владимир божиновски – Kurir.mk

Божиновски: СДСМ на овие избори ќе изгуби, разликата меѓу ВМРО-ДПМНЕ и СДСМ ќе биде огромна

Катерина Бојаџиева — Mon, 16 Oct 2023 09:19:40 +0000

Во денешното гостување во емисијата „Студио 10“ на Телевизија 24 гостуваше аналитичарот Владимир Божиновски. Тој истакна дека уставните измени нема да поминат, а СДСМ на овие избори ќе изгуби. „Ние не говориме дека проблемот е суштински во самата промена на Устав за да се внесат Бугарите во него. Проблемот е да се добијат одредени колку што е можно гаранции дека нема од кога ќе се смени Уставот следниот ден да си добиеме ново вето од Бугарија, затоа што однесувањето на Бугарија го најавува тоа за жал. Видовме последно беше официјална Софија преку нивниот Амбасадор реагирала за месецот на македонска култура во Мичиген и тоа е повлечено тогаш за какви добрососедски односи зборуваме и што може не да очекуваме за добрата волја од Бугарија кога ја видовме нивната добра волја во изминатите месеци“, рече Божиновски. Тој додаде дека сега на овие избори ќе изгуби СДСМ, а Уставните измени нема да поминат. „Барем околу бугарскиот или францускиот предлог ВМРО-ДПМНЕ беа појасни, они предложија одредени гестови на добра волја преку што би се добило некаква сигурност со внесот на Бугарите во Уставот ние да не бидеме блокирани со ново вето следниот ден и тука околу тоа малку појасно. Треба да се излезе чесно затоа што видовме она што говореше Заев пред избори буквално за се излажа“, кажа Божиновски. Тој посочи дека околу бугарскиот или францускиот предлог ВМРО-ДПМНЕ беа појасни со нивните гестови на добра волја. „Слушам како некои од власта говорат дека они ќе ги изгубеле изборите но ќе имало концентрациона власт, за каква широка коалиција говориме ако очекувањата се дека разликата ќе биде повеќе од 15 – 20 пратеника“, изјави Божиновски.

Божиновски: Според релевантните истражувања вкупната поддршка на СДСМ, ДУИ и Алијанса за Албанците е помала од таа на ВМРО-ДПМНЕ

Тале Кристо — Fri, 13 Oct 2023 19:44:19 +0000

„Имаме повторно можност да се спасиме од политичко уставна криза доколку изборните циклуси претседателски и парламентарни се заедно. Досега од изминатите изборни циклуси можеме да заклучиме дека Албанците не се искрено многу заинтересирани особено во вториот круг да излезат и да го дадат својот глас. Генерално немаат толку поттик како што излегуваат за локални или парламентарни избори“, изјави аналитичарот Владимир Божиновски во вечерашното гостување во емисијата „Само Вистина“ на Канал 5 Телевизија. Тој истакна дека постои ситуација каде најверојатно има шанса уште во првиот круг да води кандидатот за претседател на ВМРО-ДПМНЕ со оглед на анкетите. „Во тој период ние имаме технички премиер. СДСМ на ДУИ им вети дека од ДУИ ќе имаат технички премиер, имаат претседател на Собрание и ако не е успешен вториот круг од претседателски избори тогаш ќе имаат и В.Д претседател на државата, односно трите најмоќни функции во државата“, рече Божиновски. Тој посочи дека за жал има веројатност дека претседателските избори да се неуспешни и да има уставна криза. Тој додаде дека тезата на СДСМ е дека они ќе имаат многу голем коалициски капацитет а ВМРО-ДПМНЕ не. „За претседателски избори според сите релевантни истражувања во моментов вкупната поддршка на СДСМ коалиција, ДУИ и Алијанса за Албанците е помала од таа на ВМРО-ДПМНЕ“, дециден е Божиновски.

