владимимир путин – Kurir.mk

Кремљ: Можна е средба Путин-Зеленски со претходни подготовки

Катерина Бојаџиева — Fri, 11 Mar 2022 12:21:17 +0000

Кремљ не исклучува одржување средба меѓу рускиот претседател Владимир Путин и украинскиот претседател Володимир Зеленски, но таа треба да биде темелно подготвена за да даде резултати, изјави портпаролот на Кремљ, Дмитриј Песков. -Никој не ја исклучува можноста за средба меѓу Путин и Зеленски. Теоретски, тоа е навистина можно, истакна Песков. Портпаролот на Кремљ, исто така, посочи дека „прво, делегациите и министрите треба да го направат својот дел, за да се погрижат претседателите да не се состанат само за разговори, туку дека средбата што ќе ја одржат ќе постигне резултати“. -Ставот на Русија не е тајна, тој беше формулиран и претставен на украинските преговарачи. Ги чекаме нивните појаснувања, додаде Песков.

Курц: Ќе ни биде чест да ја организираме средбата на Бајден и Путин

Тале Кристо — Sat, 17 Apr 2021 13:45:07 +0000

За Австрија ќе претставува голема чест доколку претседателите на Русија и Соединетите Американски Држави одлучат да се сретнат во Виена, изјави денеска австрискиот канцелар Себастијан Курц, пренесува агенцијата ТАСС. – Австрија веќе е во контакт со Русија и САД за потенцијална средба меѓу Џо Бајден и Владимир Путин, рече Курц. Во интервју за германскиот портал „Пионир” тој вели дека Австрија не се однесува како медијатор. – Но, секогаш има неутрални земји кои се избрани за дијалог и преговори, рече Курц. Според него, и за Европа и за светот е добро да се одржи ваква средба. – Локацијата не е важна, но секако, ако се одржи во Австрија, во Виена, тоа ќе биде голема чест за нас, истакна австрискиот канцелар.