владимир ѓоровиќ – Kurir.mk

Селекторот Ѓоровиќ одбра 15 кошаркарки за завршните евроквалификации во Рига

Дарко Андоновски — Sat, 23 Jan 2021 10:50:53 +0000

Селекторот на македонската женска кошаркарска репрезентација Владимир Ѓоровиќ денеска го објави списокот со 15 кошаркарки за двата завршни натпревари, идниот месец, во квалификациите за Европското првенство. Избраничките на Ѓоровиќ ќе го завршат тековниот евроквалификациски циклус со две гостувања во Рига, против домаќинот Летонија, на 4 февруари, и против Хрватска, два дена подоцна. – За овој февруарски ’прозорец‘ на ФИБА и квалификациските дуели во Летонија беа планирани уште неколку кошаркарки. Во прв ред, Јелена Антиќ, која е на посебни третмани за заздравување во Катар. Потоа Александра Стојановска, која за жал не е комплетно заздравена по операцијата на скочниот зглоб, и Кожобашиоска, која од пред неколку дека е во карантин во Италија. На поширокиот список не се Селцова и Митрева, кои сè уште се во рехабилитациска фаза после оперативните зафати во изминатиот период“, истакна Ѓоровиќ. За двете завршни пресметки во евроквалификациите македонските кошаркарки ќе се подготвуваат во Охрид. Список на повикани кошаркарки за натпреварите против Летонија и Хрватска: Нена Трајчевска, Матеа Николиќ, Анџелика Митрашиновиќ (Будуќност-Црна Гора), Ивана Кметовска (Баскет КАМ), Катерина Поп Димитровска (Баскет КАМ), Драгана Јоловиќ (Бадел 1862), Сања Адамовска (Бадел 1862), Цветанка Димова (Бадел 1862), Ивона Пејковска (Вардар), Јована Петрушевска (Вардар), Габриела Модева (Струга2009), Матеа Атанасовска (Палаванестро В-Италија), Елена Тасевска (Палаванестро В-Италија), Софија Лазареска (Милано БС-Италија), Девана Бонер (Елитцур Рамла-Израел).

Македонските кошаркарки ги почнаа подготовките за евро-квалификациите

Ивона Петрова — Tue, 05 Nov 2019 10:47:09 +0000

Македонската женска кошаркарска репрезентација предводена од новиот селектор Владимир Ѓоровиќ денес ги почна подготовките за следниот квалификациски циклус. „Црвено-жолтите“ идната седмица ќе одиграат два натпревара, први во рамки на квалификациите за Европското првенство закажано за 2021 година. Репрезентацијата ќе биде комплетирана викендот што следи по приклучување на кошаркарките кои се натпреваруваат надвор од рамките на државата. Противнички на македонските кошаркарки ќе бидат германските репрезентативки на 14 ноември, а три дена подоцна ќе се пресметаат со летонската селекција.

Ѓоровиќ официјално е селектор на женската репрезентација

Дарко Андоновски — Fri, 01 Nov 2019 15:25:17 +0000

Управниот одбор на Кошаркарската федерација на Македонија, официјално го назначи Владимир Ѓоровиќ за селектор на женската сениорска репрезентација. Искусниот тренер на Струга 2009, летоска работеше со потенцијалните репрезентативки, а за в понеделник го закажа првиот собир, пред настапот во квалификациите за Европското првенство 2021 година. На 14 ноември, девојките гостуваат кај Германија, а три дена подоцна во „Јане Сандански“ во Скопје ќе ни гостува Летонија. Тренинзите ќе бидат во големата сала на СРЦ Кале, а Ѓоровиќ повика 18 кандидатки. ј