владимир блажев – Kurir.mk

Министерството за култура со големо разочарување до групата ДНК – ги одби на конкурсот за финансирање проекти од национален интерес

Дарко Андоновски — Thu, 17 Feb 2022 12:03:01 +0000

Пејачот од групата ДНК, Владимир Блажев преку статус на Фејсбук вели дека се разочарани од одлуката на Министерството за култура да не им додели финансирање на проекти од национален интерес во културата од областа на музичката и музичко-сценската дејност. -Драги наши. Оние кои не пратат и следат знаат дека оваа година како ДНК славиме еден ( за нас ) голем јубилеј од 20 години постоење, кое ќе го прославиме со голем солистички концерт во арената “Борис Трајковски”. Датумот наскоро ќе биде објавен, а до тогаш сакаме да споделиме една информација со вас целокупната јавноста и сите медиуми. Денес, штотуку ја добивме информацијата која воедно е големо разочарување за нас. Официјално без никаково образложение сме одбиени од страна на министерството за култура каде што најчесно и со целосно коректно доставена документација конкуриравме на годишниот конкурс за финансирање на проекти од национален интерес во културата од областа на музичката и музичко-сценската дејност. Да не бидеме погрешно сфатени не се жалиме туку само сакаме да ви ја доловиме ситуацијата како е третирана македонската поп индустрија и воопшто македонската музика. Затоа и сцената е таму каде што е и не гледаме светла иднина додека вака сме/се третораат Македонски артисти. Станува збор за ЈУБИЛЕЈ од 20години. Ако бенд со 20годишна кариера, кој зад себе има преку 60 синглови, 3 албуми, 2 големи соло концерти ( скопски саем ), еден анплагд концерт ( универзална сала ) , безброј настапи низ државата и надвор од неа презентирајќи ја државата не множат со НУЛА, што останува останатите за останатите наши колеги и оние млади артисти кои започнале кариера или планираат да ја започнат. Ова е тотално омаловажување, деградирање и непочитување на своето. За жал секогаш сме биле деструктивни како нација и секогаш туѓото се ценело многу повеќе. Ние концертот ќе го направиме како и да е бидејќи пред се тоа го должиме на нашата публика која не прати изминативе 20години и ќе бидеме среќни и радосни со секој еден што ќе ни направи чест да дојде таа вечер која за нас ќе биде една од најбитните денови во нашите животи. Жалиме што сме родени во оваа држава, но ја сакаме Македонија, бидејќи тука е нашата публика заради која сме тоа што сме денес и воедно која според нас е НАЈДОБРА на свет, а тука се и нашите СРЦА. Министерство за култура нека ви служи на чест. 👏 Се гледаме на концерт. Со почит Панчо и Андреј 🙏❤️ DNK, стои во неговиот пост на Фејсбук.

Панчо од ДНК: Беровскиов воздух во Аеродром одма те освестува

Ристе Здравков — Mon, 18 Oct 2021 08:51:27 +0000

Се по извесна е победата на кандидатот на ВМРО-ДПМНЕ за градоначалник на општина Аеродром, Тимчо Муцунски. Владимир Блажев познат како Панчо од групата ДНК како еден од поддржувачите на Муцунски напиша интересен статус на социјалните мрежи. -Станувам, излагам на тераса и ова Беровскиов воздух во Аеродром одма те освесува. Бреееј што ти значи кислород, напиша Владимир Блажев познат како Панчо - ДНК на својот Фејсбук профил.

КОЈ САКА МОЖЕ-Панчо ДНК: Од работа нема срам, благодарам што ме вработија и ми овозможија да го ‘испечам’ занаетот за пица мајстор!

Магдалена Андонова — Thu, 17 Dec 2020 09:55:16 +0000

Старо правило е дека од работа нема срам…Особено во овие тешки времиња кои никако да запрат туку напротив се продолжуваат…На естрадните ѕвезди не им е едноставно да минуваат од први до први и да чекаат да помине пандемијата…И’, додека поголемиот дел од нив главно се жали (и покрај најавата за парична помош) други, како Владимир Блажев (ДНК)) сериозно си ја сфатиле работата и размислуваат за утре – во смисла – што ќе биде ако пандемијава продолжи уште една година или повеќе…Поради тоа, тој се одлучил да научи нов занает…а сето тоа го сподели и на Фејсбук. „Друштво, знаеме дека од работа нема срам па затоа сакав да споделам со вас, а воедно и заблагодарам на D’Kitchen и целиот нивен тим што ме вработи и даде можност да го “испечам” занаетот за пица мајстор и додека трае пандемијата да имам некакви приходи . Покрај највкусните гиро пити и пастрмајлии, за кратко време ќе го прошират нивното мени со пица за кои ме обучуваа последните 3 недели. За кратко ќе уживате во вкусовите, а јас со нетрпение чекам да се дружиме, само што овој пат јас ќе ги правам, а вие ќе ги јадете и уживате. Да не заборавам да го пофалам и Ognen кои исто така одлично се снаоѓа во улогата на продавач 😊 Се гледаме во DKitchen“, напиша на својот профил на Фејсбук, Владимир Блажев од „ДНК“ Извор: Екран.мк