Божиновски: Анектите од Стратум Рид се целосно неконзистентни

Дарко Андоновски — Tue, 10 Oct 2023 07:24:11 +0000

Владимир Божиновски во своето гостување во радио Лидер зборуваше за последната анкета која ја спроведе агенцијата Стратум Рид каде посочи дека податоците се целосно неконзистентни. -Кога се спроведува истражувањето и тие одговори после влегуваат во софтверот, во системот и ги имаш тие истражувања и самиот СПС тест после вади табели од кои што правиш графикони. Она што е значајно, ти кога ќе ги внесиш податоците самиот систем ти вади графикони, табели и така натаму. Ти не можеш за исто прашање, пазете од едната страна го имаш еден графикон на тоа прашања каде 35% вкупно од оние кои што се многу како беше целосно за и делумно за уставни измени, потоа имаш 19% кои се делумно против и после имаш 31% целосно против и 17% кои што не знаат. Тоа е на левата страна претставено во објавата. На десната страна на истото прашања они велат дека 35% вкупно, нели тие што се целосно за и делумно за, се за уставни измени, 19% се против, а 50% биле неутрални, што и да им значи тоа неутрални. Целосно се неконзистентни, неконзистентни се податоците, потенцираше Божиновски. Во врска со анкетата Божиновски потсети дека не може вкупниот збир на проценти да изнесува над 100%. -Од левата страна вкупниот збир дава 104, од десната страна дава 102, а вкупниот збир не смее да надмине 100, нормално. Вие може илјада пати да ги внесете во било кој софтвер, дали е СПС или Ексел, вие ќе добиете 100, не може да добиете над 100, додаде Божиновски. На крај тој порача дека таква грешка не може да се направи и станува збор за целосна неконзистентност. -Резултатите се целосно неконзистентни затоа што викаш вкупниот збир за тие што се против е 50, овде на десната страна го претставуваш со 19. Вкупниот збир на тие што не знаат како би се поставиле од левата страна е 17, а од десната страна неутрални биле 5. Ова не е грешка, ова е целосна неконзистентност, додаде Божиновски.

Божиновски: Според релевантните истражувања ВМРО-ДПМНЕ ќе има убедлива победа на следните избори, а СДСМ нема да може да го оствари ниту резултатот од локалните избори

Ивана Ефремовски — Tue, 10 Oct 2023 07:19:24 +0000

„Според сите истражувања очекувано е дека на следните избори ВМРО-ДПМНЕ ќе има убедлива победа. Тоа е според сите релевантни резултати кои што излегуваат“, истакна Владимир Божиновски во гостување во емисија на радио „Лидер“. Божиновски додаде дека истото се случува како и за локалните избори кога и тогаш истражувањата укажуваа дека ВМРО-ДПМНЕ ќе освои мнозинство општини. Така и сега сите релевантни истражувања насочуваат кон убедлива победа на ВМРО-ДПМНЕ на претстојните избори. „На СДСМ очигледно веќе нивниот наратив не поминува кај граѓаните. Тие веќе имаа и сериозен пад на локалните избори. Пад кој што според сите релевантни истражувања продолжува и до ден денес“, појасни Божиновски. Тој посочи дека според сите релевантни истражувања на изборите СДСМ не може да се надевa дека ќе направи резултат кој што ќе обезбеди победа. Но исто така СДСМ не може да го направи и истиот резултат од локалните избори кој исто така беше поразителен за нив. Божиновски укажа дека на СДСМ му се случува сериозен пад поради нивните погрешни политики. СДСМ не успева да ги убеди и своите членови да гласаат за нив.

Божиновски: Власта нема легитимитет, а под овие околности никој од опозицијата нема да гласа за уставни промени затоа мора да има избори

