владимир ѓорчев – Kurir.mk

Ѓорчев: Заради оваа катастрофална власт, Македонија исчезнува, стануваме држава без народ!

Ивана Ефремовски — Sun, 22 Oct 2023 13:18:48 +0000

Бројките за иселување кои ги слушаме ја даваат тажната и ужасната слика на исчезнување на Македонија. Македонија станува земја без народ, територија без население, а нема држава без народ, нема училишта без ученици, нема економија без луѓе и нема ништо ако нема деца. А нас како никогаш во историјата изминативе 6-7 години ни снемува деца, млади и ни сменува детски плач, изјави членот на ИК на ВМРО-ДПМНЕ, Влатко Ѓорчев на дебатата во Пехчево насловена „Иселување и демографија предизвик за Македонија“ во рамки на кампањата „Важно е! Од тебе зависат промените“. Ѓорчев истакна дека причините се бројни, но Македонија никогаш немала покатастрофална власт. оваа власт на Заев, Ковачевски и Пендаровски буквално ја уништува Македонија. - Буквално ја уништуваат Македонија. Ние сме земја која секогаш имала иселување, имало печалба, гурбет, луѓе кои од помалите места оделе за Белград, Германија, прекуокеанските земји, но ваква катаклизма немало никогаш. Пред да дојде живот како што велеше Заев во 2016 имавме 23.000 бебиња, а минатата година имаше историски најмалку 18.027. ниедна земја во светот немала таков пад, нагласи тој. Ѓорчев посочи дека економската политика апсолутно игра улога, нема нова отворена фабрика, нема нов проект, Македонија душмански се пљачка, луѓето бегаат, креваат раце, старите остануваат сами, нема кој да ги гледа, младите заминуваат во Италија, Германија, Скандинавија. -Во првиот квартал оваа година родени се само 3600 деца, а во 2016 година родени се 5600 деца. Тоа се 100 паралелки помалку со деца. Ако ги погледнете бројките падот е 40%, нас ни се случува рецесија на животот, на Пендаровски, Ковачевски, Заев око не им трепнува. Една општина Зрновци првото дете се раѓа во октомври, до толку е лошо, не се сите исти во општина Зрновци во 2016 имало 20 деца. Има одговорност за тоа. Не може да бидеме рамнодушни на тоа. Оние кои ова и го приредија на Македонија треба да ги набркаме, Македонија сака и мора да опстане, изјави Ѓорчев. Ѓорчев нагласи дека не се само помалите места и во поголемите градови е исто, на пример во Центар 4 школи не може да наполниме со деца, паднати сме на 15-16 ученици во паралелка. - Си заминуваат добростоечки семејства, жестока неправда и се случува на Македонија. Мораме да застанеме на нозе, мораме на овие некадарници да им кажеме пријатно и Македонија да ја креваме на нозе, истакна Ѓорчев. „Кога е силно ВМРО-ДПМНЕ и Македонија е силна, не треба да се губи надеж, знаме како да го направиме, со ВМРО-ДПМНЕ Македонија ќе има економија, добри политики програми. Заеднички да ги негуваме традиционалните семејни вредности. Решението е 61 пратеник, треба жестоко изборно оваа власт да биде казнета. Мора да имаме влада што си ја сака државата за да ја издигнеме државата“ - порача тој.

