Кукиќ — Sat, 06 Apr 2019 16:07:55 +0000

Легендарниот српски кошаркар, Владе Дивац оваа година ќе влезе во Куќата на славните во Спрингфилд. Дивац ќе стане четврти Србин во Куќата на славните, по Александар Николиќ, Бора Станковиќ и Дражен Далипагиќ. Од територијата на поранешна Југославија, членовите на Куќата на славните се Крешимир Ќосиќ, Дражен Петровиќ, Мирко Новосел и Дино Раџа. Дивац е роден во Пријепоље, играше за Слога од Краљево и Партизан пред да замине во НБА и да настапува за Лос Анџелес Лејкерс, Шарлот и Сакраменто. Со националниот тим освои бројни медали, вклучувајќи ги и титулите светски и европски шампион, како и две олимписки сребра. Кандидатот за влез во кошаркарската Куќа на славните од регионот на поранешна Југославија оваа година е и прославениот тренер Богдан Тањевиќ.

Американците во шок: Владе Дивац среде бел ден пука со пушка во центарот на градот! (ВИДЕО)

Предраг Кукиќ — Thu, 10 Jan 2019 15:26:33 +0000

Славниот српски кошаркар и функционер во Сакраменто Кингс, Владе Дивац, со Србите во Америка го прославил православниот Божиќ. По традиција, Србите кои се отселиле во Америка, каде сега живеат, се собираат во Џексон и Чикаго и заедно пукаат од пушки, по што ги собираат испуканите чаури. Секако, станува збор само за ќорци и се се одвива под строга контрола на полицијата.

Сега му е сопруга на принц Хари, а некогаш сакала само прегратка од Владе Дивац (ФОТО)

Ивана Ефремовски — Thu, 31 May 2018 16:50:15 +0000

Поранешниот српски кошаркар стана хит поради фотографијата со Војвотката Меган. Глобалната еуфорија поради венчавката на принцот Хари и Меган Маркл не ги заобиколи ниту Сакраменто Кингс кои ги изненадија следбеници со фотографија која со брзина на светлината станала хит на социјалните мрежи. Кингс всушност споделиле фотографија од профилот "KICKZ" на која се наоѓа легендарниот српски кошаркар Владе Дивац и тогаш 12-годишната Меган Маркл. Владе Дивац во моментот кога настанала оваа фотографија бил член на Лос Анџелес Лејкерс за кои настапувал од 1989 до 1996 година, тогаш му излегол во пресрет на девојчето за фотографија која денес добила на актуелност.

Congrats Meghan Markle! #RoyalWedding ?? (via Kickz on Twitter)

A post shared by Sacramento Kings (@sacramentokings) on May 19, 2018 at 7:31am PDT