Тале Кристо — Wed, 30 Aug 2023 17:10:31 +0000

Се намали привлечната сила на ЕУ и зборот на ЕУ не вреди многу, остана САД, од меѓународната заедница, кои имаат висок кредибилитет. А Бујар Османи очекувано е да прикажува успех за Македонија на патот кон Унијата бидејќи нема направено ништо во однос на она шт значи Европа и европски вредности, рече Владимир Божиновски, аналитичар на гостуавње во емисијата За или против што се емитува на телевизија Алфа. Според Божиновски за нас е важно да го продолжиме патот кон ЕУ но тоа да не не претвори во заложници и затоа ни требаат гаранации дека Бугарија и понатаму нема да има барања кон Македонија. -Бугарија треба да покаже кооперативност, на пример да почне да ги спроведува пресудите од Европскиот суд за човекови права во Стразбур во однос на македонаксото малцинство. Бугарија мора да покаже добра воља, и наместо тоа ниедобиваме нови бугарски барања, реќе Божиновски. Тој укажа дека оваа власт и овој парламент сега нема кредибилитет за ништо повеќе затоа се потребни избори. -Треба нова власт, треба да се изборат сите заедно за гаранции од Бугарија и тогаш ќе тргне работата напред. Оваа власт не прави никаков обид за консензус со опозицијата. Така дојде до онаа седница на Собранието на која видовме дека и недостасуваат на власта 10 пратеници за промена на Уставот. И покрај тоа власта не прави никаков обид за решение, кажа Божиновски. Според него предвремиени избори требаше да има и досега за да се види на што е државата. -Власта уште утре може да каже дека ќе има избори. И ќе се има многу почиста ситуцаија. Власта само троши енергија да ја натера меѓународната заедница да врши влијание врз опозицијата во земјава за да се прифатат уставните измени, вели Божиновски. Според Божиновски сега и под овие услови нема шанси да поминат овие уставни измени. -Мора да се сменат околностите, мора да се прифатат некои барања, некои гарананции дека Македонија ќе биде пак блокирана од Бугарија. На пример Бугарија треба да покаже добра воља еве за почеток почитување на пресуди од Стразбур, кажа Божиновски. Според него неуспешна е стратегијата која ја прават особено во последно време а се однесува на расположението кон ЕУ. -Зборуваат дека они се за ЕУ, а сите остани против. Тоае многу погрешно. Сите сакаат во ЕУ, само не под секои услови. Значи мора да има достоинство, претпоставени гаранции кои би дале доза на сигурност е тогаш е нешто поинаку, укажува Божиновски.

Божиновски: Не постои начин да натерате пратеник од ВМРО-ДПМНЕ да гласа за уставни измени, власта изгуби легитимитет, избори се најдобра опција

Ивана Ефремовски — Thu, 24 Aug 2023 17:59:07 +0000

Јасно беше дека ќе дојдеме до оваа позиција, тоа го предупредувавме сите, би рекол целата јавност но пред се граѓаните со оние протести минатата година, кога му велевме на Ковачевски да не потпишува за кое целиот народ е против и за кое му треба помош. Не може да потпишете нешто и да очекувате друг да прифати без да го консултирате, изјави политичкиот аналитичар Владимир Божиновски за „Тема на денот“ во дневникот на Сител. За посетата на Габриел Ескобар, заменик помошник државен секретар на САД, Божиновски вели дека се направи фама дека доаѓа да ја реши ситуацијата и опозицијата ќе потпише, но реалноста е да види дали има можност дали има излез од оваа пат ситуација. -САД секогаш се тука кога и треба помош на Македонија и Ескобар доаѓа да види дали има можност да се излезе од оваа пат позиција. Не е дојден дека на некој ќе му виткал рака, ќе убедувал или веднаш ќе прифати опозицијата. Сега има опција опозицијата да прифати, што е неверојатно, затоа втората опција е да има избори што е поверојатна опција ако сакаме излез и трета опција е ништо да не се смени. Втората опција за предвремени избори има повеќе шанси , затоа што власта го изгуби легитимитетот за носење на крупни одлуки, рече Божиновски. Тој потенцираше дека ако сакате крупна одлука мора да имате легитимитет за тоа, а граѓаните што мислат по ова прашање видовме, имаше месец дена протести каде илјадници луѓе се собираа и му порачуваа на Ковачевски да не потпишува. -Кога се отвораше седницата за промените во устав немаше протести затоа што граѓаните беа сигурни, ВМРО-ДПМНЕ една година повторува дека нема да дозволи промена на уставот и тоа се виде, потенцираше Божиновски. Тој нагласи дека ова прашање не го изнеле партиите пред граѓаните на избори и затоа мора да има избори па секој со својот став да излезе. -Тоа прашање мора да се отвори и претстави пред граѓаните. Како планираме да го надминеме овој проблем. На граѓаните им е смачено. Губиме на милион различни фронтови, имаме катастрофа, немаме учебници, растот на економијата последниве години е најлош во регионот, инфлација, рече тој. Воедно Божиновски нагласи сега нема сега начин на пратеник кој доаѓа од опозиција да го убедите да гласа за уставни измени.