Ѓорчев: Нема првачиња, празни училишта, власта ја уништува Македонија

Ивана Ефремовски — Sat, 02 Sep 2023 09:28:39 +0000

Македонија никогаш во својата историја немала помалку првачиња, никогаш немала помалку ученици, никогаш немала помалку средношколци. На Македонија и се случува и демографска и образовна и човечка катастрофа. Ни се затвораат училиштата, нема доволно првачиња, нема доволно часови за наставниците, има празни училишта, празни клупи и апокалипса која ни се случува пред нашите очи, вели Владимир Ѓорчев, член на ИК на ВМРО-ДПМНЕ. -Со Димитар Ковачевски и неговите министри Македонија преживува егзодус кој буквално ги десеткува ги колабира училиштата низ Македонија и основните и средните. Маалата и улиците ни остануваат без деца Неколку бројки: Општина Велес во однос на минатата година има 49 помалку првачиња, рецесија од 10%. Општина Охрид има 94 помалку првачиња, тоа е рецесија од фрапантни 17% помалку првачиња за само една година. Општина Струга има 52 помалку првачиња, тоа е рецесија за само една година од 9%. Општина Тетово има 200 помалку средношколци и 50 помалку основци кои се запишани во основно образование. Буквално демографска катастрофа. Општина Гостивар има само 50% пополнети места во основно и средно образование, тоа значи дека има празни училници, празни клупи и недоволно ученици, рече тој. „Во Општина Струмица последниве години буквално е преполовен бројот на ученици. Ако во 2019 година се запишувале 750-800 ученици, сега оваа година таа бројка е значително помала. Имаме 4 училишта во 4 села кои немаат ниту едно прваче. Училиштето во Раборци, училиштето во Попчево, училиштето во Мемешли и училиштето во Габрово, тоа се 4 училишта немаат ниту едно единствено прваче. Во 2017 година, годината кога се раѓаат денешните првачиња, родени се 21.700 деца, сега според овие тенденции според овие бројки коишто се комплетираат бројот на првачиња ќе биде можеби нешто под 18.000 првачиња“ - посочи Ѓорчев. Тоа значи дека само до нивната 6-та година, до наполнети 6 години сме изгубиле 15-20% деца коишто се иселиле и си заминале од Македонија сосе нивните родители. -Тоа е пад од фрапантни 4 илјади деца од 0 до 6 години. Поделете го тоа на 20 деца по паралелка, значи дека само од 0 до 6 години од 2017 година и Зоран Заев со неговиот „Живот во Македонија“, сме изгубиле 200 паралелки. Тоа се фрапантни бројки на демографското исчезнување, на демографскиот и иселеничкиот егзодус којшто ѝ се случува на Македонија, на економската катастрофа, на корупцијата која што секој ден ја гледаме, на фијаското, неспособноста и катастрофата на Димитар Ковачевски и неговите министри. Нема учебници, нема лекови, нема основни работи, инфлацијата галопира, Македонија за жал од една пристојна држава, стана тотално неуспешна држава и најлоша на Балканот по сите критериуми. Мора да го промениме тоа, мора да ја вратиме надежта во Македонија и затоа потребни ни се избори час поскоро, затоа потребна ни е нова влада и луѓе коишто со љубов, знаење, посветеност, жар, пасија ќе ја водат Македонија. Затоа што вака како што тргнало со овие некадарници и со овие неразбрани трговци Македонија нема да ја биде, порача Ѓорчев.

Ѓорчев: Владата на Димитар Ковачевски направи катастрофа низ цела Македонија во секое село и општина

Тале Кристо — Sun, 28 May 2023 16:43:19 +0000

Тука сме во Ѓопчели во Дојран да имаме средби со граѓаните, да дискутираме и зборуваме. Тука е повеќе турско население а претходно бевме во Село Фурка каде е повеќе македонско население, истакна членот на ИК на ВМРО-ДПМНЕ Владимир Ѓорчев при денешната теренска активност на ВМРО-ДПМНЕ. „Проблемите се исти, проблемите ги тиштат граѓаните буквално секој ден затоа што оваа Влада на Димитар Ковачевски направи катастрофа низ цела Македонија во секое Село и Општина. Тука сме да ја најавиме програмата на ВМРО-ДПМНЕ, Владата на ВМРО-ДПМНЕ и Христијан Мицкоски“, рече Ѓорчев. Ѓорчев додаде дека тука се за да се врати надежта во Македонија. „Одиме од Село до Село и од човек до човек затоа што ова е Македонија затоа што сме силно мотивирани и затоа што треба да дојде подобар ден и подобро утре во Македонија“, посочи Ѓорчев.

Ѓорчев: Поради катастрофалните политики на власта, на Македонија и се случуваат порази