ФОТО: Панчо ДНК го овековечи пласманот на Македонија на ЕП со нова тетоважа, место има за сите фудбалери

Ивона Петрова — Sun, 15 Nov 2020 14:35:20 +0000

Пејачот Владимир Блажев попознат како Панчо ДНК, по историскиот пласман на Македонија на Европско фудбалско првенство, одлучи да го овековечи тој момент, бидејќи како што вели му се исполнил детскиот сон. -Оваа тетоважа ми е една од позначајните кои ги имам на моето тело и сум горд на истата исто толку колку што сум горд и на нашите репрезентативци кои ни ја приуштија оваа неопислива радост. Ни покажаа и докажаа на сите нас како со сплотеност и верба се постигнува успех. Браво момци, херои наши МАКЕДОНИЈА на европско 2021, напиша Панчо на Фејсбук.

Панчо ДНК до Владата: Најлесно е да се удри по македонските артисти кои ги множите со нула, уметниците ќе дигнат глас на улица

Ивона Петрова — Mon, 05 Oct 2020 06:27:33 +0000

По новите рестриктивни мерки кои ги донесе Владата, а се однесуваат на угостителските објети, на социјалните мрежи се оглси пејачот Владимир Блажев - Панчо од групата ДНК. -На стартот на пандемијата бев еден од најгласните кои апелираа да се почитуваат мерките ( и се уште сум ). Со нашиот бенд DNK бевме први кои од сопствен џеб плативме и направивме live stream концерт на социјалните платформи под мотото #СедиДомаБидиКул уште пред да се воведе целосниот карантин се со цел да влијаеме и помогнеме во целата ситуација, еднаш не се побунивме иако 90% од артистите бевме без неколку месечно примање, но со овој ноншалантен однос и очигледно незнаење на владата во кој правец тера мислам дека време е сите ние музичари, артисти, уметници да дигнеме глас на УЛИЦА, да си ги бараме нашите права и да им дадеме до знаење дека ние не сме криви за грешките на неколкуте локали и организатори на настани кои видливо се толерирани од не знам кои причини ( јавна тајна е се знаеме да не се секирате ). Истите тие работеле заради ваша катастрофална реакција и непрофесионалниот однос и реакција #реално. Но како што кажав и претходно најлесно е да се удри по македонските артисти кои ги множите со НУЛА. Ова нема така лесно да ви пројде, тоа ви ГАРАНТИРАМ!!! Срам и арам да ви е на сите ваши неосновани одлуки, пишува Панчо ДНК. https://www.facebook.com/pancho.shortydnk/posts/10157679769027544

Диџеј Панчо: Абе ќе ја гушкате Универзална или ве вработија во администрација и по функции па некако не ви се гледа, нит слуша?

Дарко Андоновски — Tue, 28 Jul 2020 13:25:39 +0000

Македонскиот пејач Владимир Блажев попознат како Диџеј Панчо преку статус на Фејсбук прашува дали ќе ја гушкаат Универзална сала или сите тие ги вработија во администрација и по функции па некако не им се гледа нит слуша? -Абе ќе ја гушкате универзална или ве вработија во администрација и по функции па некако не ви се гледа нит слуша а ? А ти Петре да си рушиш и реновираш можеш по дома ова не е нит на мајка ти нит на татко ти, а уште помалце твое. Не можеш да рушиш традиција, историја и симбол на еден град па и на државата, ама па што знаеш ти од уметност и традиција така да ништо ново за тебе ???? #УниверзалнаСалаСимбилНаСкопје, стои во неговиот пост на Фејсбук.

Абе ќе ја гушкате универзална или ве вработија во администрација и по функции па некако не ви се гледа нит слуша а ? А... Posted by Vladimir Blazev on Tuesday, July 28, 2020