Божиновски: Наративот на Ковачевски дека Мицкоски прифатил уставни измени, паѓа во вода, предлогот за уставни измени со одложено дејствие значи истите да важат откако Македонија ќе стане земја членка на ЕУ

Катерина Бојаџиева — Fri, 09 Jun 2023 14:17:04 +0000

Оној наратив кој што се обиде премиерот да го наметна дека ВМРО-ДПМНЕ прифатило промена на Устав паѓа во вода, со самото тоа што имаме ситуација во која што за да се оствари она кое што го вели Ковачевски треба да биде прифатен оној предуслов кој што го кажа ВМРО-ДПМНЕ, а со кој што ќе се задоволат сите оние барања на повеќето опозициски партии и граѓани, вели Владимир Божиновски, политички аналитичар во гостување во емисијата Анализа на телевизија 24. Божиновски потенцираше дека она кое што го бараше лидерот на ВМРО-ДПМНЕ Христијан Мицкоски на лидерската средба со Димитар Ковачевски значи дека се додека не се заврши целиот процес односно додека Македонија не го ратификува приемот за членство во Европската унија нема да важат, со што како што рече тој ако сега им се даде се на Бугарија може Македонија повторно да биде оставена на цедило. Промената на Уставот да важи кога ќе се ратификува приемот на Македонија во ЕУ, така ќе може да се види кој бил во право, бидејќи ако ние сега дадеме се и веднаш повторно ќе бидеме оставени на цедило. А вака и да се изгласани уставни измени кои би важеле по евентуален прием на Македонија в ЕУ, кажа тој. Прво ова со одложено дејство што го спомена ВМРО-ДПМНЕ значи дека се гласа нешто кое што нема да има ефект се додека не се заврши целиот процес и затоа може да се изгласа уште од сега ако се прифати тоа од СДСМ и нормално ако се прифати тоа и од Европскиот совет, истакна Божиновски. Божиновски додаде дека ВМРО-ДПМНЕ останала на својот став дека овој парламентарен состав нема легитимитет од страна на граѓаните да го менува уставот и дека за уставните измени и за се друго треба да се разговара на по изборите. Најважно е што ВМРО-ДПМНЕ останува на ставот дека овој парламент нема легитимитет да го промени уставот и дека тоа може да се разговара со еден куп други работи по изборите, изјави Божиновски.

Божиновски: Владата две ипол години се занимава сама со себе, се додека е оваа власт ќе се продолжи со газење на човечкото и националното достоинство од страна на Бугарија

Тале Кристо — Tue, 21 Feb 2023 18:53:28 +0000

„Проблемот е во власта, се додека е оваа власт ќе продолжи бугарското однесување како и до сега со газење на секакво човечко национално и секакво друго достоинство од нивна страна, а од наша страна молчење затоа што буквално секои може да си прави што сака и да изјавува што сака за Македонија а власта само ќе молчи“, рече аналитичарот Владимир Божиновски во вечерашното гостување во емисијата „За или против“ на Алфа Телевизија. Тој посочи дека не смееше да се дозволи да се отворат клубови со такво име. „Никој нема против да се отвори било каков клуб но вие да отворите клуб со име на најголемите злостори на Македонија и Македонците во втора светска војна тоа покажува дека не е целта културна соработка или работа туку исклучуво политичка провокација“, рече Божиновски. Божиновски посочи дека ситуацијата е кога имаме власт која прифаќа се’ тогаш другата страна ќе се обиде да направи најголем можен притисок како тоа што го прави Бугарија изминатите години со цел да си ги оствари своите соништа уште од Сан Стефана па наваму. „Што може да се очекува од Влада која се држи на стаклени нозе и нема доволно пратеници да обезбеди кворум за одржување собраниски седници и 2 и пол години владата се занимава сама со себе и буквално со ништо друго, а во меѓувреме се случуваат катасфори“, кажа Божиновски.