Дарко Андоновски — Mon, 15 May 2023 08:00:30 +0000

Владимир Ѓорчев, член на ИК на ВМРО-ДПМНЕ во своето гостување во радио Лидер зборуваше за целата ситуација во државата каде јасно посочи дека поради оваа неспособна влада на Македонија и се случуваат голем број катастрофи. -Во моментот главни теми во Македонија се темата со Бехтел и Енка и темата за уставни измени и проблемот со Бугарија и во тие две теми власта губи 100 спрема 0 и тоа не го ни кријат, ама велат ајде што повеќе корупција. Проблемот е што нам ни се случуваат уште 10 други теми кои што на некој начин поминуваат под радар, а кои сите до една се катастрофални за Македонија. Еве почнувајќи од тоа дека имаме најголема инфлација во регионот, дека имаме дупло поголема инфлација од ЕУ, дека немаме никакви инвестиции, дека имаме епско иселување од Македонија, па до тоа дека дојде месец мај завршува учебната година, а децата немаат учебници, рече тој. Ѓорчев во текот на своето гостување потсети какви беше ситуацијата кога ВМРО-ДПМНЕ беше на власт. -Во време на ВМРО-ДПМНЕ имаше и учебници и компјутер за секое дете каде на секои две недели се отвараа спортски сали по училиштата во Македонија, а децата сега немаат да имаат свидетелства и тоа неколку години по ред, потсети тој. Во врска со ситуацијата во Македонија, Ѓорчев спомена и за ситуацијата во здравството каде истакна дека нема цитостатоци, лекови за ретки болести и така натаму. -Нема цитостатоци, нема лекови за ретки болести, се чека рендген нема компјутер, луѓе умираат, нема мамографи и тие кои ги има не работат и не е набавен ниту еден нов мамограф, вели тој. На крај Ѓорчев заклучи дека поради овие погубни политики оваа влада веќе никој не ја брани. -На крај она кое го гледам е дека оваа влада веќе никој не ја брани, додаде тој.

Ѓорчев: Народот е револтиран од политиките на СДС и ДУИ, новата власт предводена од ВМРО-ДПМНЕ ќе ја врати надежта и ќе се избори за Македонија за сите

Дарко Андоновски — Sun, 30 Apr 2023 08:19:02 +0000

Членот на Извршниот комитет, Владимир Ѓорчев со неговиот тим во рамки на акција „Ова е Македонија за сите“ на населените места Петрово, Миравци, Давидово, Милетково, Смоквица и Прдејци каде што од човек на човек, од куќа до куќа остварија средби со жителите. Ѓорчев посочи дека народот е револтиран од актуелната власт и бара промени, нова власт која ќе ја предводи ВМРО-ДПМНЕ, за да се врати надежта помеѓу македонските граѓани. „Атмосферата е добра и убеден сум дека на наредните избори атмосферата ќе биде и победничка, затоа што луѓето и народот низ цела Македонија е револтиран од политиките на СДСМ, на Ковачевски, на Стево Пендаровски, на Али Ахмети, на Артан Груби и целата нивна заедничка влада. ВМРО-ДПМНЕ доаѓа, ВМРО-ДПМНЕ ќе победи и во наредните шест недели ќе одиме во повеќе од 200 населени места да ја вратиме надежта во Македонија, да се бориме за Македонија“, истакна Ѓорчев.

Ѓорчев: Во едно полугодие се иселени околу 12.000 луѓе, додека се случува егзодус во Македонија власта не мрда со прст

Тале Кристо — Wed, 15 Feb 2023 09:55:54 +0000

Во Македонија секогаш имало печалбарство, имало заминување во 60-тите, 80-тите години. Но, ваков егзодус каков што има сега, вакво иселување кое што има сега, никогаш немало. Не зборуваме сега само за помалите места еве Скопје се празни, си заминуваат граѓани и од поголемите градови па и од главниот град, истакна Владимир Ѓорчев, член на ИК на ВМРО-ДПМНЕ во гостување во утринската емисија на радио „Лидер“. Ѓорчев додаде дека се повеќе си заминуваат граѓани од Македонија, и тоа граѓани кои што имаат добри работни места, кои се добро економски ситуирани. „А, тоа значи дека имаме целосен крах на економската приказна во Македонија. Граѓаните во Македонија се повеќе не се чувствуваат сигурни за да останат тука. А, зошто е тоа така? Затоа што како што реков имаме анонимуси кои што се министри, имаме секој ден скандали, имаме држава која што е жестоко опљачкана, и на крајот на краиштата нема никакви нови инвестиции“, заклучи Ѓорчев. „Нека ми каже некој во последниве пет – шест па и седум години која е некоја сериозна инвестиција која што е дојдена во државата освен фарми за марихуана на една фамилија од Струмица“, нагласи тој. Ѓорчев нагласи дека во државата откако СДСМ е на власт инвестиции нема. „За иселувањето на граѓаните од државата што се случува, никој од Владата со прст не мрда. Значи минатата недела излегов со податок дека само од 5 градови имаме во едно полугодие 700-тини иселени деца. Ги набројав Прилеп, Тетово, Штип, Кочани и Куманово. Значи пет градови од кои што имаме 700-тини иселени деца во едно полугодие. А, од власта нема никаква реакција за тоа“, рече Ѓорчев. Тој додаде дека ако во пет градови има 700-тини иселени деца тоа на ниво на Македонија се 4.000 деца. Ако се тоа 4.000 деца тоа значи дека се 4.000 мајки и татковци. Само по таа основа во едно полугодие од Македонија се иселени 12.000 луѓе. А, плус ако се додадат луѓето кои што се млади, кои што имаат околу 20-тина до 30 години тогаш има уште повеќе иселени. И се доаѓа до заклучок дека за една година од Македонија се иселиле околу 35-36.000 граѓани. „Имаме претседател на државата, Стево Пендаровски кој што е тотално бескорисен. Значи на кој што државата му пука по сите шевови, која што се распаѓа, која што исчезнува и ја снемува, а тој ништо не прави, тој вегетира“, укажа тој.

