владимир четкар – Kurir.mk

Владимир Четкар со концерт во Скопје

Тале Кристо — Tue, 11 Oct 2022 20:56:34 +0000

На 28 Октомври, Петок, Владимир Четкар после подолго време ќе се претстави пред скопската публика со свој концерт во Станица 26. Концертот ќе започне во 21:00 часот и ќе трае до 23:00 часот. Билетите во вредност од 600 МКД можат да се набават преку продажната мрежа на Купи Карти За Се. После овој концерт Четкар заминува за Америка каде ќе ја одржи својата есенска турнеја низ некој од најпрестижните амерички џез клубови и културни институции како Нортон Музејот За Уметност во Вест Палм Бич, BOP STOP во Кливленд, Black Cat Jazz Club во Сан Франциско и така натаму. Турнеата на Четкар во Америка ќе започне со концерт во Чикаго на 6 Ноември во Skadarliya, потоа продолжува во Детроит во џез клубот Aretha’s Jazz Café at the Music Hall, на 12 Ноември ќе настапи во BOP STOP at The Music Settlement во Кливленд, на 19 Ноември ќе одржи концерт во Њујоршкиот музички клуб Chelsea Table + Stage, на 30 Ноември ќе дебитира во Сан Франциско во Black Cat Jazz Club а на 9 Декември по втор пат оваа година Четкар ќе оддржи концерт во Нортон Музејот на Уметност во Вест Палм Бич во Флорида. На сите настапи во Америка Четкар ќе се претстави со своја авторска музика и свои аранжмани за септет во придружба на американски музичари.

Охридскиот џез гитарист Четкар ја започнува својата мини турнеја во САД

Магдалена Андонова — Sat, 11 Sep 2021 08:16:01 +0000

Охридскиот џез гитарист Владимир Четкар ја почнува својата мини турнеја во Соединетите Американски Држави. После пауза од една година поради познатите причини наметнати од епидемијата на коронавирусот Четкар вечерва настапува во познатиот џез клуб „BOP STOP at the music settlement“ во Кливленд во сојузната држава Охајо. На вечерашниот и наредните два концерти Владимир Четкар ќе се претстави исклучиво со својата авторска музика. На концертите ќе го придружуваат најталентираните американски џез музичари од поновата генерација. Наредниот викенд Четкар го очекуваат уште два концерти и тоа на 18-ти во „Aretha’s Jazz Cafe at the Music Hall“ во Детроит, Мичиген како и на 19 септември во „Skadarliya“ клубот во Чикаго, Илиноис. (МИА)

Нов сингл со спот на Владимир Четкар

Ристе Здравков — Tue, 19 Feb 2019 18:37:01 +0000

Македонскиот џез и фанк гитарист и музичар Владимир Четкар го промовираше својот нов сингл „Joyride“, кој пред публиката и пошироката јавност доаѓа заедно во пакет со видео спот за истиот. Музиката, нормално, е на Четкар, а режијата на спотот е потпишана од Борче Димоски од Digital Box Production. Останатата музичка секција ја покриваат Алберт Леусинк на труба, Макс Зуи на тенор саксофон, Сет Вивер на тромбон, Џастин Салисбари на клавијатури, Џејмс Квинлен на бас, Нолан Бирд на тапани. Песната е снимена од Тод Кардер во The Bunker Studio во Њујорк, а гитарата е снимена од Јан Лавли во Cowboy Technical Services исто во Њујорк.

Четкар освојува во САД: Концерти на нашиот музичар во Њујорк, Детроит и Кливленд

Ивана Ефремовски — Wed, 31 Jan 2018 08:44:31 +0000

Џез-музичарот Владимир Василевски Четкар деновиве ќе има три концерти во САД – во Њујорк, Детроит и Кливленд. Четкар денеска ќе настапи на Тајм сквер со концерт во познатиот њујоршки клуб „BB king Blues Club” каде редовно настапуваат звучни имиња од фанк, блуз и соул музиката. Во петок, 2 февруари, Четкар ќе настапи во Кливленд, Охајо, во клубот „Nighttown” кој според магазинот „Down Beat” е еден од водечките џез клубови во светот. Наредниот ден, 3 февруари, македонскиот музичар ќе одржи концерт во Детроит во џез клубот „Jazz Café Detroit“ кој се наоѓа во историскиот Мјузик Хол. На сите концерти Четкар ќе свири своја авторска музика и ќе предводи интернационален септет со американски, јапонски, мексикански и холандски музичари.