Божиновски: Власта влезе во замката која ја поставија Бугарите, историската комисија Бугарија ја направи како своја политичка алатка за притисок

Тале Кристо — Tue, 21 Feb 2023 18:17:18 +0000

„Единствената константа на оваа власт од доаѓањето па се до сега е напорот кој го вложува за оспорување на се она што го правеле 70 години претходно генерациите кои успеале да изградат држава во која живееме сега ние. Власта се обидува сето тоа на некој начин да го поништи“, рече аналитичарот Владимир Божиновски во вечерашното гостување во емисијата „За или против“ на Алфа Телевизија. Божиновски посочи дека јазикот не е врзан само со државата туку дека тој се говори секаде. Македонски јазик се говори секаде, а не само во Македонија тоа е така и во Грција, Бугарија, Албанија, Србија итн. „Договори се потпишуваат без око да им трепне. Тажно е но, не ни вреди веќе да дискутираме за тоа. На сите им е јасно, на цел народ им е јасно дека едноставно овие луѓе немаат никаква поврзаност со она што се нарекува Македонија и македонска држава. Едноставно тоа го прават за да добијат некаква придобивка што ќе им донесе лична корист“, рече Божиновски. Тој запраша зошто Македонија да дискутира со Бугарите за одредени историски личности кои се значајни за Македонија? „Оваа власт влезе во замката која ја поставија Бугарите и нема што тука да се дискутира со нив. Поставувањето на историската комисија е во една неблагодарна улога која им ја доделија. Историската комисија во ЕУ на пример франко-германската комисија која 60 години функционира дискутираат разни историски периоди и се обидуваат да најдат некакви заеднички погледи во однос на историски прашања“, вели Божиновски. Божиновски потенцираше дека историската комисијата Бугарија ја направи како политичка алатка за притисок. Членовите од македонска страна во комисијата се доведени во многу непријатна ситуација. „Јадрото на историската комисија сепак успеа да се одржи и да не потклекне на тие притисоци, се надевам дека ќе издржи уште неколку месеци затоа што после со промена на власта секако дека ќе бидат и самите предуслови поинакви“, изјави Божиновски.

Божиновски: Јасно и е на власта дека на следните избори нема повеќе да биде на власт, затоа нивната примарна цел е што можно повеќе да остане на власт

Магдалена Андонова — Mon, 03 Oct 2022 17:22:38 +0000

Ако сакаме здрава држава прво треба да имаме здраво судство, односно луѓе кои ќе знаат да пресудат без разлика кој е на власт и без разлика кој е политчки помоќен во државата, изјави Владимир Божиновски во вечерашното гостување во емисијата „Што не е јасно“ на Телевизија Алфа. - Државата мора да почива на темели, еден од тие основни темели е правда односно обидот граѓаните кои се дел од едно општество и држава да знаат дека доколку згрешат да ќе бидат осудени, рече Божиновски. Божиновски посочи дека оваа власт воопшто не е заинтересирана за етиката во политиката, иако тоа беше една од нивните цели за да дојдат на власт. - Друга работа они воопшто и веќе не се замараат со тоа како ќе бидат претставени пред народот и колку ќе му се допаднат на народот за да ги гласа, затоа што им е јасно дека на следните избори нема повеќе да бидат на власт, кажа Божиновски. Божиновски истакна дека примарната цел на власта е што можно повеќе да остане на власт, за да ги избегне оние предвремени парламентарни избори кои се надвиснати со самото формирање на владата во 2020та година со многу слабо мнозинство, многу партнери, многу нерешени односи Тој додаде дека според сите истражувања кои ги видовме изминатиот период очигледно дека после следните избори ќе имаме нова влада. - Жално е само што за се она што се залагаше оваа власт пред да дојде на избори го направи токму спротивното. Имаше целосно игнорирање на гласот на граѓаните и целосна манипулација во однос на тие предизборни ветувања, вели Божиновски.