Ѓорчев: Цел јануари не се одржа ниту една седница во Собранието, тоа значи дека немаат мнозинство

Катерина Бојаџиева — Wed, 15 Feb 2023 08:53:53 +0000

Владимир Ѓорчев, член на ИК на ВМРО-ДПМНЕ во своето гостување во радио Лидер зборуваше за владата на СДС за која потенцираше дека тие немаат конкретна агенда како овој народ и ова општество ќе живеат. -Владата е една крпеница, е една лепена, но скршена ваза која не може да функционира. Еве хипотетички да кажеме дека ќе траат уште една година, иако мислам дека е тоа под прашалник, но еве и да биде тој мандат уште година дена, тие немаат нарација, немаат прикаска, немаат наратив, немаат некоја конкретна агенда со која овие луѓе, овој народ и ова општество ќе живеат, рече Ѓорчев. Пратеникот во текот на своето гостување се осврна и на работата во Собранието каде истакна дека оваа владејачко мнозинство цел јануари не одржа ниту една седница во Собранието што значи дека немаат мнозинство. -Цел јануари немаше ниту една седница одржана во Собранието, тоа значи дека немаа мнозинство. Сум бил дел од мнозинство и кога сме биле 65-66-67 пратеници што било тесно мнозинство, а сега тие велат 64 се супер. Сум бил дел од мнозинство кое имало и 81-82 пратеника, значи ВМРО-ДПМНЕ со 62 пратеника со други коалициони партнери, и тоа тешко функционирало и тогаш сме држеле седници секој ден, кажа тој. Пратеникот порача дека некој ништо не работи во Владата, ниту пак се труди за нешто. -Сега нити некој нешто работи во Владата, ниту некој нешто посебно се труди, ниту има некоја приказна, ниту има некоја агенда, вели Ѓорчев.

Ѓорчев до Ковачевски и Пендаровски: Минатово полугодие 4.000 ученици си заминале во странство со родителите

Катерина Бојаџиева — Fri, 10 Feb 2023 11:06:20 +0000

Пред три дена објавивме еден ужасен, тежок податок дека само во пет града во првото полугодие си заминале 700 деца. 700 деца се отпишале од нивните училишта за да заминат во странство од Прилеп, Куманово, Тетово, Штип и Кочани, истакна Владимир Ѓорчев, член на ИК на ВМРО-ДПМНЕ. -Ако ги погледнеме бројките за цела Македонија со таа тенденција бидејќи цела Македонија се празни, секое село, секој град, Скопје се празни доаѓаме до една ужасна бројка дека само во изминатото полугодие од Македонија си заминале 4000 деца, 4000 ученици се отпишале. Тоа е пораз на владата, тоа се катастрофални бројки. Сите тие 4000 деца имаат 4000 мајки, 4000 татковци, дека има деца кои што се отпишале од градинка, дека има отселени луѓе кои што имаат по 20 години а не засновале семејство доаѓаме до една фрапантна бројка дека во времето на Таче Ковачевски и Стево Пендаровски изминатото полугодие од Македонија си заминале околу 15.000 и 20.000 луѓе, давајќи бројка за иселени во текот на 2022 година од 30.000 до 40.000 луѓе, кои што се млади, кои што се силата на оваа држава кои што се виталност. Еден цел градски стадион полн со луѓе ни се има иселено од Македонија за една година со оваа влада на неразбрани трговци, со овој претседател Пендаровски кој со прст не мрда додека државата се распаѓа, додека Македонија пропаѓа и економски, и демографски и државно. Таче Ковачевски кој што не мрда со прст да направи било што за оваа Македонија, а само тера коалиции, Пазар 3, купи ден-помини, со кој што ќе направи некоја комбинација за да остане месец, два, три или пет да остане повеќе на власт, а се помалку и помалку буквално да ја има Македонија со овие иселувања кои ни се случуваат, рече Ѓорчев и додаде: „Не смееме да се помириме дека е редовна состојба, дека е нормално во само пет града да ни се иселат 700 деца за едно полугодие. Повторувам тоа се 4000 иселени деца на ниво на Македонија, тоа се 4000 мајки и татковци кои што исто така си заминале со тие деца, плус додајте деца од градинка, плус додајте луѓе кои се во 20, 25, 30 години кои немаат засновано семејство кои исто така си заминале од Македонија. Значи од Македонија секогаш имало заминување, печалбарство, луѓе кои си оделе но ваков егзодус, вакво празнење на Македонија никогаш, никогаш немало. Ниту еден окупатор, ниту еден душман не ја набркал, не ја раселил Македонија, не ја проретчил Македонија како оваа влада на неразбрани трговци Димитар Ковачевски Таче и Стево Пендаровски. Тоа е катастрофата во која живееме. Мораме да најдеме сила да ги поразиме овие политики. Македонија, мора, мора да најде сили да направи сериозна промена да направи дисконтинуитет да има нова гарнитура која ќе може да спасува што може да се спасува од оваа држава. Затоа што со ваквите политики, со оваа катастрофа и со оваа нивна индиферентност ќе остане буквално пустелија. Нема закажано седница на Совет за безбедност, нема специјална седница на влада нема специјална седница на Собрание мислат дека е нормално и во ред во едно полугодие да ни се иселат 15-20 илјади луѓе, а на ниво на година 40 илјади луѓе и нив тоа не ги допира, око не им трепнува. Тоа е катастрофата во која живееме и тоа е она кое мора да го смениме!“

Ѓорчев: Имаме прилично бескорисен претседател, обичен позер кој само се слика и тера ПР, додека државата му пука по сите шевови

Ристе Здравков — Wed, 08 Feb 2023 21:25:49 +0000

Имаме прилично бескорисен претседател. Обичен позер кој само се слика и тера ПР, додека државата му пука по сите шевови, напиша Владимир Ѓорчев од ВМРО-ДПМНЕ. Државата му се распаѓа по СИТЕ основи (економија, иселување, државност), народот умира, а тој со прст НЕ мрда. Нотар кој само става параф на СИТЕ политики на Заев и Таче. Умреа 10.000 луѓе од ковид, а тој не најде ниту 1 (една) вакцина. Задолжувањето галопира, доаѓа банкрот, а тој се’ потпишува и молчи. Пендаровски нема донесено 1 (една) инвестиција. Зихерашки тера “софт” теми, а Македонија тоне и исчезнува. Тотално бескорисен, изгубен во времето и просторот, истакна Ѓорчев.

Ѓорчев: Невидено иселување на учениците, ова се новите деца бегалци од фијаското на власта

Катерина Бојаџиева — Mon, 06 Feb 2023 11:02:18 +0000

Во моментот сега денес од Македонија се случува невидено иселување. Се случува невиден егзодус во историјата на Македонија. Само во првото полугодие на оваа учебна година испишани се 150 дена од училиштата во Штип и Кочани. Во Куманово заминати се во странство 180 деца, нивни семејства и нивни родители. Од Тетово заминати се над 200 ученици. Во Прилеп за само едно полугодие оваа година заминати се повеќе од 130 деца. Ова е тажно, ова се ужасни бројки, ова е поразително, истакна Владимир Ѓорчев, член на ИК на ВМРО-ДПМНЕ. -Ова се новите деца бегалци во историјата на Македонија како резултат на катастрофалните политики на Зоран Заев, Таче Ковачевски и Стево Пендаровски. Македонија мора да најде сила да ги победи овие политики. Народот мора да ги победи овие политики кои што буквално и секојдневно ја убиваат Македонија. Македонија мора да застане на нозе. Македонија мора да води исправна политика и Македонија треба да си ги чува децата таму каде што им е местото, додава Ѓорчев.